Jeremías 24:9 - Bible in Tzeltal Bachajón

⁹ Ya cac' te ha xiweltic sba soc ha seña bin chopol ya xc'ohtic ta stojol spisil te nacionetic ta bahlumilal, soc tse'laybilic, p'ajbilic, labambilic soc ma lecuc sc'oblal ya xc'ohtic ta bayuc te ya jpucticlan bahele.

Bible in Tzeltal de Oxchuc y Tenejapa

⁹ Ya me cac' te ya x'ac'bot xiwel yu'un spisil nacionetic ta balumilal; soc ja'ic me sp'ijubtesjibal te nacionetic te bit'il ay te pejc'anel, te ilayel soc te bit'il ya xbolob sc'oplalique. Seña me ya xc'otic ta stojol te nacionetic te bay ya jpuc baele.

Jeremías 24:9 ပူးပေါင်းရင်းမြစ်များ

1 Reyes 9:7

ya jloq'ues te Israel tey ta q'uinal te ca'beyeje. Soc te Na ini te la jch'ultes scuenta jbihil ya jch'oj loq'uel ta jtojol, soc te Israel ya xhahch labanel c'op ta stojol soc ya x'och ta labanel yu'un spisil pueblohetic.

2 Crónicas 7:20

ho'on ya jbulat loq'uel ta jq'uinal te ca'beyejex soc ya jch'oj loq'uel ta jtojol te Na te ch'ultesbilix cu'un yu'un te jbihile, soc ya cac' ta labanel soc ta tse'layel yu'un spisil pueblohetic.

Salmos 69:11

teme ya jlap pac' scuenta mel-o'tan, ho'on j'ac'-tse'ejon yu'unic ya xc'ohon.

Isaías 43:28

Ha yu'un la jbohlobtesbe sc'oblal te príncipaletic yu'un te templo, la jcac' te jc'axel ya xjihn te Jacob soc te ya yich' p'ajel te Israel.

Isaías 65:15

Te mach'atic tsahbilic cu'un ya me stuhumbeyex abihilic ta scuenta sc'anel castigo. Te Cajwaltic Jehová ya me smilex, yan te a'batetic yu'un ya yac'ticlambe yan sbihilic.

Jeremías 15:4

Ya cac' te xiweltic sba ya xc'ohtic ta stojol te nacionetic ta q'uinal ta scaj te bin la spasic ta Jerusalén te Manasés snich'an Ezequías, ajwalil yu'un Judá.

Jeremías 19:8

Ya cac' te xiweltic sba ya xc'oht te pueblo ini soc te ya xlabanot. Spisil te mach'atic ya xc'axic tey a xcham yo'tanic yu'un soc ya slabanic ta scaj spisil te jinel yu'une.

Jeremías 25:18

ta Jerusalén, ta pueblohetic yu'un Judá, ta stojol te ajwaliletic soc te príncipaletic yu'une, scuenta yu'un jimbil soc jochol ya xc'ohtic, ya yich'ic tse'layel, labanel, soc halel ma lecuc sc'oblalic, hich te bin ut'il ta ora ini.

Jeremías 26:6

ya cac' te hich ya xc'oht te na ini te bin ut'il Silo soc te pueblo ini ya cac' te ma lecuc sc'oblal ya xc'oht ta stojol spisil te nacionetic ta bahlumilal, xchi.

Jeremías 29:18

Ya jnutsticlan bahel ta espada, ta wi'nal soc ta jmilawal-chamel, soc ya cac' te xiweltic sba ya xc'ohtic ta stojol spisil te nacionetic ta bahlumilal, te ma lecuc sc'oblalic, te xiweltic sba, labambilic soc tse'laybilic ta stojol spisil te nacionetic ta banti la jpucticlan bahele.

Jeremías 29:22

Spisil te mach'atic ic'otic loq'uel ta Judá, te ayic ta Babilonia, ta scuenta te cheb winiquetic ini ya me yalic te chopol c'oblalil ini: Te Jehová ac'a spasbat hich te bin ut'il la spasbe te Sedequías soc te Acab, te chic'otic ta c'ahc' yu'un te ajwalil yu'un Babilonia, xchihic.

