Jeremías 27:5 - Bible in Tzeltal Bachajón

⁵ Ta scuenta smuc'ul cu'el soc ta scuenta te jc'ab la jpas te bahlumilal, te ants-winiquetic soc te chambahlametic te ayic ta sba te lumq'uinal, soc la jca'be te mach'a ya sc'an co'tane.

Bible in Tzeltal de Oxchuc y Tenejapa

⁵ Ta smuc'ul cu'el la jpas te balumilale, soc te ants-winiquetic soc te chambalametic te ayic tey a, soc ya xju' ya cac'bey te mach'a ya sc'an co'tane.

Jeremías 27:5 ပူးပေါင်းရင်းမြစ်များ

Génesis 1:25

Dios la spas te chambahlametic, te alaq'uil chambahlametic soc spisil te bintic ya stas sbahic ta lumq'uinal, chican bintic yilel te jujuchahpe. Lec la yil te Diose.

Génesis 9:6

Te mach'a ya smalbe sch'ich'el winic, winic nix ya xmalbot sch'ich'el yu'un; como pajal yilel soc Dios la yich' pasel te winique.

1 Reyes 8:42

(como ya me ya'iybeyic sc'oblal te muc' abihil, te yip ac'ab soc te ac'ab te ahachoj) teme ya xtal sc'oponat li' ta Na ini,

Esdras 1:2

Hich ya yal te Ciro ajwalil yu'un Persia: Te Jehová te Dios ta ch'ulchan, ya'beyejon ta jcuenta spisil ta ban c'alal smacoj te ajwaliletic ta bahlumilal; soc ha la yalbon mandar te ya jpasbe sna ta Jerusalén te ay ta sq'uinal Judá.

Nehemías 9:22

La awa'be yu'untayic ajwaliletic soc nacionetic, la apucticlambe ta jsehpelsehp q'uinal. La yu'untaybeyic sq'uinal Sehón ajwalil yu'un Hesbón, soc sq'uinal Og ajwalil yu'un Basán.

Salmos 102:25

Ta shahchibal ha'at la awa'be yich'o-ip te bahlumilal, ha ya'tel ac'ab te ch'ulchane.

Salmos 96:5

Ha loc'ombahetic spisil te diosetic yu'un te pueblohetic, yan te Jehová ha la spas te ch'ulchane.

Éxodo 20:11

Como ta waqueb c'ahc'al te Jehová la spas te ch'ulchan soc bahlumilal, te mar soc spisil te bintic ay tey a, soc la scux yo'tan ta shuquebal c'ahc'al; ha yu'un te Jehová la ya'be bendición te sc'ahc'alel cux-o'tan soc la sch'ultes.

Éxodo 6:6

Ha yu'un hich me xawalbe te snich'nab Israel: Ho'on Jehovahon; ya jcoltayex loq'uel ta tulan a'tel ta Egipto; ya caq'uex ta libre yu'un te mosohil, soc ya jloq'uesex ta scuenta yu'el jc'ab soc ta scuenta tulan castigo.

Isaías 42:5

Te Jehová Dios, te la schicnajtes te ch'ulchan soc te la slim bahel, te la slim bahel te bahlumilal soc te bintic ya xcol tey a, te ya ya'be yich' ic' te mach'atic ya xnahinic tey a, soc ya ya'be scuxlejal te mach'atic ya xbehenic tey a, hich ya yal:

Isaías 44:24

Hich ya yal te Jehová, te J'ac'aw ta libre awu'un, te la schahpanat ta yawil alal: Ho'on Jehovahon, te jpasoj spisil bintic ay, jtuquel la jlim bahel te ch'ulchan, jtuquel la jlim bahel te lumq'uinal;

Isaías 45:12

Ho'on la jpas te lumq'uinal soc tey la jpas a te ants-winic. Ho'on ta jc'ab la jlim bahel te ch'ulchan, soc ya calbe mandar spisil bintic ay yu'un.

Isaías 48:13

Te jc'ab la ya'be te yich'o-ip te bahlumilal, te jwa'el-c'ab la slim bahel te ch'ulchane; te c'alal ya calticlambe sbihilic, pajal ya stehc'an sbahic.

