Jeremías 27:6 - Bible in Tzeltal Bachajón

⁶ Ta ora ini ca'beyej ta sc'ab Nabucodonosor ajwalil yu'un Babilonia, te a'bat cu'un, spisil te q'uinaletic ini, soc nix te ha'mal chambahlametic yu'un ya ya'batin.

Bible in Tzeltal de Oxchuc y Tenejapa

⁶ Lec ay jiche, ta spisil te balumilal jo'on cac'ojbey ta swenta te cabat Nabucodonosor, te muc' ajwalil yu'un Babilonia, asta te ja'mal chambalametic, la cac'bey swenta yu'un ya yabatin.

Jeremías 27:6 ပူးပေါင်းရင်းမြစ်များ

2 Reyes 25:28

Lec yo'tan la sjuc ta c'op, soc muc' xan sc'oblal c'oht a te bin ut'il te yantic ajwaliletic sjoquinejic ta Babilonia.

2 Crónicas 36:23

Hich ya yal te Ciro ajwalil yu'un Persia: Te Jehová te Dios ta ch'ulchan, ya'beyejon ta jcuenta spisil ta ban c'alal smacoj te ajwaliletic ta bahlumilal; soc ha la yalbon mandar te ya jpasbe sna ta Jerusalén te ay ta sq'uinal Judá. Mach'ayuc a ta awohlilic te ha pueblohex yu'un, bahanic tey a, te Jehová Dios ac'a coltayucot yu'un, xchi.

Isaías 44:28

Ho'on me te ya calbe sc'oblal te Ciro: Ha jcanan-tuminchij cu'un, ya spas spisil te bintic ya sc'an co'tan, hich ya yalbe te Jerusalén: Ya me awich' xan pasel, xchi, soc hich ya yalbe te templo: Ya me yich' pasel awich'o-ip, xchi.

Jeremías 21:7

Ta patil, xchi te Jehová, ya cac' ta c'abal te Sedequías ajwalil yu'un Judá, te a'batetic yu'un soc te mach'atic cuxul hilic yu'un te jmilawal-chamel, te espada soc wi'nal, ya cac' ta sc'ab te Nabucodonosor ajwalil yu'un Babilonia, ta sc'ab te scontratac te ya slehbe scuxlejalic. Ha ya smilticlan ta espada; ma ba ya spasbe perdón, ma ba ya sc'uxultay, ma ba ya sna'be yo'bolil sbahic.

Jeremías 22:25

Ya cac'at ta sc'ab te mach'atic ya slehbat acuxlejal, ta sc'ab te mach'atic xiweltic sba ta asit, ta sc'ab Nabucodonosor ajwalil yu'un Babilonia soc ta sc'abic te caldeohetique.

Jeremías 24:1

Te c'alal te Nabucodonosor ajwalil yu'un Babilonia yic'ojix bahel ta Babilonia a te Jeconías snich'an Joacim, ajwalil yu'un Judá, soc te príncipaletic yu'un Judá, te mach'atic ay bin ya sna'ic spasel soc te jten-taq'uinetic ta Jerusalén, te Jehová la ya'bon quil cheb moch higo te ac'bilic ta stojol te templo yu'un Jehová.

Jeremías 25:9

ya jticon tal spisil ta chahp ants-winiquetic ta stojol norte soc te ca'bat Nabucodonosor ajwalil yu'un Babilonia, xchi te Jehová, ya quic'ticlan tal ta scontrahinel te q'uinal ini soc te mach'atic nahinemic tey a, soc ta scontrahinel spisil te nacionetic te ayic ta sjoyobal. Ya jinticlan ta jc'axel, soc ya cac' ta tse'layel, ta labanel soc te stalel jimbil ya xhilic.

Jeremías 28:14

Como hich yaloj te Jehová te scuentahinej spisil, te Dios yu'un Israel: Ca'beyej yugo pasbil ta taq'uin ta snuc' spisil nacionetic yu'un ya yac' sbahic ta a'batinel yu'un te Nabucodonosor ajwalil yu'un Babilonia, ya me yac' sbahic ta a'batinel yu'un; asta ca'beyej ta sc'ab te ha'mal chambahlametic, xchi.

Jeremías 43:10

Hich me xawalbe: Hich yaloj te Jehová te scuentahinej spisil, te Dios yu'un Israel: Ya jticon ta iq'uel tal te ca'bat Nabucodonosor ajwalil yu'un Babilonia, ya ca'be shuctajib ta sba te tonetic ini te la jmuque, soc ya slim bahel te axinal pac' yu'un ta sba.

Jeremías 49:30

¡Loc'anic ta ahnimal ta namal, nahinanic ta c'ubul ch'enetic, ha'ex te nahinemex ta Hazor! xchi te Jehová; como te Nabucodonosor ajwalil yu'un Babilonia schapojix c'op ta atojolic.

Ezequiel 29:12

Ya cac' te c'ax hich jochol ya xhil a te sq'uinal Egipto te bin ut'il spisil te q'uinaletique, soc cha'winic (40) ha'bil jimbil ya xhilic te pueblohetic yu'un ta yohlil te jimbil pueblohetique. Ya jpucticlan te egipciohetic ta yohlil te nacionetic soc ta yohlil te yantic q'uinaletique.

Ezequiel 30:24

Ya ca'be yip sc'ab te ajwalil yu'un Babilonia, soc ya ca'be ta sc'ab te espada cu'une; pero ya jwac'be sc'ab te faraón, soc ya x'ahcanaj ta stojol hich te bin ut'il mach'a ehchenaj yu'un lajel.

Daniel 4:12

Mero t'ujbil te ya'binal socbayel te sit, tic' ya sta swe'elic ta spisilic a. Te ha'mal chambahlametic la stahic yaxinal ta ye'tal, ta sc'abc'ab la spas spechechic te mutetic, soc spisil te bintic cuxajtic tey la sta swe'elic a.

Daniel 4:22

ha'at nix, ajwalil, te muc'ubat soc te la awich' awip. Te amuc'ul c'ohem c'alal ta ch'ulchan, soc te cuentahinel awu'un c'ohem c'alal ta sti'il te q'uinale.