Jeremías 2:5 - Bible in Tzeltal Bachajón

⁵ Hich ya yal te Jehová: ¿Bin ma lecuc la stahbonic te ame'atatic, te q'uejel bahtic ta jtojol, te la st'unic bahel te bin ma xtuhun, te hich mayuc sc'oblal c'ohtic?

Bible in Tzeltal de Oxchuc y Tenejapa

⁵ Te Cajwaltic jich ya yalbeyex: —¿Bila ma lecuc la atabonic ta stojol te antiguo ame'-atatique, te q'uejel baex soc te awo'tanique? Ja' baex ta stojol te bitic cuybilic ta Dios te ma'yuc yutsile; jich nix ma'yuc awutsilic c'oex ta loq'uel yu'un.

Jeremías 2:5 ပူးပေါင်းရင်းမြစ်များ

2 Reyes 17:15

Ha la sch'aybeyic te mandariletic, te chapbil-c'op la schap soc te sme'static soc te scomelic te halbotic yu'une. La st'unic diosetic te mayuc stuquic, soc ha nix hich mayuc stuc bahtic yu'un, ha la st'umbeyic stalel te nacionetic ayic ta sjoyobal, te pasotic ta mandar yu'un Jehová te manchuc hich ya spasique.

Salmos 115:8

Te mach'atic la spasic te loc'ombahetic pajal c'ohemic soc, ha nix hich spisil te mach'atic ha ya smuc'ulin yo'tanic.

Isaías 29:13

Hich la yal te Jehová: Te pueblo ini ya xnohpojic tal ta jtojol soc sc'opic soc ya yich'onic ta muc' ta sti'il nax yehic, pero namal ay ta jtojol te yo'tanic soc te ya yich'onic ta muc', ha nax smandar winic te nohptesbilic a.

Isaías 44:9

Te mach'atic ya spasic loc'ombahetic, mayuc sc'oblalic, soc ma xtuhun te bintic bayel sc'oblal ta yo'tanic. Ha'ic nix testigohetic te ma xyilic q'uinal te loc'ombahetic soc ma sna'beyic scuentahil, hich ya xq'uexawic yu'un.

Isaías 46:12

A'iybon awa'iyic, ha'ex te tulan awo'tanic, te namal ayex yu'un te bin stojil ta pasele.

Jeremías 10:8

Spisilic sonsohetic soc ma sna'ic q'uinal; nohptesbilic yu'un loc'ombahetic pasbil ta te' te ma xtuhunique.

Jeremías 12:2

La ats'unticlan, la yac' slohp'ic; ya xmuc'ubic soc ya sitinic. Nopol ayat ta yehic, pero namal ayat ta yo'tanic.

Jeremías 14:22

¿Ay bal loc'ombahetic yu'un te nacionetic te ya xhu' ya yac' tal ha'al? ¿Ya bal sticon tal ha'al te ch'ulchan ta stuquel nax? ¿Ma bal ha'ucat, Jehová, te Diosat cu'untique? Ha'at nax atuquel te yac aticon talel, ha yu'un ya jmahliyatcotic como ha'at yac apas spisil ini.

Jeremías 2:31

Jcaj ts'umbalilex ini, a'iybeya awa'iyic sc'op te Jehová. ¿Yu'un bal jochol taquin q'uinalon ta stojol Israel, o q'uinalon te ay ta yihc'al q'uinal? ¿Bin yu'un hich ya yal te pueblo cu'un: Ayotcotic ta libre; ma ba ya xtalotcotiquix ta atojol, te xchihe?

Jeremías 2:4

A'iybeya awa'iyic sc'op te Jehová, pueblohex yu'un Jacob, soc spisil ta chahp yu'un Israel.

Jeremías 8:19

A'iya awa'iy te yaw te yantsil-nich'an te pueblo cu'un te ya xchicnaj tal ta namal q'uinal: ¿Ma bal ayuc ta Sión te Jehová? ¿Ma bal teyuc ay a te ajwalil yu'une? xchi. ¿Bin yu'un la shachbonic quilimba ta scuenta te pasbil loc'ombahetic yu'unic, te jyanlum diosetic te mayuc scuentahil? xchi te Jehová.

Ezequiel 11:15

Snich'anat winic, te awermanotac, te mero awermanotac, ha te amohlol ats'ahquil soc spisil te pueble Israel, ha'ic te mach'atic hich halbotic sc'oblal yu'un te mach'atic nahinemic ta Jerusalén: Namal ayic ta stojol Jehová; ho'otcotic a'bilotcotic quich'cotic te q'uinale, xchihic.

Ezequiel 14:5

Hich ya jpas scuenta yu'un ya jcha'cuentahimbe xan yo'tan te sna Israel, te bin ut'il spisilic yihquitayejonic hilel ta scaj te loc'ombahetic yu'unique.

Jonás 2:8

Te mach'atic ya st'unic loc'ombahetic te tojol ayic, ma ha'uquix jun yo'tanic ta atojol.

San Mateo 15:8

Te pueblo ini ta ye nax ya yich'onic ta muc', pero te yo'tanic namal ayic ta jtojol,

Hechos 14:15

Winiquetic, ¿bin yu'un hich yac apasic? Pajal winicotic. Ha yac calbelex awa'iyic te yacuc xhil awu'unic te bin mayuc scuentahil ini, te yacuc asuhtes awo'tanic ta stojol te cuxul Dios te la spas ch'ulchan, bahlumilal, mar soc spisil bintic ay tey a.

Romanos 1:21

Aunque la sna'beyic sba te Diose, ma ba la yich'ic ta muc' te bin ut'il ha Dios soc ma ba la yalbeyic wocol, pero bohlob spensaric soc ihc'ub te sonso yo'tanique.

Deuteronomio 32:21

La yaq'uic xut'etuc co'tan ta scaj te bin ma diosuc, la yaq'uic ilinuc co'tan ta scaj te loc'ombahetic yu'unique. Ha nix ya cac' xut'etuc yo'tanic ta scuenta mach'atic ma pueblohuc, ya cac' ilinuc yo'tanic ta scuenta jun nación te mayuc sp'ijil.

1 Samuel 12:21

Ma me xat'unic bahel te bin mayuc scuentahil, te mayuc bin ya ya'beyex soc ma xcoltaywan, como tojol nax stuquelic.