Jeremías 26:2 - Bible in Tzeltal Bachajón

² hich la yal: Hich yaloj te Jehová: Tehc'ana aba ta yamaq'uil te sna Jehová, c'opona spisil te mach'atic talemic ta pueblohetic yu'un Judá yu'un ya sch'uhuntayic ta sna Jehová, halbeya spisil te c'opetic la jcalbat ta mandar te yac awalbe; ma me ayuc jp'ahluc te ma xawale.

Bible in Tzeltal de Oxchuc y Tenejapa

² jich la yal: —Tec'lan ta bay yutil yamac'ul templo, albeya spisil te bitic la calbat te ya awalbey te ants-winiquetic te ya xtalic ta bay lumetic yu'un Judá, te ya xtal squejan sbaic ta templo. Ma me ayuc bila ya xjil ta alel awu'un.

Jeremías 26:2 ပူးပေါင်းရင်းမြစ်များ

Jeremías 1:17

Te ha'ate, chahpana aba, tehc'ana aba soc halbeya spisil te bintic ya calbat ta mandar. Ma me xiwat ta stojolic, yu'un teme yac axi'e, ya jxiwtesat ta stojolic.

Jeremías 1:7

Pero la yalbon te Jehová: Ma me xawal te queremat to; yu'un ya me xbahat ta stojol spisil mach'atic ya jticonat bahel, soc ya me awal spisil te bin ya calbat ta mandar.

Jeremías 19:14

Hich suht loq'uel ta Tofet te Jeremías ta banti ticonot yu'un Jehová ta yalel sc'op-jalwanej, baht stehc'an sba ta yamaq'uil te sna Jehová soc hich la yalbe spisil te pueblo:

Jeremías 23:28

Te jalwanej te ay swayich, ac'a yal te swayiche; pero te mach'a yich'oj te jc'ope, ac'a yal ta melel. ¿Bin yochelic a te taquin ac soc te trigo? xchi te Jehová.

Jeremías 25:2

Te jalwanej Jeremías hich la yalbe spisil te pueblo Judá soc te mach'atic nahinemic ta Jerusalén:

Jeremías 28:5

Te jalwanej Jeremías hich la sjac'be sc'op te jalwanej Hananías ta stojol te sacerdotehetic soc spisil te pueblo te ayic ta sna Jehová:

Jeremías 36:10

Ta sna Jehová, ta stsahlul-na yu'un Gemarías snich'an Safán te jts'ihbajel, ta amac' te ay ta ahc'ol ta yochibal te Yach'il Puerta yu'un te sna Jehová, te Baruc la yil ta stojol spisil te ants-winiquetic te sc'op Jeremías te ts'ihbabil ta hun.

Jeremías 42:4

La sjac' te Jeremías: La jca'iybeyex ac'opic. Ya jc'opon te Jehová te Dios awu'unic hich te bin ut'il la awalique. Spisil te bin ya yal te Jehová ya ca'beyex ana'ic, mayuc bin ya jmuc ta co'tan, xchi.

Jeremías 7:2

Tehc'ana aba ta yochibal te sna Jehová, tey me yac awal a te c'op ini: A'iya awa'iyic te sc'op Jehová, spisil Judá te ya x'ochex tal ta ochibaletic ini yu'un yac ach'uhuntayic te Jehová.

Jeremías 7:27

Ha'at, Jeremías, ya me awalbeyic spisil te c'op ini, pero ma ba ya ya'iybat ac'op; yac ac'oponlan, pero ma ba ya sjaq'uic.

Ezequiel 3:10

Hich la yalbon: Snich'anat winic, ac'a ta awo'tan spisil te bin ya calbat, a'iya me awa'iy ta lec.

Ezequiel 33:7

Ha'at snich'anat winic, cac'ojat ta j'il-q'uinal ta stojol te sna Israel: ha'at yac awa'iybon te jc'op soc ya me awa'be sna' ta jcuenta.

Ezequiel 40:4

Te winic hich la yalbon: Snich'anat winic, ilawil ta lec soc a'iya me awa'iy ta lec, ac'a awo'tan a ta spisil te bintic ya ca'bat awil, como ic'otat li'i scuenta yu'un ya ca'bat awil. Halbeya te sna Israel spisil te bintic yac awil, xchi.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

San Lucas 19:47

Jujun c'ahc'al la ya'iy p'ijubteswanej ta Templo; pero te principal sacerdotehetic, escribanohetic soc principaletic yu'un te pueblo yac schapbelic bin ut'il ya smilic.

San Juan 18:20

La sjac' te Jesús: Ta comonsitil la jc'opon te mach'atic ayic ta bahlumilal. Spisil ora la jca'iy p'ijubteswanej ta sinagoga soc ta Templo ta banti ya stsob sbahic spisil te judíohetique, mayuc bin muquen la jcal.

San Juan 8:2

Ta sab cha'baht xan ta Templo, spisil te pueblo tal ta stojol; la shuhcan sba soc la sp'ijubteslan.

Hechos 20:20

soc mayuc bin ma ba la jcalbeyex te bin ya xtuhun awu'unic, la jca'beyex anopic ta comonsitil soc ta jujun na.

Hechos 20:27

como ma ba la jmuc ta co'tan te la jcalbeyex spisil bintic schapoj te Diose.

Hechos 5:25

Pero ay mach'a tal yalbe: Te winiquetic la awotsesic ta cárcel, ayiquix ta Templo, yacalic ta snohptesel te pueblo, xchi c'ohel.

Hechos 5:42

Jujun c'ahc'al, ta Templo soc ta nahnatic, mayuc la scom sbahic ta p'ijubteswanej soc ta yalbeyel sc'oblal te Jesucristo.

Deuteronomio 12:32

Tsahtaya me ta spasel spisil bintic ya jpasat ta mandar; ma me xawa'be xan smohlol soc ma me ayuc bin yac aloq'uesbe.

Deuteronomio 12:5

Ya me xbahex ta lugar te ya stsa ta awohlilic te Jehová te Dios awu'unic te banti ya xnahin te sbihile; tey me ya xbahex a.

Deuteronomio 4:2

Ma me xawa'beyic smohlol te c'op ya calbeyex ta mandar, soc ma me ayuc bin yac atup'ic tey a, scuenta yu'un yac apasic te mandariletic yu'un Jehová te Dios awu'unic te ya ca'beyexe.

Josué 8:35

Mayuc jp'ahluc te mandar yaloj Moisés te ma ba la yil te Josué ta stojol spisil te pueblo Israel, ha nix te antsetic, alaletic soc te jyanlumetic te nahinemic ta yohlilic.

Apocalipsis 22:19

Soc teme ay mach'a ay bin ya sloq'ues ta bin ts'ihbabil ta libro yu'un te sc'op-jalwanej ini, ha nix hich ya xloq'uesot yu'un Dios, ma ba ya x'a'bot slo'be sit te te' scuenta cuxlejal soc ma ba ya x'och ta muc'ul ch'ul pueblo, te ts'ihbabil sc'oblalic ta libro ini.