Jeremías 30:3 - Bible in Tzeltal Bachajón

³ Como ya xtal sc'ahc'alel, xchi te Jehová, te ya cac' te ya suhtic tal te jchuqueletic yu'un te pueblo cu'un, ha te Israel soc te Judá. Ya quic'ticlan tal ta q'uinal te la jca'be te sme'static, ya me yu'untayic, xchi.

Bible in Tzeltal de Oxchuc y Tenejapa

³ Melel ya xtal sc'aalelal te ya cac'bey xan yutsilal te lum cu'une, ja' te Israel soc te Judá. Jo'on Ajwalilon, jich ya cal. Ya jsujt'es tel ta bay lumq'uinal te la cac'bey yu'unin te sme'-statique —xi'.

Jeremías 30:3 ပူးပေါင်းရင်းမြစ်များ

Esdras 3:1

C'alal la sta te shuquebal u, ayiquix ta jujuntic pueblo yu'unic a te snich'nab Israel, junax la stsob sbahic ta Jerusalén.

Esdras 3:12

Tsobol te sacerdotehetic, levitahetic soc jtsobawetic yu'un jujuchahp sna sme'stat, soc te mamaletic te la yilic te Templo te ay ta nahilal, tulan oq'uic te c'alal la yilic te yac ta ochel te yich'o-ip te Templo ini; pero tsobol yantic yacalic ta aw ta scuenta yutsil yo'tanic.

Esdras 3:8

Ta schebal u ta schebal ha'bil shulelic ta Jerusalén a, te Zorobabel snich'an Salatiel, Jesúa snich'an Josadac, soc te yantic yermanotac, ha te sacerdotehetic, levitahetic soc spisil te mach'atic bahemic ta chuquel te ayiquix ta Jerusalén, hahchic ta a'tel; la ya'beyic ya'tel te levitahetic te c'axemix jtahb (20) ya'bilal te ya scuentahinic te a'tel ta sna Jehová.

Salmos 126:4

Jehová, ¡suhtesa talel te jchuqueletic cu'uncotic, hich te bin ut'il te uc'umetic ta Neguev!

Salmos 53:6

¡Ha'uc ya xloc' tal ta wits Sión te scolel te Israel! Te bin ora Dios ya suhtes tal ta chuquel te pueblo yu'une, stse'el me yo'tan Jacob soc bayel me yutsil yo'tan Israel yu'un.

Jeremías 16:15

hich me ya yich' halel: Yiloj Jehová te la sloq'ues tal te israeletic ta q'uinal ta stojol norte soc ta spisil te q'uinaletic te banti spucticlanej bahele, xchi. Como ya jsuhteslan tal ta sq'uinalic, ha te la jca'be te sme'statique.

Jeremías 23:5

Ya me xtal sc'ahc'alel, xchi te Jehová, te ya jchicnajtes jtuhl spuhl te David te toj yo'tan, ha ya x'och ta ajwalil, ya scuentahin soc sp'ijil yo'tan, soc toj me ya ya'iy chahpanwanej soc ya spas te bin toj ta pasel ta q'uinal.

Jeremías 27:11

Yan te nación te ya yac' ta snuc' te yugo yu'un te ajwalil yu'un Babilonia soc te ya yac' sba ta a'batinel yu'une, ya cac' te ya xhil ta sq'uinal, ya schahpan te sq'uinal soc ya xhil ta nahinel tey a, xchi.

Jeremías 27:22

Ya me x'ich'otic bahel ta Babilonia, tey ya xhilic a ha to c'alal ya sta yorahil te ya xtal quile, xchi te Jehová. Hich ya quich' suhtel tal soc ya jcha'ac'ticlan ta lugar ini, xchi.

Jeremías 29:10

Como hich yaloj te Jehová: C'alal ya sts'acay te lajuneb schanwinic (70) ha'bil ta Babilonia, ya xtal jc'ohtes ta pasel te bin t'ujbil caloj ta atojolic, ya cac' te ya suhtex talel ta lugar ini.

