Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jeremías 3:1 - Bible in Tzeltal Bachajón

1 Ay hich ya yalic: Teme ay mach'a ya yihquitay hilel yihnam, ya xloc' bahel te ants soc ya xnuhpun soc yan winic, ¿ya to bal scha'ic'ot xan yu'un te winique? ¿Ma bal jc'axeluc ya xbohlob te q'uinal yu'un? Pero ha'at la awac' aba ta antsinel soc tsobol mach'atic jun awo'tan aba soc, ¿ya to bal suhtat tal ta jtojol? xchi te Jehová.

အခန်းကိုကြည့်ပါ။ ကော်ပီ

Bible in Tzeltal de Oxchuc y Tenejapa

1 Te Cajwaltic jich ya yal: —Teme ya sujt'es yinam te winique: te ants teme ya xba yic' sba soc yan winic, jich ma spas te ya x'ic'ot xan yu'un te sbabial winique. Melel teme jich ya spase, mero chujc'ul sc'oplal ya xc'ot ta spamal q'uinal. Ja'uc me to, jich c'oemat ja'at Israel. La apas mulwej soc bayal winiquetic, ¿ya to bal ac'an sujt'at tel ta jtojol? Jo'on Ajwalilon, jich ya cal.

အခန်းကိုကြည့်ပါ။ ကော်ပီ




Jeremías 3:1
34 ပူးပေါင်းရင်းမြစ်များ  

La smalbeyic sch'ich'el mach'a mayuc smul, ha te sch'ich'elic te querem soc ach'ixetic yu'unic, ha te la yaq'uic ta milbil mahtanil ta stojol te loc'ombahetic yu'un Canaán; bohlob te q'uinal yu'un te sch'ich'elique.


Bohloben sc'oblal te q'uinal ta scaj te mach'atic nahinemic tey a, como la sc'axuntayic te mandariletic, la slajimbeyic sc'oblal te chahpambil mandariletic, la sjinic te chapbil-c'op te sbahtel q'uinal ay.


Como nameyix la awuy te yugo awu'un soc te bin chuculat a, hich la awal: Ma ba ya cac' jba ta a'batinel, xchihat. Ta spisil ini, la awac' aba ta antsinel ta spisil toyol tsehletic soc ta ye'tal spisil pimil ya'binal te'etic.


¿Bin ut'il ay a te hich yac awal: Ma ba bohloben jc'oblal, mayuc bin ora la jt'un bahel te baaletic, te xchihate? Ilawil bin ut'il ayat ta spamlej, na'a me te bin apasoj, yantsilel camellohat te bayuc nax ya x'ahnimajat,


Ho'on la jquiq'uex tal ta lequil q'uinal scuenta yu'un yac awe'beyic sit te awal ts'unubic soc te bintic lec tey a. Pero tal abohlobtesbonic sc'oblal te q'uinal cu'un soc la awaq'uic te ilobtic sba c'oht te bin quich'oje.


Mohan bahel ta Líbano soc awonan, toya ac'op ta Basán, awonan c'alal Abarim, como jimbiliquix spisil te mach'atic smulanejat.


Suhtanic tal ta jtojol, toyba al-nich'anex, ya jlecubtesex yu'un atoybahilic, xchi te Jehová. Ilawil, ya suhtotic tal ta atojol, como ha'at Jehovahat te Diosat cu'uncotique.


Te bin ut'il mayuc sc'oblal la ya'iy te la yac' sba ta antsinel, hich la sbohlobtes te q'uinal, yu'un la yac' sba ta antsinel ta stojol ton soc te'.


¿Jayeb xan c'ahc'al te ya xhowiyat ta behel, ach'ix te ma junuc awo'tan? Como te Jehová spasojix te bin yach'il ta bahlumilal: jtuhl ants ya smac jtuhl winic, xchi.


Teme ya suhtat talel, Israel, xchi te Jehová, suhtan tal ta jtojol. Teme yac aloq'ues bahel te loc'ombahetic awu'un te ihlaybilic soc teme ma ba bayuc nax ya xbahex,


Jerusalén, poca loq'uel te bin chopol ay ta awo'tan, yu'un hich ya xcolat. ¿Jayeb xan c'ahc'al ya xhil ta awo'tan te chopol snopojibal?


Pich'il yo'tan ta oq'uel ta ahc'abal, sch'alet ya'lel sit ta scho. Ta spisil te mach'atic antsinot c'ohem yu'un mayuc jtuhluc te ya xmuc'ubtesbot q'uinal ya'iy yu'un; ihquitayot yu'un spisil yamigotac, c'atp'ujemix ta scontratac.


La awac' yantsinat te egipciohetic, ha te apat-axuhc te muc' sbaq'uetalic; la awac' ilinucon yu'un te p'ohl te antsinel awu'une.


¡Mero xyal xmo awo'tan! xchi te Jehová, te Ajwalil, te la apas spisil ini, ha te ya'tel j'antsinel-ants te ma xq'uexaw;


Ha yu'un, j'antsinel-ants, a'iybeya awa'iy te sc'op Jehová:


Hich me xawalbe: Ho'on cuxulon, xchi te Jehová te Ajwalil, ma jc'an te ya xlaj te mach'a chopol, ha ya jc'an te ya yihquitay hilel te be yu'un soc te ya xcuxaj. ¡Ihquitayahic, ihquitayahic te chopol behetic awu'unic! ¿Bin yu'un te ya xlajex, snahex Israel? xchihat.


Ha te shahchibal te sc'op Jehová te la yal ta scuenta Oseas. Hich la yalbe te Oseas: Bahan, ic'a jtuhl j'antsinel ants soc ac'a awal-anich'nab soc te ayic ta scuenta mulil, como yac ta antsinel te pueblo te la yihquitay hilel te Jehová, xchi.


¡Halbeyahic smul ananic, halbeyahic smul, como ma quihnamuc, soc ma smamalalucon! Ac'a yihquitay hilel ta stojol te antsinel yu'un, te yajmul ta banti stahn.


Hahchanic, behenanic, como ma ha'uc lugar yu'un cux-o'tanil ini, yu'un bohlobenix, jc'axel jihnemix.


Ha yu'un hich me xawalbe: Hich yaloj Jehová te scuentahinej spisil: Suhtanic tal ta jtojol, xchi te Jehová te scuentahinej spisil, ha nix hichon ya suhton ta atojolic, xchi te Jehová te scuentahinej spisil.


Soc hich halbil: Mach'ayuc a te ya yihquitay yihnam, a'beya shunal te ihquitayel, te xchihe.


ya me sloq'uesic bahel ta sti'il sna stat, te winiquetic ta pueblo yu'un ya me smilic ta ch'ojel ta ton, como la spas te bin chopol ta Israel, la yac' sba ta antsinel ta sna stat. Hich me yac aloq'ues te bin chopol ta awohlil.


Te ants yu'un la yac' sba ta antsinel, la yihquitay te winique, baht ta sna stat ta Belén ta sq'uinal Judá; tey halaj chaneb u a.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