Jeremías 2:8 - Bible in Tzeltal Bachajón

⁸ Te sacerdotehetic ma hichuc la yalic: ¿Banti ay te Jehová? ma xchihuquic; soc te mach'atic yich'ojic te Ley ma ba la sna'bonic jba; te jcananetic la stoy sbahic ta jtojol, te jalwanejetic c'opojic ta scuenta te sbihil Baal soc la st'unic bahel te bintic ma xtuhunique.

Bible in Tzeltal de Oxchuc y Tenejapa

⁸ Te sacerdoteetic ma la sleonic, te jp'ijubteswanejetic yu'un te lum cu'une, ma la yich'onic ta muc', te jtsobwanejetic la stoy sbaic ta jtojol, te j'alwanejetic ja' c'opojic ta swenta Baal soc bajt'ic ta stojol te loc'ombaetic te ma xtuunic ta jyalele.

Jeremías 2:8 ပူးပေါင်းရင်းမြစ်များ

1 Reyes 18:22

Te Elías la yalbe xan te pueblo: Ho'on xanix jtuquel hilemon ta jalwanej yu'un Jehová; yan te jalwanejetic yu'un Baal ay jbahc' soc lajuneb yoxwinic (450) stuquelic.

1 Reyes 18:29

C'ax ta ohlil c'ahc'al, tey noc'olic ta aw a c'alal ta yorahil yaq'uel te milbil mahtanil, pero mayuc chicnaj sc'op, mayuc mach'a la sjac', mayuc mach'a la yich' ta cuenta.

1 Reyes 18:40

Ha yu'un hich halbotic yu'un te Elías: Tsacahic te jalwanejetic yu'un Baal, ma me xcol jtuhluc, xchi. Hich la stsaquic. Te Elías la yic'ticlan bahel ta uc'um Cisón, tey c'oht smilticlan a.

Job 35:10

Pero mayuc mach'a hich ya yal: ¿Banti ay te Dios, te Jpaswanej cu'un, te ya yac' c'ayoj ta ahc'abal,

Isaías 28:7

Ha nix hich ini xhanlajan ya xbehenic yu'un te vino soc ya sschucticlan sba yoc yu'un te tulan uch'abil; te sacerdote soc te jalwanej xhanlajan ya xbehenic yu'un te tulan uch'abil, soc ya sonsohubic ta scaj te vino; ya schucticlan sba yoquic yu'un te tulan uch'abil, ya xhowiyic te c'alal ya yilic snahalsitic, ma xtojob sc'opic te c'alal ya ya'iyic chahpanwanej.

Isaías 29:10

Como te Jehová la smal ta atojolic espíritu yu'un c'ubul wayel; la smacbe sit te jalwanejetic awu'unic soc la smacbe sjol te mach'atic ya x'ilawanic.

Isaías 30:5

spisilic ya me xq'uexawic yu'un jun pueblo te mayuc stuc, te ma ba ya xcoltayotic yu'un soc mayuc bin ya stahic yu'un, ha nax ya stahic q'uexlal soc pehc'anel, xchi te Jehová.

Jeremías 10:21

Te jcanan-tuminchijetic ma sna'ic q'uinal, ma ba ya slehic te Jehová; ha yu'un ma ba ya stahic yutsil slequilic soc puhquemiquix bahel spisil te tuminchijetic yu'unique.

Jeremías 12:10

Bayel jcanan-tuminchijetic la sjimbonic te ts'usubil cu'un, la sts'o'ic ta teq'uel te bin quich'oje; la sutp'inic ta jochol taquin q'uinal te jq'uinal te mero t'ujbil.

Jeremías 16:19

Jehová, ha'at quipat soc toyol ts'ahcat cu'un, soc j'ahnibalat cu'un ta yorahil wocol, ya me xtal ta atojol te nacionetic c'alal ta sti'il bahlumilal, hich me ya yalic: Ha nax lotil te a'bot yich'ic te jme'jtatic, ha te bin ma xtuhun, te mayuc bin la stahic a.

Jeremías 18:18

Hich la yalic: La'ic, ya jchahp jc'optic ta scontrahinel te Jeremías; como ma xpasot falta te nohptesel yu'un te sacerdotehetic, te j'ac'-o'tanil yu'un te mach'atic ay sp'ijilic, soc te sc'op te jalwanejetique. La'ic, ya jcomtic ta c'op, ma ba ya quich'tic ta cuenta te bin ya yale, xchihic.

Jeremías 2:11

¿Ay bal nación te syanijtesej te diosetic yu'un, aunque ma ha'uc diosetic? Pero te pueblo cu'un la sjeltay te yutsilal ta bin jc'axel ma xtuhun.

Jeremías 2:6

Ma ba la yalic: ¿Banti ay te Jehová te la sloq'uesotic tal ta Egipto, te la yic'otic bahel ta jochol taquin q'uinal, ta taquin q'uinal soc hemeltic, ta taquin lum soc yaxinal lajel, ta lumq'uinal te mayuc mach'a c'axem tey a soc mayuc mach'a ya xnahinic tey a? ma xchihuquic.