Jeremías 34:17

Ha yu'un hich yaloj te Jehová: Ma ba la ach'uhumbonic jc'op, ma ba la awaq'uic ta libre te alumalic, te amohloltaque. Ha yu'un ya cac'at ta libre, xchi te Jehová, ha te libre ya xlajat ta espada, ta jmilawal-chamel soc ta wi'nal. Ya cac' te xiweltic sba ya xc'ohex ta stojol spisil te nacionetic ta bahlumilal.

Jeremías 42:18

Hich yaloj te Jehová te scuentahinej spisil, te Dios yu'un Israel: Hich te bin ut'il mal cohel te quilimba soc sc'ahc'al co'tan ta stojol te mach'atic nahinemic ta Jerusalén, hich ya xmal cohel ta atojolic te c'alal ya xbahex ta Egipto. Ha te bin wocol soc te bin xiweltic sba ya xc'ohex, te bin ac'bil ta lajel soc te bin p'ajbil; mayuc bin ora ya suhtex tal ta lugar ini, xchi.

Jeremías 44:12

Ya jtsac te mach'atic hilemic yu'un Judá te mero hich ya sc'an yo'tanic te ya xnahinic ta sq'uinal Egipto, ya me xlajic tey a. Ya me xlajic ta espada soc ta wi'nal. Muc' biq'uit ya xlajic ta espada soc ta wi'nal, soc ya xc'atp'ujic ta bin chopol sc'oblal, ta bin xiweltic sba, ta bin bohloben sc'oblal soc ta bin p'ajbil.

Jeremías 44:13

Te mach'atic nahinemic ta sq'uinal Egipto ya ca'be castigo ta espada, ta wi'nal soc ta jmilawal-chamel, hich te bin ut'il la jca'be castigo te Jerusalén.

Jeremías 44:22

Te Jehová ma ba cuhchix yu'un te schopolil awa'telic soc te bintic ilobtic sba te la apasique; ha yu'un te jihnemix te aq'uinalic, te sutp'ij ta bin xiweltic sba soc ta bin chopol c'oblalil, te mayuquix mach'a nahinemic tey a, hich te bin ut'il ay c'alal ora ini.

Ezequiel 23:46

Ha yu'un hich yaloj te Jehová, te Ajwalil: Ya cac' taluc tsobolic te ya scontrahinic, ya cac' c'ohtuc ta stojol xiwel soc te ya xpojbotic sbiluquic.

Ezequiel 25:3

Hich me xawalbe te amonetic: A'iya awa'iyic te bin ya yal te Jehová, te Ajwalil: Te bin ut'il hich yac awal: ¡Lec ay! xchihat, te c'alal bohlob sc'oblal te ch'ul awilal cu'un, soc te c'alal jochol hil te sq'uinal Israel soc te chucot bahel te sna Judá;

Ezequiel 26:2

Snich'anat winic, te bin ut'il hich la yalbe sc'oblal Jerusalén te Tiro: ¡Lec ay, jihnemix te ochibal yu'un te nacionetique! ¡Yo'tic, c'ohtix ta jcuenta: ho'on nojel ya xhilon, ha jimbil ya xhil stuquel! te xchihe.

Ezequiel 5:8

ha yu'un hich yaloj te Jehová, te Ajwalil: Ho'on ya jcontrahinat, hich, ho'onix; soc ya ca'bat castigo ta atojol ta scomon sit te nacionetique.

Deuteronomio 28:25

Te Jehová ya me yac' te ya stsalat te acontra; ta ch'ix nax be ya xloc'at bahel ta ya'beyel guerra, ta huc-ch'ix be ya me x'ahnat bahel ta stojolic; xiweltic aba ya xc'ohat ta stojol spisil te nacionetic ta bahlumilal.

Deuteronomio 28:37

Xiweltic aba ya x'ilotat soc tsahbil-c'op soc labanel ya yalic ta acuenta ta spisil te pueblohetic banti ya yic'at bahel te Jehová.