Jeremías 29:14

Ya cac' jba ta tahel awu'unic, xchi te Jehová, soc ya cac' te ya suhtic talel te jchuqueletic awu'unic; ya jtsobex tal ta spisil te nacionetic soc ta banti la jpuquex bahel, xchi te Jehová. Ya cac' te ya suhtex tal ta banti loq'uex hahchele, xchi.

Jeremías 3:18

Ta hich ora te sna Judá ya sjoquin te sna Israel, soc pajal ya xloq'uic tal ta q'uinal ta norte, ya xc'ohtic ta q'uinal te la jca'be yich'ic hilel te ame'atatique.

Jeremías 30:10

Ha'at, Jacob, a'batat cu'un, ma me xiwat, xchi te Jehová, ma me xnihc awo'tan, Israel, como ilawil, ho'on ya jcoltayat tal ta namal q'uinal, ha'at soc ats'umbal ta q'uinal banti chuculex. Ya suht tal te Jacob, lamal q'uinal soc jun yo'tan ya x'ayin, mayuc mach'a ya xiwtesot yu'un.

Jeremías 30:18

Hich yaloj te Jehová: Ilawil, ya cac' suhtuc tal te yutsil slequil te snahilpac' Jacob, soc ya me jna'be yo'bolil sba banti nahinemic; te pueblo ya yich' cha'pasel ta sba te banti jimbil, soc te sna ajwalil ya xc'oht ta mero yawile.

Jeremías 30:4

Ha te sc'op Jehová te la yalbe sc'oblal Israel soc Judá:

Jeremías 31:16

Hich yaloj te Jehová: Coma aba ta oq'uel soc ma xawac' loc'uc ya'lel asit, como ya yich' tojel te awa'tel, xchi te Jehová, ya suhtic loq'uel tal ta sq'uinal te contrahe.

Jeremías 31:23

Hich yaloj te Jehová te scuentahinej spisil, te Dios yu'un Israel: C'alal ya cac' te ya suhtic tal te jchuqueletic, hich me ya yalic yan buelta ta sq'uinal Judá soc ta pueblohetic yu'un: Te Jehová ac'a ya'bat bendición, ha'at yawilat te bin stojil ta pasel, ha'at ch'ul witsat, xchihic.

Jeremías 31:27

Ya xtal sc'ahc'alel, xchi te Jehová, te ya jts'un te sna Israel soc te sna Judá soc sts'umbal winiquetic soc sts'umbal chambahlametic.

Jeremías 31:31

Ya xtal sc'ahc'alel, xchi te Jehová, te ya jpas yach'il chapbil-c'op soc te sna Israel soc te sna Judá.

Jeremías 31:38

Ya xtal sc'ahc'alel, xchi te Jehová, te ya yich' cha'pasel xan ta stojol Jehová te muc'ul pueblo ini, c'alal ta toyol bahlal ts'ahc yu'un Hananeel ha to ta Ochibal ta xuhc.

Jeremías 32:37

Ya me jtsobticlan tal ta spisil q'uinal banti la jpucticlan bahel ta scuenta quilimba soc smuc'ul c'ahc'al co'tan; ya cac' suhtuc tal ta lugar ini soc jun yo'tan ya x'ayinic tey a.

Jeremías 32:44

Ya me yich' manel q'uinal, ya yich' pasbeyel shunal, ya yich' sello soc ya yac' sfirmahic te testigohetic li' ta sq'uinal Benjamín, ta sjoyobal Jerusalén, ta pueblohetic ta Judá, ta witsiltic, ta tsehletic soc ta pueblohetic ta Neguev, yu'un ya cac' te ya suhtic tal te jchuqueletic yu'unique, xchi te Jehová, xchi te Jeremías.

