Jeremías 32:2 - Bible in Tzeltal Bachajón

² Ha nix yorahil a te soldadohetic yu'un te ajwalil yu'un Babilonia la sjoyintayic ta guerra te Jerusalén, soc te jalwanej Jeremías chucul ta yamaq'uil te cárcel te ay ta sna te ajwalil yu'un Judá.

Bible in Tzeltal de Oxchuc y Tenejapa

² Ja'ix yorail a te soldadoetic yu'un te muc' ajwalil ta Babilonia te yacalic ta stenel ta guerra te Jerusalén; te j'alwanej Jeremías macal ta chuquel ta amac' yu'un soldadoetic, ta spalacio te muc' ajwalile.

Jeremías 32:2 ပူးပေါင်းရင်းမြစ်များ

2 Reyes 25:1

Ta baluneb ha'bil yochel ta ajwalil a te Sedequías, ta slajunebal c'ahc'al ta slajunebal u, te Nabucodonosor ajwalil yu'un Babilonia tal soc te soldadohetic yu'un ta ya'beyel guerra te Jerusalén. La sjoytay soc la spas smohibic ta sjoyobal te sts'ahcule.

Nehemías 3:25

Te Palal snich'an Uzai, la scha'pas xan ta stojol te xuhc, soc te toyol ilo-q'uinal yu'un te sna ajwalil te ay ta yamaq'uil te jcanan-soldadohetic. Ta sts'ehl tey ay a te Pedaías snich'an Faros.

Salmos 88:8

La awac' spihteson te mach'atic jun co'tan jba soc; la awac' te la yihlayonic; macbilon, ma xhu' ya xloc'on ta ahnel.

Jeremías 32:3

Como Sedequías ajwalil yu'un Judá yac'ojix ta chuquel tey a, yu'un hich la yal: ¿Bin yu'un te hich yac awal ta sc'op-jalwanej: Hich yaloj te Jehová: Ya cac' ta sc'ab te ajwalil yu'un Babilonia te pueblo ini, ha me ya yu'untay;

Jeremías 32:8

Hich te bin ut'il la yal te Jehová, tal ta jtojol ta yamaq'uil te cárcel te Hanameel snich'an jtajun, hich la yalbon: Mambon te jq'uinal te ay ta Anatot ta sq'uinal Benjamín, como ay ta acuenta smanel. Mana yu'un awu'un ya xc'oht, xchi. Hich la jna' te ha sc'op te Jehová;

Jeremías 33:1

Tal sc'op Jehová ta schebal buelta ta stojol Jeremías te c'alal ay to ta chuquel a ta yamaq'uil te cárcel, hich la yal:

Jeremías 34:1

Ha te sc'op Jehová te tal ta stojol Jeremías c'alal la ya'beyic guerra te Jerusalén te Nabucodonosor ajwalil yu'un Babilonia soc spisil te soldadohetic yu'un, spisil te nacionetic te cuentahimbilic yu'un soc spisil te pueblohetic yu'un, hich la yal:

Jeremías 36:5

Patil, te Jeremías hich la spas ta mandar te Baruc: Ma xyac'on ochel ta sna Jehová.

Jeremías 37:15

Te príncipaletic ilinic ta stojol Jeremías, la smajic soc la yaq'uic ta chuquel ta sna Jonatán te jts'ihbajel, te c'atp'ujem ta cárcel te snahe.

Jeremías 37:21

Ha yu'un te ajwalil Sedequías la yal mandar te ya yich' canantayel te Jeremías ta yamaq'uil te cárcel soc te jujun c'ahc'al ya x'a'bot jpehch pimil pan ta calle yu'un te jpas-panetic ha to c'alal ya xlaj spisil te pan ta pueblo. Hich hil ta yamaq'uil te cárcel te Jeremías.

Jeremías 37:4

Te Jeremías bayuc behen ta yohlil te pueblo, como ma to ochemuc ta cárcel a.

Jeremías 38:13

Hich te winiquetic la sloq'uesic mohel ta lazohetic ta hotbil ch'en. Te Jeremías hil ta yamaq'uil te cárcel.

Jeremías 38:6

Ha yu'un la stsaquic te Jeremías, la yotsesic ta hotbil ch'en yu'un Malquías snich'an te ajwalil, te ay ta yamaq'uil te cárcel. La scohtesic ta lazo. Mayuc ya'lel te hotbil ch'en, ha nax ahch'al; te Jeremías co bahel ta ahch'al.

San Mateo 5:12

Tse'eluc me awo'tanic soc ayuc me yutsil awo'tanic yu'un, como muc' amahtan yac awich'ic ta ch'ulchan, como hich nix la yuts'inic te jalwanejetic te nahil ay awu'unique.