Jeremías 4:22

Ha sonso te pueblo cu'un, ma sna'bon jba; ha al-nich'anetic te mayuc bin ya sna'ic, ma sna'ic q'uinal. Ay sp'ijilic ta spasel te bin chopol, pero ma sna'ic spasel te bin leque, xchi te Jehová.

Jeremías 5:31

Te jalwanejetic ya yalic lot, te sacerdotehetic ya xcuentahinwanic ha chican bin ya sc'an yo'tanic. ¡Hich ya sc'an te pueblo cu'une! Pero ¿bin yac apasic c'alal ya xtal slajibal? xchi te Jehová.

Jeremías 7:8

Pero ha ya smuc'ulin awo'tanic te lotil c'op te ma xtuhune.

Jeremías 9:14

Ha la st'unic te bin la snop ta yo'tanic soc la st'unic bahel te baaletic, hich te bin ut'il a'bot snopic yu'un te sme'statique.

Ezequiel 22:26

Te sacerdotehetic yu'un la yuts'inic te Ley cu'un soc la sbohlobtesbonic te bintic ch'ultesbil cu'une; pajal c'ohem yu'unic te bin ch'ultesbil soc te bin ma ch'ultesbiluc, pajal c'ohem yu'unic te bin lec sc'oblal soc te bin bohloben sc'oblal. Mayuc sc'oblal c'oht ta stojolic te sc'ahc'alel cux-o'tan cu'un, soc bohlob jc'oblal ta yohlilic.

Ezequiel 34:2

Snich'anat winic, hala sc'op-jalwanej ta scontrahinel te jcanan-tuminchijetic yu'un Israel, hich me xawalbe te jcanan-tuminchijetic: Hich yaloj te Jehová, te Ajwalil: ¡Obol sbahic te jcanan-tuminchijetic yu'un Israel te ha nax ya smac'lin sbahique! ¿Ma bal yacuc smac'linic te jtsohb tuminchijetique?

Oseas 4:6

La yich'ix jinel te pueblo cu'un ta scaj te mayuc bin sna'oj. Te bin ut'il la ach'oj bahel te bin ay ta na'el, ya jch'ojat loq'uel ta sacerdotehil; te bin ut'il ch'ay ta awo'tan te ley yu'un te Dios awu'un, ha nix hichon ya jch'ay ta co'tan te anich'nabe.

Habacuc 2:18

¿Bistuc te loc'omba te pasbil yu'un te mach'a ya sna' spasel, te uhltesbil loc'omba te ya yac' ta nopel lot, yu'un ha ya smuc'ulin yo'tan te ya'tel ta spasel loc'ombahetic te ma xc'opojique?

San Mateo 16:26

Como ¿bin ya sta a te winic teme yu'untayej spisil te bahlumilal, pero teme ch'ayel ya xbaht te sch'uhlele? ¿Bin ya yac' a te winic yu'un te sch'uhlele?

San Lucas 11:52

¡Ay me awocolic, maestrohex yu'un te Ley! como la aloq'uesbeyic te llave yu'un te bin ay ta na'ele; ma ba ya x'ochex te ha'exe, soc yac amaquic te mach'atic ya x'ochic bahele, xchi.

San Juan 16:3

Hich ya spasic ta scaj te ma sna'beyic sba te Tatil soc ma sna'bonic jba.

San Juan 8:55

Pero ma xana'beyic sba te Diose. Yan te ho'one, ya jna'be sba. Teme ya cal te ma jna'be sba, yacon ta lot hich te bin ut'il te ha'exe. Pero ya jna'be sba soc jcanantaybeyej te sc'ope.

2 Corintios 4:2

Ha hilix cu'uncotic te bin muquen ay ta pasel soc te bintic q'uexlaltic sba, ma ba ya ca'iycotic lo'loywanej soc ma ba ya jyanijtesbecotic sc'oblal te sc'op Dios. Yan bin ya jpascotic, te bin ut'il jamal ya cac'cotic ta ilel te bin smelelil, ta stojol Dios ya cac' jbahcotic ta na'el ta yo'tanic spisil ants-winiquetic.

Deuteronomio 33:10

Ha'ic ya ya'be snopic ac'op te Jacob, soc ya ya'be snopic te Ley awu'un te Israel. Ya yaq'uic pom ta atojol soc scohtol chic'bil mahtanil ta scajtajib ta chiq'uel mahtanil awu'un.

1 Samuel 12:21

Ma me xat'unic bahel te bin mayuc scuentahil, te mayuc bin ya ya'beyex soc ma xcoltaywan, como tojol nax stuquelic.

1 Samuel 2:12

Te snich'nab Elí mero chopol yo'tanic, ma ba la sna'beyic sba te Jehová.