Jeremías 2:31 - Bible in Tzeltal Bachajón

³¹ Jcaj ts'umbalilex ini, a'iybeya awa'iyic sc'op te Jehová. ¿Yu'un bal jochol taquin q'uinalon ta stojol Israel, o q'uinalon te ay ta yihc'al q'uinal? ¿Bin yu'un hich ya yal te pueblo cu'un: Ayotcotic ta libre; ma ba ya xtalotcotiquix ta atojol, te xchihe?

Bible in Tzeltal de Oxchuc y Tenejapa

³¹ (Ja' nix jichex, te jcaj alnich'anex ayex ta q'uinal ta ora to, aiybeya awaiyic stojol sc'op te Cajwaltique.) Israel, ¿yu'un bal jochol taquin q'uinalon ta atojol? ¿Jich bal acuyojon te bit'il q'uinal te nojel nax yu'un te ijc' q'uinale? Lum cu'un, ¿bi yu'un ya awal: “Ayotic ta libre; mero ma sujt'otiquix bael ta atojol”, te xaate?

Jeremías 2:31 ပူးပေါင်းရင်းမြစ်များ

1 Reyes 11:22

La sjac' te faraón: ¿Bin yu'un? ¿Bin ya spasat falta ta jtojol te yac ac'an ya xbahat ta alumal? xchi. Mayuc, pero awocoluc, ac'awon bahel, xchi te Hadad.

2 Crónicas 31:10

Te muc'ul sacerdote Azarías sts'umbal Sadoc, la sjac': Te bin ora hahch yich'ic tal te mahtaniletic yu'unic ta sna Jehová c'alal ora, we'otcotic soc noj jch'uhtcotic, soc bayel to hilem, como te Jehová ya'beyej bendición te pueblo yu'un, soc ay hilem hich yipal ini, xchi.

Job 21:14

Hich ya yalbeyic te Diose: ¡Ihquitayawotcotic, ma jc'ancotic snopel te mandariletic awu'une!

Salmos 10:4

Te mach'a chopol yo'tan, ta scaj stoybahil ma ba ya sle te Diose; mayuc Dios ta spisil spensar.

Salmos 12:4

te mach'atic hich ya yalic: Ya me ca'iytic tsalaw ta scuenta jc'optic, ha cu'untic te quetic, ¿mach'a ajwalil cu'untic? te xchihique.

Proverbios 30:9

yu'un teme ya xnoj jch'uht ya wan jmucat ta co'tan, soc hich wan ya cal: ¿Mach'a a te Jehová? xchihon; o teme pobrehon ya wan ca'iy elec', hich ya jbohlc'optaybe sbihil te Dios cu'une.

Isaías 45:19

Ma ba muquen c'opojon, ma c'opojon ta banti ihc' q'uinal; ma ba hich la jcalbe te sts'umbal Jacob: Lehawonic ta banti mayuc bin ay, ma xchihucon. Ho'on Jehovahon, smelelil ya xc'opojon, ha ya cal te bin stojile.

Jeremías 2:20

Como nameyix la awuy te yugo awu'un soc te bin chuculat a, hich la awal: Ma ba ya cac' jba ta a'batinel, xchihat. Ta spisil ini, la awac' aba ta antsinel ta spisil toyol tsehletic soc ta ye'tal spisil pimil ya'binal te'etic.

Jeremías 2:25

Ma me xbehenat te mayuc atep soc ma me xawac' ya xtaquij anuc'. Pero hich la awal: Mayuc bin ya xhu' ta pasel, como ha c'ux ta co'tan te yan diosetic, ya me jt'un bahel, xchihat.

Jeremías 5:5

Ya xbaht jc'opon te mach'atic muc' sc'oblalic, como ya sna'ic te be yu'un Jehová, te bin ya sc'an te Dios yu'unique, xchihon. ¡Pero ha'ic nix la swuyic te yugo, la stuch'ticlanic te schucojbilique!

Jeremías 5:6

Ha yu'un ya xmilotic yu'un choj ta montaña, ya xlajinotic yu'un ha'mal ts'i' ta jochol taquin q'uinal, ay c'an bo'olay choj te ya spahcan sba ta nopol te pueblohetic yu'unic. Mach'ayuc a te ya xloc' tal ya xbutsticlanot yu'un, como bayel te stoybahilic, bayel banti ch'ayemic.

Ezequiel 14:5

Hich ya jpas scuenta yu'un ya jcha'cuentahimbe xan yo'tan te sna Israel, te bin ut'il spisilic yihquitayejonic hilel ta scaj te loc'ombahetic yu'unique.

Oseas 13:6

Noj sch'uhtic ta aquiltic, c'alal noj sch'uhtic hahch toybahil ta yo'tanic; hich ch'ayon ta yo'tanic.

Amós 1:1

Ha sc'op Amós, jtuhl jcanan-tuminchij ta Tecoa, te la yalbe sc'oblal te Israel ta yorahil Uzías ajwalil yu'un Judá, soc te Jeroboam snich'an Joás, ajwalil yu'un Israel, cheb ha'bil ma to xtal nihquel a.

Miqueas 6:9

Te sc'op te Jehová ya yawtay te pueblo, ¡ha p'ijil-o'tanil te xi'el te abihile! Ich'ahic ta cuenta te castigo soc te mach'a ya yaq'ue.

1 Corintios 4:8

Ayix awu'unic spisil, jc'uhlejexix, ochemex ta ajwalil, pero ma ha'uc ta jcuentacotic. ¡Co'tanuc te yacuc x'ochex ta ajwalil, scuenta yu'un pajal ya x'ochotic ta ajwalil a!

Deuteronomio 31:20

Como te c'alal ya cac' ochel tey ta q'uinal te jc'axel la jcalbe ta jamal te sme'static, ha te q'uinal te banti ya x'oquin leche soc chab, ya me xwe'ic, ya xnoj sch'uhtic yu'un soc ya xjuhp'ic, ya suhtic xan ta stojol yantic diosetic soc ya me yac' sbahic ta a'batinel ta stojolic, ya me yilintayonic soc ya me sjinic te chapbil-c'op cu'une.

Deuteronomio 32:15

Pero juhp' te Jesurún, soc pujawan ta teq'uel, (c'ax juhp'at, mero bayel ajuhp'el). Ha yu'un la sch'ay ta yo'tan te Dios te pasot yu'une; la yihlay te Muc'ul Ton te ya xcoltayot yu'un.

Deuteronomio 32:18

Ch'ay ta awo'tan te Muc'ul Ton te la spasat, ch'ay ta awo'tan te Dios te jpaswanej awu'une.