Isaías 51:13

¿Ch'ayem balix ta awo'tan te Jehová te Jpaswanej awu'un, te la slim bahel te ch'ulchan soc te la ya'be yich'o-ip te bahlumilale? Spisil ora ya xiwat ta scaj te yilimba te j'uts'inwanej, te schahpanej sba yu'un ya xlajinwan. Pero ¿banti ay te yilimba te j'uts'inwaneje?

Jeremías 27:4

Halbeya mandar te hich me ya yalbeyic te ajwaliletic yu'unic, te hich ya yal te Jehová te scuentahinej spisil, te Dios yu'un Israel:

Jeremías 32:17

Cajwal Jehová, ta scuenta ahachoj ac'ab soc smuc'ul awu'el la apas te ch'ulchan soc te bahlumilal. Mayuc bin wocol yac awa'iy.

Jeremías 51:15

Ha la spas te lumq'uinal ta scuenta yu'el, la ya'be yip te bahlumilal ta scuenta sp'ijil yo'tan, soc la slim bahel te ch'ulchan ta scuenta te snopojibal yu'une.

Daniel 2:38

Bayuc ya xnahinic ants-winiquetic, chambahlametic ta q'uinal soc mutetic te ya xwihlic ta toyol, la ya'bat ta ac'ab, la ya'bat acuentahin spisil. Ha'at te jolalat te pasbil ta oro.

Daniel 4:14

Hich tulan la yal: Ts'etahic te te' soc set'beyahic te sc'abc'ab, jixbeyahic te ya'binal soc pucbeyahic te site. Ac'a ahnuquic bahel te chambahlametic te ayic ta ye'tal, soc te mutetic ayic ta sc'abc'ab.

Daniel 4:17

Te castigo ha smandar te j'il-q'uinaletic, te mach'atic ch'uhltesbilic la yalic te bin chapale, scuenta yu'un te mach'atic cuxajtic ya me sna'ic te Dios te mero toyol ay scuentahinej te ban c'alal scuentahinej te winiquetique, ya ya'be te mach'a ya sc'an ya ya'be, ya yotses ta jcuentahinwanej te mach'a mero peq'uel ay.

Daniel 4:22

ha'at nix, ajwalil, te muc'ubat soc te la awich' awip. Te amuc'ul c'ohem c'alal ta ch'ulchan, soc te cuentahinel awu'un c'ohem c'alal ta sti'il te q'uinale.

Daniel 4:25

Ya me awich' loq'uesel ta stojol te ants-winiquetic, ya xnahinat ta yohlil te ha'mal chambahlametic; ha'mal yac awe' hich te bin ut'il j'a'tel-wacaxetic, soc ya me yahts'esbat abaq'uetal te sts'ujulil ch'ulchan. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej winiquetic, soc ya ya'be ya'tel ta cuentahinwanej te mach'a ya sc'an ya ya'be.

Daniel 5:18

Ajwalil, te Dios te mero toyol ay la ya'be ya'tel ta ajwalil te atat Nabucodonosor, la ya'be te smuc'ul c'oblal, yutsil sc'oblal soc smuc'ul yutsilal.

Hechos 14:15

Winiquetic, ¿bin yu'un hich yac apasic? Pajal winicotic. Ha yac calbelex awa'iyic te yacuc xhil awu'unic te bin mayuc scuentahil ini, te yacuc asuhtes awo'tanic ta stojol te cuxul Dios te la spas ch'ulchan, bahlumilal, mar soc spisil bintic ay tey a.

Hechos 17:24

Te Dios te la spas te bahlumilal soc spisil bintic ay tey a, te ha Yajwal te ch'ulchan soc bahlumilal, ma ba ya xnahin ta templohetic pasbilic ta sc'ab winiquetic,

Hechos 17:26

Ta jtuhl nax winic la schicnajtes spisil ta chahp nacionetic yu'un ya xnahinic ta swohlol bahlumilal; soc la schahpambe yorahilic soc te banti ya xnahinic,

Deuteronomio 2:19

Te c'alal ya xnohpojat ta banti ay te snich'nab Amón, ma me xawuts'inic soc ma me xawa'beyic guerra, yu'un ma ba ya ca'bat te sq'uinal te snich'nab Amón, como ha la jca'be yich'ic te snich'nab Lot.

