Jeremías 28:3 - Bible in Tzeltal Bachajón

³ Ma sta cheb ha'bil ya cac' te ya suht tal ta lugar ini spisil te bintic ya xtuhun ta sna Jehová te la yich' bahel ta Babilonia te ajwalil Nabucodonosor.

Bible in Tzeltal de Oxchuc y Tenejapa

³ Ta cheb ja'wil ya jpas te ya sujt' tel ta templo spisil sbiluquil te la yich' bael ta Babilonia te muc' ajwalil Nabucodonosor.

Jeremías 28:3 ပူးပေါင်းရင်းမြစ်များ

2 Reyes 24:13

Te Nabucodonosor la sloq'ues spisil te c'ulejalil ta sna Jehová soc ta sna ajwalil, hich te bin ut'il la yal te Jehová, soc la swuyticlan spisil te biluquetic pasticlambil ta oro te ay ta sna Jehová te pasticlambil yu'un Salomón ajwalil yu'un Israel.

Daniel 1:2

Te Jehová la yac' ta sc'ab Nabucodonosor te Joacim ajwalil yu'un Judá, soc te bintic ya xtuhun ta templo yu'un Dios; la yich'ticlan bahel ta sq'uinal Sinar, ta templo yu'un te dios yu'un, la yac' te biluquetic ta yawil sc'ulejal ta templo yu'un te diosetic yu'une.

2 Crónicas 36:10

Ta shahchel te ha'bil te Nabucodonosor la sticon ta iq'uel bahel ta Babilonia te Joaquín soc te biluquetic te bayel sc'oblalic ta sna Jehová, soc la yotses ta ajwalil yu'un Judá soc Jerusalén te Sedequías te stajun te Joaquín.

Salmos 90:10

Lajuneb schanwinic (70) ha'bil te ca'bilalcotic; teme ay yip, ya sta chanwinic (80) ha'bil; pero ta spisil ha nax ay wocol soc a'tel, como ora ya xc'axic, hich ya xwihlotcotic bahel.

Génesis 47:28

Te Jacob nahin waclajuneb (16) ha'bil ta Egipto. Te jayeb ha'bil cuxul te Jacob ha huqueb swaxacwinic (147) ha'bil.

Génesis 47:9

Te Jacob hich la sjac'be sc'op te faraón: Te jayeb ha'bil behenon ta q'uinal ha lajuneb shucwinic (130) ha'bil. Com soc wocol te jayeb ha'bil cuxulon, ma la jta hich te jayeb ya'bilalic behenic ta q'uinal te jme'jtate, xchi.

2 Crónicas 36:7

Soc te Nabucodonosor la yich' bahel ta Babilonia biluquetic te ayic ta sna Jehová, la yac' ta templo yu'un ta Babilonia.