Jeremías 3:16 - Bible in Tzeltal Bachajón

¹⁶ Te c'alal ya sta yorahil te yac ap'ohl abahic soc te ya xmuc'ubex ta q'uinal, xchi te Jehová, ma ba hich ya yich' halel: ¡Te scaxahul te chapbil-c'op yu'un Jehová! ma xchihuquic. Ma ba ya xtal ta yo'tanic, ma ba ya sna'iquix, mayuquix ta cuenta, ma ba ya yich'ix pasel yan.

Bible in Tzeltal de Oxchuc y Tenejapa

¹⁶ Te c'alal esmajexix a te alumalic te ja'exe, soc te ayix bayal anich'nabic a, ma me ayuc jtuluc ya yalbey xan sc'oplal te scajonil trato yu'un te Cajwaltique. Ma me ayuc mach'a ya xc'opoj yo'tan jtuluc, ni ma me ayuc mach'a ya sna' xan. Ma me ayuquix falta, ni ma me yich'ix pasel ta yach'il. Jo'on Ajwalilon te ya cal te jc'ope.

Jeremías 3:16 ပူးပေါင်းရင်းမြစ်များ

Isaías 60:22

Te mach'a tut, ta mil ya xc'oht; te ihts'inal ya xc'oht ta jun nación te ay yip. Ho'on Jehovahon, ta yorahil ya jc'ohtes ta pasel ta ora.

Isaías 61:4

Ya scha'pasic te ts'ahquetic te namey jihnemic, ya scha'hachic xan te bintic nameyix la yich'ic jinele; ya scha'pasic te pueblohetic te jihnemic, ha te jinel yu'un bayel ta caj ts'umbalil.

Isaías 65:17

Ilawil, ya jpas yach'il ch'ulchan soc yach'il bahlumilal. Te bin ay ta nahil mayuquix ta na'el, jc'axel ma xna'otix.

Jeremías 3:17

Ta hich ora ya me ya'beyic sbihilin te Jerusalén Muc'ul Huctajibal yu'un Jehová, xchi, soc spisil te nacionetic ya me stsob sbahic ta Jerusalén ta scuenta te sbihil Jehová; ma ba ya yo'tantayiquix st'unel bahel te chopol yo'tanique.

Jeremías 30:19

Ya xloc' ta stojolic c'ayoj yu'un yalel wocol soc aw yu'un yutsil q'uinal. Ya cac' te ya xp'ohlic, ma ba ya xpehc'aj awahtalulic; ya cac'ticlan ta ich'el ta muc', ma ba ya xp'ajotic.

Jeremías 31:27

Ya xtal sc'ahc'alel, xchi te Jehová, te ya jts'un te sna Israel soc te sna Judá soc sts'umbal winiquetic soc sts'umbal chambahlametic.

Jeremías 31:8

Ilawil, ya cac' suhtuc tal ta q'uinal te ay ta norte, ya jtsob tal c'alal sti'il te bahlumilale. Ta yohlilic ay ts'o'sitetic soc coxo'etic, ay ants te swoloj yal soc ay ants te ayinemix yal; ¡c'ax bayelic te ya suhtic talele!

Jeremías 7:4

Ma me smuc'ulin awo'tanic te lotil c'opetic ini, te hich ya yal: ¡Ha templo yu'un Jehová, ha templo yu'un Jehová, ha templo yu'un Jehová! te xchihe.

Ezequiel 15:5

Teme ma ba tuhun c'alal lec to a, yu'un nix ma xtuhun a te c'ahq'uemixe. ¿Ay to bal bin ya xtuhun a?

Ezequiel 37:26

Ya jpas chapbil-c'op scuenta lamal q'uinal ta stojolic; ha chapbil-c'op sbahtel q'uinal ta stojolic. Ya ca'be yich' yipic soc ya cac' te ya xp'ohlic, soc ya cac' ta yohlilic te ch'ul awilal cu'un sbahtel q'uinal.

Amós 9:9

Como ya cal ta mandar te ya yich' chihchinel te sna Israel ta yohlil spisil te nacionetic, hich te bin ut'il ya yich' chihchinel trigo ta schihchinojibal, ma ba ya xch'ay jp'ijuc ta lum.

Sofonías 3:11

Ta hich ora ma ba ya xq'uexawatix yu'un jchahpuc te a'teliletic te la atoy aba ta jtojol yu'une, como ya jloq'ues ta awohlil te mach'atic tse'el yo'tanic yu'un te stoybahilic, mayuquix bin ora yac atoy aba ta ch'ul wits cu'un.

San Mateo 1:11

te snich'an Josías, Jeconías soc te yermanotac. Ha yorahil a te ic'otic bahel ta chuquel ta Babilonia.

San Mateo 3:9

Ma me hichuc xawal ta awo'tanic: Ha jtatcotic te Abraham, ma me xchihuquex, como ya calbeyex, te Dios ya xhu' ya sutp'in ta yal-snich'an Abraham ha'i tonetic ini.