Jeremías 27:9 - Bible in Tzeltal Bachajón

⁹ Ha yu'un ma me xawa'iybeyic sc'op te jalwanejetic awu'unic, te jna'ojeletic, jwayichijeletic, jwoyawetic soc te jmonawetic awu'unic te hich ya yalbeyex: Ma ba yac awac' abahic ta a'batinel yu'un te ajwalil yu'un Babilonia, te xchihique.

Bible in Tzeltal de Oxchuc y Tenejapa

⁹ “Ja'uc me to, ma me x'awich'beyic ta muc' sc'op te j'alwanejetic awu'unic, soc te mach'atic ya sna'ic syoljoltayel, soc te ya yalic te swaichique, soc te mach'atic ya sna'ic yalel te bila ya xc'ot ta patile, soc te mach'atic ya sna'ic pic-c'abale, te jich ya stac'uyex te ma xawac' abaic ta sc'ab te muc' ajwalil yu'un Babilonia.

Jeremías 27:9 ပူးပေါင်းရင်းမြစ်များ

Éxodo 22:18

Te j'ac'-chamel-ants ma me xawac' cuxajuc.

Éxodo 7:11

Ha yu'un te faraón la yic' tal te p'ijil winiquetic soc te j'ac'-chameletic, hich nix la spasic te j'ilojeletic yu'un Egipto ta scuenta sc'oblaltesel yu'unic:

Proverbios 19:27

Jnich'an, teme yac awihquitay ya'iyel te nohptesel, ya xhowiyat ta stojol te bin ay ta na'el.

Isaías 8:19

Teme hich ya yalbeyex: Joc'obeyahic te jmonawetic soc te jna'ojeletic te ya xc'opojic ta sajsaj-c'op, teme xchihique, hich yac awalbe: Te pueblo ¿ma bal yacuc sjoc'obe te Dios yu'une? ¿Ya bal sjoc'obe te mach'atic chamenic ta scuenta te mach'atic cuxulic? xchihan me.

Jeremías 14:14

Ha yu'un hich la yalbon te Jehová: Lotil te bin ya yalic te jalwanejetique. Ma ba jticonej, ma ba calbeyej mandar, soc ma ba jc'oponej. Ha ya yalbeyex lotil nahalsitil, na'ojel, tojol c'op soc lo'loywanej te ay ta yo'tanique.

Jeremías 23:16

Hich yaloj te Jehová te scuentahinej spisil: Ma xawa'iybeyic sc'op te jalwanejetic te ya yalbeyex sc'op-jalwanej; ya ya'beyex smuc'ul awo'tanic te toyol ay. Ya yalbeyic sc'oblal snahalsitic te talem ta yo'tanic, ma ha'uc te bin halbotic yu'un te Jehová.

Jeremías 23:25

Ca'iybeyej te bin ya yalic te jalwanejetique, ha te ya yalic lotil sc'op-jalwanej ta scuenta te jbihile. ¡Ay jwayich, ay jwayich! xchihic.

Jeremías 23:32

Melel ya jcontrahin te jalwanejetic te ya yalic slotil wayichic, te ya yalbeyic te pueblo cu'un, te hich ya yac' howiyuc ta scuenta slotic soc sbaba-c'opic. Ma ba la jticon soc ma ba la jcalbe mandar. Mayuc bin lec loq'uem yu'unic a te pueblo ini, xchi te Jehová.

Jeremías 29:8

Como hich yaloj te Jehová te scuentahinej spisil, te Dios yu'un Israel: Ma me xawac' slo'loyex te jalwanejetic soc te jna'ojeletic te ayic ta awohlilique; ma xawich'ic ta cuenta te swayichic,

Ezequiel 21:29

Ya yalbat sc'op-jalwanej te ma meleluc, ya yalbat lotil jna'ojel, pero te espada ya xc'oht ta snuc' te mach'atic chopolic te ya x'ac'otic ta lajel, te c'ohtix yorahil te castigo scuenta slajibal.

Daniel 4:7

Talic te jpas-señahetic, jmonawetic, caldeohetic soc jna'ojeletic, la jcalbe ya'iyic te jwayich, pero ma ba hu' yu'unic te ya yalbonic te sc'oblale.

Miqueas 3:7

Ya xq'uexawic te jalwanejetic soc ma sna' bin ya spasic te jna'ojeletique. Spisilic ya me smac yehic, como mayuc suhtib yu'un Dios.

Zacarías 10:2

Te loc'ombahetic ya xlo'loywanic soc te jna'ojeletic ya yilic te bin lotil; ya yalbe sc'oblal wayichil te mayuc scuentahil soc tojol te sc'opic scuenta smuc'ubtesel q'uinal ya'iyic. Ha yu'un bayuc nax ya xbahtic te pueblo hich te bin ut'il jtsohb tuminchijetic, soc ay swocolic ta scaj te mayuc jcanan yu'unique.

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

Hechos 8:11

La sts'ehchiquintayic, yu'un ayix ora te lo'loybil yo'tanic yu'un te señahiletic la spase.

Efesios 5:6

Ma me ayuc mach'a yac awac' slo'loyex ta tojol-c'opetic, como ta scuenta spasel ini ya xtal te yilimba Dios ta stojol te mach'atic jc'axun-c'opetic.

Deuteronomio 13:2

teme c'oht ta pasel te jchahp señahil o te bin mayuc ilbil, teme hich ya yalbat: Con jt'untic yantic diosetic te ma xana'be sba, ya jch'uhuntaytic, teme xchihe,

Deuteronomio 18:14

Como te nacionetic te yac awu'untay, ya sch'uhunic te mach'atic ya spasbe seña sna'el te bin chopol ya xc'oht ta pasel, soc te jna'ojeletic; pero te ha'ate ma sc'an Jehová te Dios awu'un te hich yac apase.

Josué 13:22

Te snich'nab Israel ha nix hich la smilic ta espada te Balaam te jna'ojel, te snich'an Beor.

Apocalipsis 18:23

Mayuquix tsumbil c'ahc' ta awohlil, soc ma ba ya x'a'iybotix sc'op jnuhpuneletic ta awohlil; te jchombajeletic awu'un ha'ic te ich'bilic ta muc' ta bahlumilal ta nahilal, soc ta scuenta te ilojel awu'un lajic ta lo'loyel spisil te nacionetique.

Apocalipsis 21:8

Yan te mach'atic ay xiwel ta yo'tanic, te ma sch'uhunic, te chopolic, jmilawetic, j'antsiwejetic, j'antsineletic, j'ilojeletic, mach'atic sch'uhunejic loc'ombahetic soc spisil jlotetic ha yu'unic ya xc'oht te banti yac ta tihlel pamal c'ahc' soc azufre. Ha te schebal buelta lajel abi, xchi te Diose.

Apocalipsis 22:15

Yan te ts'i'etic, te j'ilojeletic, j'antsiwejetic, j'antsineletic, jmilawetic, te mach'atic sch'uhunejic loc'ombahetic soc spisil mach'atic te ya smulanic te ya ya'iyic lot, ya me xhilic ta pat ts'ahc stuquelic.

Apocalipsis 9:21

Ma ba la suhtes yo'tanic yu'un smilawic, yilojelic, schijil-o'tanic soc yeleq'uic.