Jeremías 21:9 - Bible in Tzeltal Bachajón

⁹ Te mach'a ya xhil ta pueblo ini ya me xlaj ta espada, ta wi'nal, o ta jmilawal-chamel; yan te mach'a ya xloc' bahel soc ya yac' sba ta sc'ab te caldeohetic te yac sjoytaybelexe, ya me xcuxaj; hich ya xcol te scuxlejale.

Bible in Tzeltal de Oxchuc y Tenejapa

⁹ Te mach'a ya xjil li' ta lum to ya me xlaj ta guerra, wi'nal, o chamel te ya xmilawan. Yan te mach'a ya xloc' bael soc te ya yac' sba ta c'abal yu'un te caldeoetic te yac ta yaq'uel guerra yo'tic te lume, ma ba ya xlajic; ya to me xcol soc xcuxlejal stuquel.

Jeremías 21:9 ပူးပေါင်းရင်းမြစ်များ

Jeremías 14:12

Aunque ya scom swe'elic, ma ba ya ca'iybe yawic, aunque ya yaq'uic scohtol chic'bil mahtaniletic soc mahtanil harina ma ba ya jtsac. Ya me jlajinlan ta espada, ta wi'nal soc ta jmilawal-chamel, xchi te Jehová.

Jeremías 21:7

Ta patil, xchi te Jehová, ya cac' ta c'abal te Sedequías ajwalil yu'un Judá, te a'batetic yu'un soc te mach'atic cuxul hilic yu'un te jmilawal-chamel, te espada soc wi'nal, ya cac' ta sc'ab te Nabucodonosor ajwalil yu'un Babilonia, ta sc'ab te scontratac te ya slehbe scuxlejalic. Ha ya smilticlan ta espada; ma ba ya spasbe perdón, ma ba ya sc'uxultay, ma ba ya sna'be yo'bolil sbahic.

Jeremías 24:10

Ya cac' tal ta stojolic espada, wi'nal soc jmilawal-chamel ha to c'alal jc'axel ya xlajic ta q'uinal te ca'beyej soc te sme'statique, xchi te Jehová.

Jeremías 27:11

Yan te nación te ya yac' ta snuc' te yugo yu'un te ajwalil yu'un Babilonia soc te ya yac' sba ta a'batinel yu'une, ya cac' te ya xhil ta sq'uinal, ya schahpan te sq'uinal soc ya xhil ta nahinel tey a, xchi.

Jeremías 27:12

Ha nix hich la jcalbe te Sedequías ajwalil yu'un Judá spisil te c'opetic ini: Ac'a ta anuc' te yugo yu'un te ajwalil yu'un Babilonia; ac'a aba ta a'batinel ta stojol soc ta stojol te pueblo yu'une, hich me ya xcuxajex a.

Jeremías 27:13

¿Bin yu'un ya xlajat soc te pueblo awu'un ta espada, ta wi'nal soc ta jmilawal-chamel, hich te bin ut'il yaloj te Jehová ta stojol te nación te ma ba ya yac' sba ta a'batinel yu'un te ajwalil yu'un Babilonia?

Jeremías 38:2

Hich yaloj te Jehová: Te mach'a ya xhil ta pueblo ya me xlaj ta espada, ta wi'nal o ta jmilawal-chamel; yan te mach'a ya xc'ax bahel ta stojol te caldeohetic, ya xcuxaj. Te scuxlejal hich ya xc'oht te bin ut'il bin pojbil ta guerra, cuxul ya xhil, xchi.

Jeremías 38:3

Hich yaloj te Jehová: Te pueblo ini ya me x'och ta sc'ab te soldadohetic yu'un te ajwalil yu'un Babilonia; ya me yu'untayic, xchi.

Jeremías 39:18

Ya cac'at ta libre, ma ba ya xlajat ta espada, ha pojbil ta guerra ya xc'oht acuxlejal, como la smuc'ulinon awo'tan, xchi te Jehová.

Jeremías 45:5

¿yu'un bal ha'at yac ale te muc' ac'oblal ya xc'ohat? ¡Ma me xale! como ya me cac' taluc bin chopol ta stojol spisil mach'atic cuxajtic, xchi te Jehová; pero te ha'ate ya cac' te cuxul ya xhilat bayuc ya xbahat, xchi.

Ezequiel 5:12

Ya me xlaj jun ta yoxebal ta jmilawal-chamel soc ya me xchamic ta wi'nal ta awohlil; jun ta yoxebal ya xlaj ta espada ta ajoyobal; soc jun ta yoxebal ya jpuc bahel ta ic'; soc ya jloq'ues te espada ta sna, ya jnuts bahel a.