Jeremías 3:11 - Bible in Tzeltal Bachajón

¹¹ Hich la yalbon te Jehová: Te toyba Israel ha toj xan c'ohem te bin ut'il Judá te ma junuc yo'tan ta jtojol.

Bible in Tzeltal de Oxchuc y Tenejapa

¹¹ Te Cajwaltic jich la yalbon: —Te toyba Israel peq'uel jtebuc te smul yu'un a; ja' bayal smul te Judá te ma junuc yo'tan ta jtojole.

Jeremías 3:11 ပူးပေါင်းရင်းမြစ်များ

Jeremías 11:10

Suhtemiquix bahel ta spasel te bintic chopol la spasic te sme'static, te mach'atic ma ba la sc'an la ya'iybonic te jc'ope. La st'unic bahel yantic diosetic yu'un ya yac' sbahic ta a'batinel yu'unic. Te sna Israel soc te sna Judá la sc'axuntaybonic te chapbil-c'op la jchap soc te sme'statique.

Jeremías 3:22

Suhtanic tal ta jtojol, toyba al-nich'anex, ya jlecubtesex yu'un atoybahilic, xchi te Jehová. Ilawil, ya suhtotic tal ta atojol, como ha'at Jehovahat te Diosat cu'uncotique.

Jeremías 3:7

Hich la jcal: C'alal pasbilix yu'un spisil ini, ya me suht tal ta jtojol, xchihon; pero ma ba suht talel. Te yihts'in, ha te toyba Judá,

Jeremías 3:8

la yil te la jpasbe hun yu'un ihquitayel te toyba Israel, pero te toyba Judá, te yihts'in, ma ba la xi', ha nix hich baht yac' sba ta antsinel.

Ezequiel 16:47

Ma ha'uc nax at'unoj te behetic yu'unic soc apasoj te bintic ilobtic sba yu'unic, ma tic'uc la awa'iy a, ora nax c'ax hich chopol la apas a te bin ut'il la spas stuquelic.

Ezequiel 23:11

Te Aholiba te yihts'in la yil bin c'oht ta pasel, pero c'ax hich u'untaybot yo'tan ta spasel mulil a te bin ut'il te swixe; c'ax hich la yac' sba ta antsinel a.

Oseas 11:7

Te pueblo cu'un hich yo'tan te ya stoy sba ta jtojol. Aunque ya yalbonic Mach'a mero toyol ay, mayuc mach'a ya stoybon jc'oblal.

Oseas 4:16

Te Israel tulan yo'tan, hich te bin ut'il wacax te ma ba c'ahytesbil. Te Jehová ¿ya bal ya'be swe'elic hich te bin ut'il tuminchijetic ta jamal q'uinal aquiltic?