Deuteronomio 2:21

Ay yip te pueblo soc bayelic, hich snahtilic te bin ut'il te sts'umbal Anac te lajinotic yu'un Jehová ta stojol te amonetique. La stenic loq'uel, ha hilic ta nahinel tey a,

Deuteronomio 2:7

Como te Jehová te Dios awu'unic ya'beyejex bendición a ta spisil bintic apasojic; sna'oj te yaquex ta behel ta muc'ul jochol taquin q'uinal ini. Te cha'winic (40) ha'bil ini sjoquinejex te Jehová te Dios awu'unic, mayuc bin la spasex falta.

Deuteronomio 2:9

Hich la yalbon te Jehová: Ma me xawuts'in te Moab, ma me xawa'be guerra, yu'un ma ba ya ca'beyex awich'ic te sq'uinalic, yu'un ca'beyej yich'ic te Ar te snich'nab Lot, xchi.

Deuteronomio 32:8

Te Mach'a Toyol, c'alal la ya'be sq'uinalic te nacionetic, c'alal la ya'be sjat sbahic te yal-snich'nab ants-winiquetic, la yac'ticlambe smojonil te pueblohetic, chican hich yipalic te snich'nab Israel.

Deuteronomio 4:17

sloc'ombahil biluc chambahlamil ta q'uinal, o biluc mutil te ya xwihle,

Deuteronomio 4:25

Te c'alal ayix awal-anich'nabic soc amamataquic a, soc te c'alal mamalubenexix ta q'uinal, teme ya x'och abohlobtes abahic yu'un yac apas awahcananic o sloc'ombahil biluc a, teme yac apasic te bintic chopol ta stojol Jehová te Dios awu'unic, te hich yac ahachbeyic yilimba a,

Deuteronomio 4:32

Joc'oya awa'iy sc'oblal te bin c'axemix tal, te c'alal ma to ayucat a, te c'alal Dios la spas te ants-winic ta bahlumilal, teme ta jehch sti'il ch'ulchan c'alal ta yan sti'il, te hich c'ohem ta pasel te bintic muc' c'ohemix ta pasel, o teme ay hich ay ta a'iyele.

Deuteronomio 4:35

La yich' aq'uel awil scuenta yu'un hich yac ana' a te ha mero Dios stuquel te Jehová, te mayuc yan dios.

Deuteronomio 5:16

Ich'a ta muc' te atat soc anan, hich te bin ut'il la spasat ta mandar te Jehová te Dios awu'un, scuenta yu'un naht aworahil ya xcuxajat soc te lec ya xc'ohat ta aq'uinal ya ya'bat te Jehová te Dios awu'une.

Deuteronomio 9:29

Ha pueblo awu'un, ha te bin ay awu'un te la aloq'ues tal ta smuc'ul yip awu'el soc ta scuenta ac'ab ahachoj, xchihon.

Colosenses 1:16

Como ha ta scuenta te la yich' pasel spisil bintic ay ta ch'ulchan soc spisil bintic ay ta bahlumilal, te bin chicanic ta ilel soc te bin ma chicanuc ta ilel, teme muc'ul huctajibaletic, jcuentahinwanejetic, principaletic o te mach'atic ay ya'telic; spisil la yich'ic pasel ta scuenta Cristo soc ha nix yu'un.

Hebreos 1:2

pero ta ora yo'tic te slajibal c'ahc'al ayotic, ha la sc'oponotiquix ta scuenta te Snich'an, ha te la ya'be yu'untay spisil bintic ay, soc ha nix ta scuenta te la spas spisil bintic ay.

Apocalipsis 4:11

Cajwaltic Dios, hich ya sc'an te yac awich' awutsilal, ich'el ta muc', soc awu'el, como ha'at la apas spisil bintic ay, soc ta scuenta sc'anojel awo'tan cuxajtic soc la yich'ticlan pasel, xchihic.