Jeremías 3:4 - Bible in Tzeltal Bachajón

⁴ ¿Ma bal yach'iluc to hich la awalbon: Jtat, ha'at joquinwanejat cu'un c'alal to ta jqueremil,

Bible in Tzeltal de Oxchuc y Tenejapa

⁴ Ach' to nax la awalbon: “Jtat, mero joyat c'alal to tel ta calalil.

Jeremías 3:4 ပူးပေါင်းရင်းမြစ်များ

Salmos 119:9

¿Bin ut'il lec ya xc'oht te sbe te quereme? Ha te ya spas te bin ya yal te ac'ope.

Salmos 48:14

como te Dios ini ha Dios cu'untic sbahtel q'uinal; ha jtojobteswanej cu'untic sbahtel q'uinal.

Salmos 71:17

Dios cu'un, c'alal ta jqueremil to awa'beyejon jnop, c'alal ora yacon ta yalel te jchahp a'teliletic awu'une.

Salmos 71:5

Como ha'at, Cajwal Jehová, smuc'ulat co'tan soc yipat co'tan c'alal ta jqueremil to.

Proverbios 1:4

scuenta ya'beyel sp'ijil yo'tanic te mach'atic mayuc bin ya sna'ic, soc ya'beyel sna'ojibal soc yu'un ya sna' stsahtayel sbahic te queremetique.

Proverbios 2:17

te ya sch'ay hilel te smohlol c'alal ach'ix to a, soc ya sch'ay ta yo'tan te bin c'opil la schap soc te Dios yu'une.

Jeremías 2:2

Bahan, halbeya te Jerusalén te hich ya yal te Jehová: Ya jna' te c'alal ach'ixat to a jun awo'tan ta jtojol, te c'uxon ta awo'tan te c'alal jmacojat a, te la at'unon bahel ta jochol taquin q'uinal, ta q'uinal te mayuc bin ts'umbil tey a.

Jeremías 2:27

te hich ya yalbeyic te te': Ha'at jtatat, xchihic, soc hich ya yalbeyic te ton: Ha'at la awalatayon, xchihic. La ya'bon quil te spatic, ma ha'uc te sit yelawic. Pero te c'alal ay swocolic hich ya yalic: ¡Hahchan, coltayawotcotic! xchihic.

Jeremías 3:19

Hich la jcal: Mero la jc'an te ya caq'uex ta al-nich'anetic cu'un soc te ya ca'beyex t'ujbil q'uinal, ha te q'uinal te c'ax hich yutsil a te bin ut'il te yich'ojic yantic nacionetic. La jcal te, Jtat, xchihuquex ta jtojol, te ma ba yac awihquitay aba at'umbelon.

Jeremías 31:22

¿Jayeb xan c'ahc'al te ya xhowiyat ta behel, ach'ix te ma junuc awo'tan? Como te Jehová spasojix te bin yach'il ta bahlumilal: jtuhl ants ya smac jtuhl winic, xchi.

Jeremías 31:9

Soc oq'uel ya xtal, soc sc'uxul co'tan ya quic'ticlan suhtel tal. Ya cac' behenuquic ta sti'il be-ha'etic, ta toj be te banti ma ba ya sc'ohchin yoquic, como ho'on tatilon yu'un Israel, soc te Efraín, ha jba-nich'an.

Oseas 2:15

Tey ya jsutbe a te ts'usubiletic yu'un, soc ya cac' te ha yochibal smuc'ul-o'tanil ya xc'oht te spamlej Acor. Tey ya xc'ayojin a hich te bin ut'il c'alal ach'ix to a, hich te bin ut'il te bin c'ahc'alil loc' tal ta Egipto.

Malaquías 1:6

Te nich'anil ya yich' ta muc' te state, soc te a'bat ya yich' ta muc' te yajwale; teme ho'on tatilon, ¿bin yu'un ma ba yac awich'onic ta muc'? teme ho'on ajwalilon, ¿bin yu'un ma ba yac axi'onic, ha'ex sacerdotehex te yac ap'ajic te jbihile? xchi te Jehová te scuentahinej spisil. Pero yac awalic: ¿Bin ut'il jp'ajojcotic te abihile? xchihex.

Malaquías 2:14

Pero hich yac ajoc'oyic: ¿Bin yu'un? xchihex. Como te Jehová ha testigo ta atojol soc ta stojol te ants nuhpunat soc te c'alal queremat to a, te ma ba junix awo'tan ta stojol, aunque ha amohlol soc ha achapoj ac'op soque.