Jeremías 22:8 - Bible in Tzeltal Bachajón

⁸ Bayel ants-winiquetic ta yantic nacionetic ya me xc'axic bahel ta stojol te pueblo ini, hich ya sjoc'obe sbahic: ¿Bin yu'un te hich pasbot yu'un Jehová te muc'ul pueblo ini? xchihic.

Bible in Tzeltal de Oxchuc y Tenejapa

⁸ “Bayal ants-winiquetic ta yantic nacionetic te ya xc'axic ta patil li' ta lum to, ya me sjojc'obey sbaic juju-jtul: “¿Bi yu'un te jich pasbot yu'un Yajwal te muc'ul lum to?” xiic me.

Jeremías 22:8 ပူးပေါင်းရင်းမြစ်များ

Jeremías 16:10

C'alal yac awalbe te pueblo spisil te c'op ini, ya me sjoc'obat: ¿Bin yu'un la yal Jehová te ya xtal ta jtojoltic spisil te bintic chopol te c'ax muq'ue? ¿Bin chopol jpasojcotic? ¿Bin mulil jpasojcotic ta stojol Jehová te Dios cu'untique? xchihic.

Jeremías 40:2

Te capitán la yic' tal te Jeremías, hich la yalbe: Te Jehová te Dios awu'un la schahpambe sc'oblal te bin chopol ini ta stojol te lugar ini.

Jeremías 40:3

Yo'tic la sc'ohtesix ta pasel te bin yaloje. Hich c'oht ta pasel ta atojolic como la ata amulic ta stojol te Jehová, ma ba la awich'beyic ta cuenta te sc'ope.

Lamentaciones 4:12

Te ajwaliletic ta q'uinal soc spisil te mach'atic nahinemic ta bahlumilal ma ba la sch'uhunic te ya x'ochic ta ochibaletic yu'un Jerusalén te scontrataque.

Ezequiel 12:16

Pero ya cac' te cha'oxtuhlic ya x'ahnic loq'uel ta stojol te espada, te wi'nal soc te jmilawal-chamel, scuenta yu'un ta nacionetic te banti ya xbahtic ya me yalic spisil te bintic ilobtic sba la spasique. Ya me sna'ic te ho'on Jehovahon, xchi.

Ezequiel 14:23

Ya me yaq'uic te ya xmuc'ub q'uinal awa'iyic te c'alal yac awilic te stalelic soc te ya'telique; hich me yac ana'ic a te ma tojoluc spisil te bintic la jcac' taluc ta stojol, xchi te Jehová, te Ajwalil.

Ezequiel 39:23

Soc te nacionetic ya me sna'ic te ic'otic bahel ta chuquel te sna Israel ta scaj smulic, como ma junuc yo'tanic ta jtojol. Ha yu'un la jmuc jsit quelaw ta stojolic, la jcaq'uic ta sc'ab te scontratac, soc spisilic lajic ta espada.

Ezequiel 5:15

Ya me awich' labanel, tse'layel, tulan nohptesel soc xiweltic sba ta stojol te nacionetic ta ajoyobal, te c'alal ya ca'bat castigo soc sc'ahc'al co'tan soc quilimba soc tulan tsitsel. Ho'on Jehovahon hich caloj.

Daniel 9:7

Ha'at awu'un, Jehová, te bin toj ta pasel, pero ho'otcotic ayotcotic ta q'uexlal c'alal ora yo'tic, spisil mach'atic yu'un Judá, te mach'atic nahihenic ta Jerusalén soc spisil Israel, te nopol ayic soc te namal ayic, ta spisil q'uinal ta banti la apucticlan bahel ta scaj stoybahilic ta atojol.