Jeremías 2:6 - Bible in Tzeltal Bachajón

⁶ Ma ba la yalic: ¿Banti ay te Jehová te la sloq'uesotic tal ta Egipto, te la yic'otic bahel ta jochol taquin q'uinal, ta taquin q'uinal soc hemeltic, ta taquin lum soc yaxinal lajel, ta lumq'uinal te mayuc mach'a c'axem tey a soc mayuc mach'a ya xnahinic tey a? ma xchihuquic.

Bible in Tzeltal de Oxchuc y Tenejapa

⁶ Ma la anopic ta awo'tanic te ya aleonic, jo'on te la jloq'uesex tel ta Egipto, te la quiq'uex bael ta jochol taquin q'uinal, taquin te q'uinale, soc puro jemeltic, ja' te q'uinal te ma'yuc ja' tey ae, nojel nax yu'un te bitic xiweltic sbae, ja' te lumq'uinal te ma'yuc mach'a ya xnain tey a, ja' te ma'yuc mach'a ya xju' xc'ax tey a.

Jeremías 2:6 ပူးပေါင်းရင်းမြစ်များ

2 Reyes 2:14

La stsac te smehyil-pac' Elías te hil yu'un, la smaj a te ha'e, hich la yal: ¿Banti ay te Jehová, te Dios yu'un Elías? xchi. C'alal la smaj te ha', la sjam sba ta jujujehch, sohl bahel te Eliseo.

Job 3:5

Ac'a yich' maquel yu'un yihc'al q'uinal soc yaxinal lajel; ac'a yich' potsel ta tocal te ya yac' te xiweltic sba ya xc'oht hich te bin uti'il jun c'ahc'al te macal ta ihc'al tocal.

Job 35:10

Pero mayuc mach'a hich ya yal: ¿Banti ay te Dios, te Jpaswanej cu'un, te ya yac' c'ayoj ta ahc'abal,

Salmos 23:4

Aunque ya xc'axon ta sjuclej yu'un yaxinal lajel, mayuc bin chopol ya jxi', como ha'at ajoquinejon, te abastón soc te anahbate' ya ya'bonic smuc'ul co'tan.

Salmos 77:5

Tal ta co'tan te c'ahc'aletic ta nahil, te ha'biletic ta namey.

Éxodo 20:2

Ho'on Jehovahon, te Dioson awu'un, te la jloq'uesat tal ta sq'uinal Egipto ta banti nahinat ta mosohil.

Isaías 63:9

Ta spisil te swocolic, ha nix hich la ya'iy wocol, ha coltayotic yu'un te ch'ul a'bat te ay ta stojol. Ta scuenta sc'uxul yo'tan soc sna'beyel yo'bolil sbahic la yac'ticlan ta libre; la shachticlan, la speticlan bahel spisil ora c'alal ta namey.

Isaías 64:7

Mayuc mach'a te ya sc'oponat ta abihil, o te ya spas tulan te ya sc'ambat coltayel; como la anac' asit ta jtojolcotic, soc la awac' te sayubotcotic yu'un te yip te jmulcotique.

Jeremías 13:16

Halbeya yutsil sc'oblal te Jehová te Dios awu'unic, te c'alal ma to xtal yu'un a te yihc'al q'uinal, te c'alal ma to ba ac'ohchinej awoquic a ta witsiltic te ayic ta axinal; soc te c'alal yac amahlibel a te sacal q'uinal, ha ya sutp'ij ta axinal yu'un lajel soc ta yihc'al q'uinal.

Jeremías 2:2

Bahan, halbeya te Jerusalén te hich ya yal te Jehová: Ya jna' te c'alal ach'ixat to a jun awo'tan ta jtojol, te c'uxon ta awo'tan te c'alal jmacojat a, te la at'unon bahel ta jochol taquin q'uinal, ta q'uinal te mayuc bin ts'umbil tey a.

Jeremías 2:8

Te sacerdotehetic ma hichuc la yalic: ¿Banti ay te Jehová? ma xchihuquic; soc te mach'atic yich'ojic te Ley ma ba la sna'bonic jba; te jcananetic la stoy sbahic ta jtojol, te jalwanejetic c'opojic ta scuenta te sbihil Baal soc la st'unic bahel te bintic ma xtuhunique.

Jeremías 5:12

La smuc ta yo'tanic te Jehová; la yalic: Mayuc te Diose. Mayuc bin chopol ya xtal ta jtojoltic, ma ba ya quiltic espada o wi'nal, xchihic.

Jeremías 5:2

Aunque ya yalic: Yiloj Jehová, te xchihique, ma meleluc ya yalic ta jamal, xchi te Jehová.

Jeremías 51:43

Jochol hilic te pueblohetic yu'un, te q'uinal taquin soc jochol hil, ha q'uinal te mayuc mach'a ya xnahin tey a, mayuc mach'a ya xc'ax tey a.

Oseas 12:13

Ta scuenta jtuhl jalwanej te Jehová la sloq'ues tal ta Egipto te Israel; soc ta scuenta jtuhl jalwanej la scanantay.

Oseas 13:4

Pero Ho'on Jehovahon te Dios awu'un c'alal ayat to ta sq'uinal Egipto; mayuc yan dios te yac ana'be sba, mayuc yan jcoltaywanej, ho'on nax jtuquel.

Amós 2:10

La jloq'uesex tal ta sq'uinal Egipto, soc la jquiq'uex bahel cha'winic (40) ha'bil ta jochol taquin q'uinal, yu'un yac awu'untaybe sq'uinal te amorreohe.

San Mateo 4:16

Te mach'atic ayic ta yihc'al q'uinal la yilic muc'ul sacal q'uinal, te mach'atic ayic ta yaxinal lajel, sacub q'uinal ta stojolic, te xchihe.

Deuteronomio 1:19

Loc'otic tal ta Horeb, la jbehentaytic spisil te xiweltic sba muc'ul jochol taquin q'uinal te awilojic, ta sbehlal te witsiltic yu'un amorreohetic, hich te bin ut'il la spasotic ta mandar te Jehová te Dios cu'untic, hich c'ohotic ta Cades-barnea.

Deuteronomio 32:10

La sta ta jochol taquin q'uinal, ta mero taquin q'uinal te majbil ta tulan ic'. La sjoyobtay, la sp'ijubtes, hich la scanantay te bin ut'il sch'uhlel sit.

Deuteronomio 8:2

Ya me ana' spisil te be banti la yic'at tal te Jehová te Dios awu'un te cha'winic (40) ha'bil ta jochol taquin q'uinal yu'un la ya'bat apehc'an aba, la yilbat awo'tan, yu'un hich ya sna' a te bin ay ta awo'tan, teme yac apas o ma ba yac apas te mandariletic yu'une.

Jueces 6:13

La sjac' te Gedeón: Ay, cajwal, teme sjoquinejotcotic te Jehová, ¿bin yu'un te hich yac ta c'ohel ta pasel ta jtojolcotic spisil ini? ¿Banti ay spisil te jchahp a'teliletic te la yalbotcotic sc'oblal te jme'jtatcotic, te hich la yalic: Ha la sloq'uesotic tal ta Egipto te Jehová, te xchihique? Pero te Jehová la yihquitayotiquix hilel soc la yac'otiquix ta sc'ab te madianetique, xchi.