Jeremías 3:22 - Bible in Tzeltal Bachajón

²² Suhtanic tal ta jtojol, toyba al-nich'anex, ya jlecubtesex yu'un atoybahilic, xchi te Jehová. Ilawil, ya suhtotic tal ta atojol, como ha'at Jehovahat te Diosat cu'uncotique.

Bible in Tzeltal de Oxchuc y Tenejapa

²² Sujt'anic tel ta jtojol, ja'ex te toyba alnich'anexe; jo'on ya jch'aybeyex te atoybailique —xi' te Cajwaltique. Jich ya yalic te israeletique: —Li' ayotic to, ya sujt'otic tel ta atojol, melel ja'at Cajwalticat te Diosat cu'untique.

Jeremías 3:22 ပူးပေါင်းရင်းမြစ်များ

Oseas 14:1

¡Israel, suhtan tal ta stojol Jehová te Dios awu'un, como ta scaj amul te yahlate!

Oseas 14:4

Ya jlecubtesbe te stoybahil, ta scuenta yutsil co'tan c'ux ya ca'iy ta co'tan, como te quilimba loc' bahel ta stojolic.

Zacarías 13:9

Te jtsal xan ini ya cotses ta c'ahc', ya jlecubtes hich te bin ut'il ya yich' lecubtesel te plata, ya jtsaj hich te bin ut'il ya yich' tsajel te oro. Ya sc'oponon ta jbihil, soc ho'on ya ca'iybe sc'opic. Hich ya cal: Ha pueblo cu'un, xchihon; hich me ya yal: Ha Dios cu'un te Jehová, xchi.

Oseas 13:4

Pero Ho'on Jehovahon te Dios awu'un c'alal ayat to ta sq'uinal Egipto; mayuc yan dios te yac ana'be sba, mayuc yan jcoltaywanej, ho'on nax jtuquel.

Oseas 3:5

Patil ya suhtic tal te snich'nab Israel, ya slehic te Jehová, te Dios yu'unic, soc David te ajwalil yu'unique; soc ta nopol slajibal c'ahc'al ya me xtal yich'ic ta muc' te Jehová soc te yutsil slequil.

Jeremías 30:17

Pero ya cac' te ya xcha'lecubat xan soc ya jc'asesbat awehchen, xchi te Jehová, como Ch'aybilat, xchi te abihile, yu'un hich la yalic: Ha te Sión te mayuc mach'a ya xna'otix yu'une, xchihic.

Jeremías 31:18

La jca'iybe yoq'uel te Efraín, te hich la yal: La awa'bon castigo, hich la jquich'ix castigo te bin ut'il jcoht tut toro te ma ba c'ahytesbile. Ic'awon suhtel, hich ya suhton tal, como ha'at Jehovahat te Diosat cu'une.

Cantares 1:4

¡Ic'awon bahel ta ora! Te ajwalil la yic'on ochel ta stsalul sna. Tse'el me co'tancotic soc bayel me yutsil co'tancotic ta atojol; c'ax me hich ya jna'cotic a te sc'uxul awo'tan te bin ut'il te vino. ¡Ha scuentahil te c'uxat ta yo'tanic!

Oseas 14:8

Hich me ya yal te Efraín: ¿Bin cochel a te loc'ombahetic? xchi. Ho'on ya ca'iybe sc'op soc ya jcanantay; hich ya xc'ohon ta stojol te bin ut'il taj te spisil ora yax, ya xloc' tal ta jtojol te sit awu'une.

Jeremías 33:6

hich la yal: Ya cac' te ya xlecubic soc te lec q'uinal ya ya'iyic, ya jpoxtay soc ya ca'be yilic bayel lamal q'uinal soc jun-o'tanil.

Isaías 27:8

La awa'be castigo te Israel ta scuenta sloq'uesel bahel ta yan q'uinal. La shu'xiy loq'uel ta yic'al ye, te bin ora tal ic' ta banti ya xloc' tal c'ahc'al.

Isaías 1:2

A'iya awa'iy, ch'ulchan, a'iya awa'iy, bahlumilal; como hich ya yal te Jehová: La jcoltes jnich'nab, la jmuc'ubtes, pero la stoy sbahic ta jtojol.

Isaías 57:17

Ilinon yu'un schopolil te sbic'tal yo'tan, la jca'be castigo, la jnac' jba ta stojol soc ilinon; pero te jtoybahil la st'un bahel te be te la sc'an yo'tan stuquel.

Jeremías 3:12

Bahan, hich me xapuc ta halel ta stojol norte: Suhtanic tal ta jtojol, toyba Israel, xchi te Jehová, ma ba soc ilimba ya quilatix, como ho'on jc'uxultaywanejon, xchi te Jehová, ma ba spisil ora ya x'ilinon.

Jeremías 4:1

Teme ya suhtat talel, Israel, xchi te Jehová, suhtan tal ta jtojol. Teme yac aloq'ues bahel te loc'ombahetic awu'un te ihlaybilic soc teme ma ba bayuc nax ya xbahex,

Ezequiel 33:11

Hich me xawalbe: Ho'on cuxulon, xchi te Jehová te Ajwalil, ma jc'an te ya xlaj te mach'a chopol, ha ya jc'an te ya yihquitay hilel te be yu'un soc te ya xcuxaj. ¡Ihquitayahic, ihquitayahic te chopol behetic awu'unic! ¿Bin yu'un te ya xlajex, snahex Israel? xchihat.

Isaías 31:6

Yal-snich'nab Israel, ¡suhtanic bahel ta stojol te mach'a tulan atoyoj abahic ta stojole!

Ezequiel 18:30

Ha yu'un, snahex Israel, ya jchahpanex ta tuhlultuhl, ha chican te behetic awu'unic, xchi te Jehová, te Ajwalil. Suhtesa awo'tanic, ihquitayahic hilel spisil te c'axuntayel mandar awu'unic, scuenta yu'un ma ba ya sjinex te bin chopole.

Oseas 14:5

Hich ya xc'ohon ta stojol Israel te bin ut'il ts'ujul, ha ya snichin hich te bin ut'il te lirio, soc hich ya xc'uhb bahel slohp' te bin ut'il te cedrohetic ta Líbano.

Joel 2:12

Yo'tic ini, xchi te Jehová, suhtanic tal ta jtojol soc spisil awo'tanic, suhtanic ta jtojol ta spisil awo'tanic, coma awe'elic, mela awo'tanic soc oc'anic.