Jeremías 22:6 - Bible in Tzeltal Bachajón

⁶ Te Jehová hich ya yalbe sc'oblal te sna ajwalil yu'un Judá: Hich c'ohemat ta jtojol te bin ut'il Galaad, hichat te bin ut'il te ba wits yu'un Líbano; pero ya me jc'atp'unat ta jochol taquin q'uinal, hich ya xc'ohat te bin ut'il pueblohetic te mayuc mach'a nahinem tey a.

Bible in Tzeltal de Oxchuc y Tenejapa

⁶ Melel te Cajwaltic ja' ya yalbey sc'oplal te palacio yu'un muc' ajwalil ta Judá: —Te ja'ate jich c'oemat ta co'tan te bit'il sq'uinal Galaad, jichat te bit'il ba wits ta Líbano; ja'uc me to, jamal ya cal te ya jc'atp'unat ta jochol taquin q'uinal, ja' te q'uinal te ma'yuc yajwale.

Jeremías 22:6 ပူးပေါင်းရင်းမြစ်များ

Génesis 37:25

Patil la shuhcan sbahic ta we'el. La yilic yacalic ta talel ismaeletic hahchemic tal ta Galaad, te scamellohic scuchojic bin sumet yic', bálsamo-te', soc mirra, te yac yich'belic bahel ta Egipto.

Salmos 107:34

te lequil q'uinal ya sc'atp'un ta mayuc bin ya xcol a, ta scaj schopolilic te mach'atic nahinemic tey a.

Cantares 4:1

¡Buen t'ujbilat, ha'at te c'uxat ta co'tan, mero t'ujbilat! Te asit te macbil yu'un smahquil, hich te bin ut'il stsuhmut. Te stsotsel ajol hich te bin ut'il jchahp tentsunetic te ya xco tal ta witsiltic yu'un Galaad.

Cantares 5:15

Te ya' ha oyetic pasbilic ta mármol te nahcambil ta yich'o-ip pasbilic ta puro oro; hich yilel stalel te bin ut'il Líbano, tsahbil hich te bin ut'il te cedrohetic yu'une.

Isaías 27:10

Jochol ya xhil te pueblo joytaybil ta ts'ahc, te pueblo te ay yajwal, ihquitaybil ya xhil hich te bin ut'il jochol taq'uin q'uinal; tey ya xwe'ic tut wacaxetic a, tey ya spahcan sbahic a soc ya slajimbe te sc'abc'ab te ha'maletic yu'une.

Isaías 37:24

Ta scuenta te a'batetic awu'un la alaban te Muc'ul Ajwalil, hich la awal: Mohon bahel ta sba witsiltic soc te ipal carretahetic yu'un guerra cu'un, ta jaxal coheletic yu'un Líbano; la jts'eticlambe te toyol cedrohetic yu'un, te mero lequil tajaltic yu'une; la jta c'ohel c'alal ta stoyolil te witsetic yu'un, ta tohyem te'etic te bayel ya'binal.

Isaías 6:11

Hich la jcal: ¿Jayeb xan c'ahc'al, Cajwal? xchihon. La sjac'bon jc'op: Ha to c'alal jihnemix a te pueblohetic soc mayuquix yajwal a; ha to c'alal mayuquix ants-winic ta nahetic soc te jochol taquin q'uinal ya xc'oht te q'uinale;

Jeremías 21:11

Soc hich me xawalbe te ajwalil yu'un Judá: A'iybeya awa'iy sc'op te Jehová:

Jeremías 21:14

Ho'on ya ca'beyex castigo, hich te bin ut'il ya sc'an te sit te awa'telique, xchi te Jehová. Ya ca'be sc'ahc'al te tohyem te'etic awu'unic te ya schic' spisil ta sjoyobal, xchi.

Jeremías 22:24

¡Cuxulon, xchi te Jehová, aunque ha jch'ocow ta jwa'el-c'ab te Jeconías snich'an Joacim, ajwalil yu'un Judá, ya jloq'ues tey a!

Jeremías 26:18

Te Miqueas te talem ta Moreset c'opoj ta sc'op-jalwanej te c'alal ay ta ajwalil yu'un Judá a te Ezequías, hich la yalbe spisil te pueblo yu'un Judá: Hich yaloj te Jehová te scuentahinej spisil: Te Sión ya yich' tuquel ta arado hich te bin ut'il q'uinal, te Jerusalén ya xc'atp'uj ta busul jinel soc te wits yu'un te templo ya xnoj ta pimil q'uinal, xchi.

Jeremías 4:20

Ya yich' halbeyel sc'oblal jinel soc yan jinel, spisil te q'uinal jihnemix. Ora nax la yich'ic jinel te nahilpaq'uetic cu'un, ora nax jihn te spac'al te nahilpac' cu'un.

Jeremías 4:7

Loq'uemix tal choj ta yawil, te jinawal yu'un nacionetic yaquix ta behel; loq'uemix tal ta slumal scuenta yu'un ya sjimbat te alumale, jimbil soc jochol ya xhilic te pueblohetic awu'une.

Jeremías 50:12

pero bayel ya xq'uexaw te ananic, ya xpehc'anot te mach'a la yayintesex. Ha peq'uel ya xc'oht yu'un spisil te nacionetic, ha taquin q'uinal, taquin lum, jochol taquin q'uinal ya xc'oht.

Jeremías 7:34

Ya cac' te ya xquehchaj ta pueblohetic yu'un Judá soc ta callehetic yu'un Jerusalén te sc'op yutsil q'uinal soc tse'el-o'tanil, te sc'op te mamalalil soc sc'op ihnamil, como jochol ya xc'oht te q'uinale, xchi te Jehová.

Jeremías 8:22

¿Ma bal ayuc bálsamo-te' ta Galaad? ¿Ma bal ayuc jpoxtaywanej tey a? ¿Bin yu'un hiche te ma ba lecub te jlumale?

Jeremías 9:11

Te Jerusalén ya jsutp'in ta busul tontiquil, sna ha'mal ts'i'etic ya xc'oht; soc ya jsutp'in ta jihnem q'uinal te pueblohetic yu'un Judá, mayuc mach'a ya x'ayin tey a, xchi te Jehová.

Miqueas 3:12

Ha yu'un ha'ex ta acuentahic ya yich' tuquel te Sión, ya xc'atp'uj ta busul jinel te Jerusalén, soc te wits yu'un te Templo ya xpotsot ta ha'mal.

Zacarías 11:1

¡Líbano, jama te ochibaletic awu'un, ac'a lajuc ta c'ahc' te cedrohetic awu'une!

Números 32:1

Te snich'nab Rubén soc Gad mero bayel chambahlametic yu'unic. C'alal la yilic te sq'uinal Jazer soc Galaad te ha lequil q'uinal yu'un chambahlametic,

Deuteronomio 3:25

Ya calbat wocol te yacuc awac'on sohlel ta yilel te lequil q'uinal ta jehch Jordán, ha te t'ujbil witsiltic soc te Líbano, xchihon.