Jeremías 24:2 - Bible in Tzeltal Bachajón

² Ta jun moch ay lequil higohetic, hich te bin ut'il te nahil ya xc'anube. Ta yan moch ay higohetic te ma lecuc, ma xhu' ta lo'el.

Bible in Tzeltal de Oxchuc y Tenejapa

² Te jun moche mero lequil higoetic te ya xju'ix ta lo'ele. Te yan moche ma lequil higoeticuc stuquel, mero jc'axel amenic ta jyalel te ma xju'ix ta lo'ele.

Jeremías 24:2 ပူးပေါင်းရင်းမြစ်များ

Isaías 5:4

¿Binti xan yan pasel la sc'an ta stojol te ts'usubil cu'un te ma ba jpasoje? ¿Bin ut'il ay a te la jmahliy te ya yac' lequil ts'usubetic pero la yac' ha'mal ts'usubetic?

Isaías 5:7

Te ts'usubil yu'un te Jehová te scuentahinej spisil, ha te sna Israel, soc te winiquetic yu'un Judá ha te ts'umbil q'uinal te mulambil yu'une. Ha la smahliy bin toj ta pasel, pero ay ta malel ch'ich'; la smahliy stojil chahpanel, pero la ya'iy aw yu'un wocol.

Jeremías 29:17

Hich yaloj te Jehová te scuentahinej spisil: Ya jticombe espada, wi'nal soc jmilawal-chamel; ya jpas te hich ayic te bin ut'il higohetic te ma lecuc, te c'ax chopolic te ma xhu' ta lo'ele.

Oseas 9:10

Hich la jta Israel te bin ut'il mach'a ya sta ts'usub ta jochol taq'uin q'uinal. C'alal la jquil te ame'atatic hich c'ohemic te bin ut'il sahbal sit higuera te nahil sitin. Pero c'alal c'ohtic ta Baal-Peor la sch'ultes sbahic ta stojol te bin q'uexlaltic sba, hich ihlaybil c'ohtic te bin ut'il te diosetic te c'ux ta yo'tanique.

Miqueas 7:1

¡Obol jba! yu'un hich c'ohemon te bin ut'il c'alal tsobilix sit a ta yorahil snahtil c'ahc'al, c'alal c'axemix ta lehel a te bintic hilem yu'un te ts'usubil, mayuc hilem jchejuc ta we'el, mayuc hilem te sit te bayel ya jmulan.

Nahúm 3:12

Spisil te tulan ahnibal ts'ahquetic awu'un hich c'ohemic te bin ut'il higuerahetic te nojel ta yuhninal sit, teme ya yich' yuq'uilanel, ya xluhbaj cohel ta ye te mach'a ya sc'an ya slo'.

Números 18:13

Spisil sba sit ts'unub-awalil ya xloc' ta sq'uinalic te ya yich'ic tal ta stojol Jehová, ha'at me awu'un. Spisil mach'atic lec sc'oblalic ay ta ana ya xhu' ya swe'ic.

San Mateo 5:13

Ha'ex yats'amulex te bahlumilal; pero teme laj schi'il te ats'am, ¿bin ut'il c'an chi'ubuc xan? Mayuc bin ya xtuhunix a, ha xanix ya yich' ch'ojel loq'uel soc ya yich' ts'o'el ta teq'uel yu'un ants-winiquetic.