Jeremías 21:4 - Bible in Tzeltal Bachajón

⁴ Hich yaloj te Jehová te Dios yu'un Israel: Ya cac' suhtuc bahel te a'tejibaletic yu'un guerra te ay ta ac'abic, te yaquex ta ya'beyel guerra a te ajwalil yu'un Babilonia; soc te caldeohetic te sjoytayejex ta spat ts'ahc ya jtsobticlan tal ta yohlil te pueblo ini.

Bible in Tzeltal de Oxchuc y Tenejapa

⁴ “Te Cajwaltic te Dios yu'un Israel ya yalbat: ‘Ya cac' sujt'uc bael ta spatic te soldadoetic awu'un soc yat'ejibic, te loq'uic ta pat ts'ajc' ta bay yacalex ta awac'bel abaic guerra soc te muc' ajwalil yu'un Babilonia. Soc te caldeoetic, te ja' nix te swinictaque, ya me jtsob ta yolil in lum to.

Jeremías 21:4 ပူးပေါင်းရင်းမြစ်များ

Isaías 10:4

Mayuquix bin yan ay ta pasel, ha xanix te yac ac'ol abahic ta yohlil te jchuqueletic, te ya xyahlex bahel ta yohlil te mach'atic lajic ta milel. Ta spisil ini, ma ba lahmaj yilimba, shachoj to te sc'ab ta yaq'uel castigo.

Isaías 13:4

Ay xjuyet ta witsiltic, hich te bin ut'il c'ax bayel winiquetic; xjuyet yu'un nacionetic, ha nacionetic te yac ta stsobel sbahic. Te Jehová te scuentahinej spisil yac ta yilel te soldadohetic te chapalic yu'un guerra.

Isaías 5:5

Ya calbeyex bin ya jpasbe te jts'usubil: Ya jloq'uesbe scorralil-ton, hich ya xjihn; ya jch'ojbe cohel te sts'ahcul, hich ya yich' ts'o'ts'o' teq'uel.

Jeremías 20:4

Como hich yaloj te Jehová: Ilawil, ya cac' te ha'at nix tulan yac axiwtes aba soc spisil te mach'atic jun awo'tan soque. Ya me awil ta asit te ya xlajic ta espada yu'un te scontrataque. Ya cac' ta sc'ab te ajwalil yu'un Babilonia spisil Judá, ha ya yic'ticlan bahel ta chuquel ta Babilonia soc ya me smilticlan ta espada.

Jeremías 21:3

La sjac' te Jeremías: Halbeya te Sedequías:

Jeremías 32:24

Ilawil, la sbusanic mohel lum ta sts'ahcul te pueblo scuenta ya'beyel guerra. Ta scaj espada, wi'nal soc jmilawal-chamel, te pueblo ya x'och ta sc'ab te caldeohetic te yac yac'belic guerrahe. C'ohemix ta pasel te bin la awal, ilawil, yac awilbel.

Jeremías 32:3

Como Sedequías ajwalil yu'un Judá yac'ojix ta chuquel tey a, yu'un hich la yal: ¿Bin yu'un te hich yac awal ta sc'op-jalwanej: Hich yaloj te Jehová: Ya cac' ta sc'ab te ajwalil yu'un Babilonia te pueblo ini, ha me ya yu'untay;

Jeremías 32:5

soc ha ya x'ic'ot bahel yu'un ta Babilonia, tey ya x'ayin a ha to c'alal ya jna' xan. Teme yac awa'beyic guerra te caldeohetic, ma xhu' awu'un, te xhihate? xchi.

Jeremías 33:5

(como teme ya xloq'uic bahel ta ya'beyel guerra te caldeohetic, ha nax ya xtuhun te nahetic te ya xnojic yu'un ta chamen baq'uet te ya cac'ticlan ta lajel ta scuenta quilimba, yu'un la jnac' jsit quelaw ta stojol te muc'ul pueblo ini),

Jeremías 35:17

Ha yu'un hich yaloj te Jehová, te Dios te scuentahinej spisil, te Dios yu'un Israel: Ilawil, ya cac' ta stojol Judá soc spisil te mach'atic nahinemic ta Jerusalén spisil te bintic chopol calbeyejix ta scontrahinel, como la jc'opon pero ma ba la ya'iybonic jc'op, la jquic'ticlan, pero ma ba la sjac'bonic te jc'ope, xchi.

Jeremías 39:3

Spisil te príncipaletic yu'un te ajwalil yu'un Babilonia ochic bahel, la slahman sbahic ta Ochibal ay ta ohlil, ha'ic te Nergal-Sarezer, Samgar-nebo, Sarsequim te jtsobaw yu'un te eunucohetic, Nergal-Sarezer te ay tulan ya'tel, soc spisil te yantic yu'un te ajwalil yu'un Babilonia te tulan ya'telique.

Jeremías 52:18

Soc la yich'ic bahel te yawil c'ahc'al tan, te palahetic, te sloq'uesojibal yac'alel mecha, te muc'ul tazahetic, cucharahetic soc spisil te biluquetic pasbilic ta bronce te tuhun ta sch'uhuntayel te Diose.

Lamentaciones 2:3

Ta sc'ahc'al yilimba la slajimbe spisil yip te Israel. Ta stojol te scontra la sloq'ues te swa'el sc'ab ta stojol Israel, la stsac c'ahc' ta Jacob hich te bin ut'il nup'bil c'ahc' te ya slajin spisil ta sjoyobal.

Lamentaciones 2:5

Te Cajwaltic hich c'oht te bin ut'il contra, jc'axel la sjin te Israel; la sjinticlan cohel spisil te nahetic yu'un ajwalil, la sjimbe cohel te ahnibal ts'ahquetic yu'un, soc la yac' p'ohluc te mel-o'tan soc oq'uel ta stojol te yantsil-nich'an Judá.

Lamentaciones 2:7

Te Cajwaltic la sp'aj te scajtajib ta chiq'uel mahtanil yu'un soc mayuc sc'oblal c'oht ta yo'tan te ch'ul awilal yu'une; la ya'be ta sc'ab scontra te spahc'ul te nahetic yu'un ajwalil; awonic ta sna Jehová hich te bin ut'il ta sc'ahc'alel q'uin.

Ezequiel 39:3

Ya jwac'bat te t'ihmalte' ay ta aq'uexam-c'ab, soc ya jch'aybat cohel te a'tejibaletic yu'un at'ihmalte' ta awa'el-c'ab.

Oseas 9:12

Teme ay ya xmuc'ub te yal-snich'nabic, ya jloq'ues ta yohlilic. ¡Ay me swocolic te c'alal ya xloc'on bahel ta stojolic!

Zacarías 14:2

Como ya jtsob tal spisil te nacionetic yu'un ya ya'beyic guerra te Jerusalén. Ya yich' ochintayel te muc'ul pueblo, ya yich'ic pojticlambeyel sbiluc ta snahic soc ya x'uts'inotic te antsetique. J'ohlil te muc'ul pueblo ya xbaht ta chuquel, pero te mach'atic hilemic ma ba ya yich'ic loq'uesel.

San Mateo 22:7

C'alal hich la ya'iy te ajwalil, ilin yu'un, la sticon bahel soldadohetic yu'un, la slajin te jmilawetic soc la schic'be te pueblo yu'unique.