Jeremías 33:26

hich ya sp'aj co'tan te sts'umbal Jacob soc David te a'bat cu'un, yu'un ma ba ya jtsa te sts'umbal David te ha ya scuentahin te sts'umbal Abraham, Isaac soc Jacob. Ya me cac' suhtuc te jchuqueletic yu'unic soc ya me jc'uxultay, xchi.

Jeremías 51:60

Te Jeremías la sts'ihbay ta hun spisil te bintic chopol te ya xtal ta stojol Babilonia, spisil te c'opetic la yalbe sc'oblal ta scontra te Babilonia.

Ezequiel 20:42

Ya me ana'ic ta ho'on Jehovahon te c'alal ya caq'uex ochel ta sq'uinal Israel, te q'uinal te la jach jc'ab yu'un soc la jcal ta jamal te ya ca'be te ame'atatique.

Ezequiel 34:13

Ya jloq'ueslan tal ta pueblohetic, ya jtsobticlan tal ta q'uinaletic; ya quic'ticlan tal ta sq'uinalic soc ya cac'ticlambe swe'elic ta witsiltic yu'un Israel, ta uc'umetic soc ta spisil te q'uinal banti ay yajwal.

Ezequiel 36:24

Ho'on ya jloq'uesex tal ta nacionetic, ya jtsobex talel ta spisil te q'uinaletic, ya quiq'uex tal ta alumalic.

Ezequiel 47:14

Pajal ya me apucticlanic; ha yu'un te la jach jc'ab soc la jcal ta jamal te ya ca'be te ame'atatic; ha yu'un ha te q'uinal ini te yac awich'ic hilel.

Joel 3:1

Ta hich sc'ahc'alel soc ta hich ora, te c'alal ya ca'be xan yutsil slequil te Judá soc te Jerusalén,

Sofonías 2:7

Ha yu'un ya xc'oht te mach'atic hilemic yu'un Judá, tey ya sta swe'elic a. Ya xwayic ta ahc'abal ta nahetic yu'un Ascalón, yu'un ya xna'botic yu'un te Jehová te Dios yu'unic, ha ya yac'ticlan tal te banti chuculique.

Sofonías 3:20

Ta hich ora ya quiq'uex talel, ya jtsobex tal ta hich ora; ya cac' te ya xpuhc ac'oblalic soc ya x'ich'otex ta muc' ta stojol spisil te pueblohetic ta bahlumilal, te c'alal ya jcha'a'beyex ac'ulejalic ta atojol te yac awilique, xchi te Jehová.

San Lucas 17:22

Soc la yalbe te jnopojeletic yu'une: Ya me sta yorahil te awo'tanicuc te yac awilic junuc sc'ahc'alel te Nich'anil ay ta scuenta winic, pero ma ba yac awilic.

San Lucas 19:43

Ya me sta yorahil te ya xtalat ta joytayel yu'un acontrahic, buen macbil ta bayuc ya xc'ohat yu'unic;

San Lucas 21:6

Te bintic yac awilbelic, ya me sta yorahil te mayuc ya xhil junuc ton cajal ta sba yan ton te ma ba ya yich' jinele, xchi.

Deuteronomio 30:3

hich te Jehová ya me yic' suhtel tal te mach'atic chucajtic bahel awu'un, ya sna'bat yo'bolil aba, ya scha'tsobat loq'uel tal ta yohlil te nacionetic ta banti la spucat bahel te Jehová te Dios awu'une.

Deuteronomio 30:5

Te Jehová te Dios awu'un ya yac' te ya suhtat xan tal tey ta q'uinal la yich'ic hilel te ame'atatique, ha awu'un ya xc'oht. Lec bin ya spasbat, c'ax hich ya yac' p'ohlucat a te bin ut'il te ame'atatique.

Hebreos 8:8

Hich la yal te Dios te c'alal la stij ta c'op te israeletique: Ya me sta yorahil, xchi te Cajwaltic, te ya jchap yach'il chapbil-c'op soc te na yu'un Israel soc yu'un Judá.