Jeremías 3:9 - Bible in Tzeltal Bachajón

⁹ Te bin ut'il mayuc sc'oblal la ya'iy te la yac' sba ta antsinel, hich la sbohlobtes te q'uinal, yu'un la yac' sba ta antsinel ta stojol ton soc te'.

Bible in Tzeltal de Oxchuc y Tenejapa

⁹ Ma'yuc swocolil ta pasel la yaiy te la sboltes a te lumq'uinale. Mero ma junuc yo'tan ta jyalel, ba xch'uun te tonetic soc te te'etique.

Jeremías 3:9 ပူးပေါင်းရင်းမြစ်များ

Isaías 57:3

¡Yan te ha'exe, nohpojanic talel, ha'ex te snich'nabex jna'ojel, sts'umbalex j'antsiwej soc j'antsinel ants!

Isaías 57:6

Te sch'ulet tonetic ta sjuclej ha te bintic awu'un ya xc'oht, ha te bintic yac awich'ique; la awaq'uic malbil mahtanil ta stojolic soc la awa'beyic smahtanin harina. ¿Ma bal yacuc ca'be castigo yu'un spisil ini?

Jeremías 10:8

Spisilic sonsohetic soc ma sna'ic q'uinal; nohptesbilic yu'un loc'ombahetic pasbil ta te' te ma xtuhunique.

Jeremías 16:18

Nahil ya ca'be stojic cheb buelta yu'un te schopolilic soc te smulique, como la sbohlobtesbonic sc'oblal te jq'uinal ta scuenta te pujajtic sloc'ombahic te ihlaybilic, soc la snojesic te jq'uinal ta bintic ilobtic sba yu'unic, xchi te Jehová.

Jeremías 2:27

te hich ya yalbeyic te te': Ha'at jtatat, xchihic, soc hich ya yalbeyic te ton: Ha'at la awalatayon, xchihic. La ya'bon quil te spatic, ma ha'uc te sit yelawic. Pero te c'alal ay swocolic hich ya yalic: ¡Hahchan, coltayawotcotic! xchihic.

Jeremías 2:7

Ho'on la jquiq'uex tal ta lequil q'uinal scuenta yu'un yac awe'beyic sit te awal ts'unubic soc te bintic lec tey a. Pero tal abohlobtesbonic sc'oblal te q'uinal cu'un soc la awaq'uic te ilobtic sba c'oht te bin quich'oje.

Jeremías 3:2

Toya mohel asit ta toyol t'axal q'uinal, ilawil teme ay banti ma ba la awac' aba ta antsinel. La ahuhcan aba ta ti'be ta smahliyel te mach'a yac awac' aba ta antsinel yu'un, hich te bin ut'il jtuhl árabe ta jochol taquin q'uinal. La abohlobtes te q'uinal ta scuenta te antsinel awu'un soc achopolil.

Ezequiel 16:17

Soc la awich' te t'ujbil ch'ahlelaletic pasticlambil ta oro soc ta plata te ho'on la jca'bate, la apasbe sloc'ombahil winiquetic a soc la awac' aba ta antsinel soc.

Ezequiel 23:10

Ha'ic la swahtanic, la yic'beyic te squerem-alatac soc te yantsil-alatac, soc la smilic ta espada te antse. Puhc sc'oblal ta stojol te antsetic ta scaj te castigo a'bote.

Ezequiel 23:21

Hich la ana' xan te bin chopol la amulan ta awach'ixlel, te c'alal te egipciohetic la sjaxunlambat ta mulanel te achu', te achu' scuenta awach'ixlel.

Ezequiel 23:3

la yac' sbahic ta antsinel ta Egipto; c'alal ach'ix to a la yac' sbahic ta antsinel. Tey la yich' tsacbeyel schu'ic a, tey la yich' jaxulambeyel ta mulambeyel schu'ic yach'ixlel.

Oseas 2:2

¡Halbeyahic smul ananic, halbeyahic smul, como ma quihnamuc, soc ma smamalalucon! Ac'a yihquitay hilel ta stojol te antsinel yu'un, te yajmul ta banti stahn.

Oseas 4:12

Te pueblo cu'un ya sjoc'obe te loc'omba yu'un te pasbil ta te', te si' ya sjac'be sc'opic; como ac'otic ta howiyel yu'un te yantsiwejic, la yihquitayic te Dios yu'unic ta scuenta yantsiwejic.

Joel 1:19

Ha'at, Jehová, ya cawtayat; como lajix ta chiq'uel ta c'ahc' te ya'malel te jochol q'uinal, soc lajix ta c'ahq'uel spisil te te'etic ta q'uinal.

Habacuc 2:19

¡Obol sba te mach'a hich ya yalbe te te': Cuxa awo'tan, soc te ya yalbe te ton te ma xc'opoj: Hahchan, te xchihe! ¿Ya bal xhu' ya xnohpteswan? Aunque potsbil ta oro soc ta plata, mayuc sch'uhlel.

San Mateo 5:32

Pero ho'on ya calbeyex te mach'a ya yihquitay yihnam, teme ma ba ta scaj te yac'oj sba ta antsinel, ha me ta scuenta te ya yac' ta antsinel te yihname; soc te mach'a ya yic' te ihquitaybil ants, yac me ta antsiwej abi.