Jeremías 2:20 - Bible in Tzeltal Bachajón

²⁰ Como nameyix la awuy te yugo awu'un soc te bin chuculat a, hich la awal: Ma ba ya cac' jba ta a'batinel, xchihat. Ta spisil ini, la awac' aba ta antsinel ta spisil toyol tsehletic soc ta ye'tal spisil pimil ya'binal te'etic.

Bible in Tzeltal de Oxchuc y Tenejapa

²⁰ “Mero bayalix tel c'aal te la atoy aba ta jtojole, ma la ac'an ach'uunbonic jmandal. La awal: “Ma jc'an abatinel”, xaat. Ja' nax la awat'elin spasel mulwej ta bay toyol witsetic soc ta spisil yet'al pimil sc'ab te'etic.

Jeremías 2:20 ပူးပေါင်းရင်းမြစ်များ

1 Reyes 12:32

Te Jeroboam la shach spasel q'uin ta ho'lajuneb (15) c'ahc'al ta swaxaquebal u, hich te bin ut'il te q'uin ya yich' pasel ta Judá, soc la yac' milbil mahtaniletic ta scajtajib ta chiq'uel mahtanil. Hich nix la spas ta Bet-el, la ya'be milbil mahtaniletic te jcolel torohetic te spasoje. Soc la ya'be ya'tel sacerdotehetic ta toyol awilaletic te pasbilic yu'une.

1 Reyes 14:23

Ha nix hich la spasbeyic toyol awilaletic, la stehc'anic hahchel tonetic soc sloc'omba Asera ta spisil tsehletic soc ta ye'tal spisil te'etic te bayel ya'binal.

Salmos 107:14

La sloq'ueslan ta yihc'al q'uinal soc ta yaxinal lajel, soc la stuch'ticlambe te cadenahetic te chuculic a.

Salmos 2:3

Hich ya yalic: Ac'a jtuch'betic te cadena yu'unic, ya jch'ojtic loq'uel ta jtojoltic te bin schucojotic a, xchihic.

Salmos 78:58

La yaq'uic ilinuc Dios yu'un te toyol awilaletic yu'unic, la shahchbeyic xut'et yo'tan yu'un te loc'ombahetic yu'unique.

Éxodo 19:8

Spisil te pueblo pajal la sjaq'uic: Ya jpascotic spisil te bin yaloj te Jehová, xchihic. Hich te Moisés la yich'be bahel ta stojol Jehová te bin la yal te pueblo.

Éxodo 24:3

Te Moisés tal yalbe te pueblo spisil te bin la yal te Jehová soc spisil te mandariletic. Ta spisil te pueblo junax la sjaq'uic: Ya jpascotic spisil te bin yalojix te Jehová, xchihic.

Éxodo 3:8

Ha yu'un cohonix tal ta scoltayel loq'uel ta sc'ab te egipciohetic soc ta sloq'uesel bahel tey ta q'uinal; ya quic' bahel ta q'uinal te buen lec soc buen jamal, te q'uinal te banti ya x'oquin leche soc chab, ta banti ay te cananeo, heteo, amorreo, ferezeo, heveo soc te jebuseo.

Isaías 1:21

¡Ilawil bin ut'il sutp'ij ta j'antsinel-ants te pueblo te jun yo'tan! Ta nahil nojel ta bin stojil ta pasel, nahinem tey a te bin toj ay, ¡pero ta ora ini nahinemic tey a te jmilawetique!

Isaías 10:27

Ta hich ora ya xcohtesbot yihcats ta anehquelic soc te yugo yu'unic ta anuc'; ya xwac' te yugo yu'un ha'at tsahbilat cu'un.

Isaías 14:25

Ya jin te Asiria ta jlumal, ya jts'o'ticlan ta teq'uel ta witsiltic cu'un; ya xloc' ta stojol te pueblo cu'un te yugo yu'une, ya xloc' te yihcats ay ta snehquel, xchi.

Isaías 9:4

Como la alajimbe te yugo yu'unic te al, ha te te' ay ta snehquelic soc te bastón yu'un te mach'a uts'inot yu'un, hich te bin ut'il ta yorahil te jihn te Madián.

Jeremías 13:27

ha te antsiwej awu'un soc te xhilajanat, te schopolil antsiwej awu'un ta sba te tsehletic. La jquil ta aquiltic te bintic ilobtic sba awu'une. ¡Obol aba, Jerusalén! ¿Jayeb xan c'ahc'al te ma ba ya xlecub ac'oblale? xchi te Jehová.

Jeremías 17:2

scuenta sna'ojibal yu'un te yal-snich'nabique. Te scajtajib ta chiq'uel mahtaniletic yu'unic soc te loc'ombahetic yu'un Asera ayic ta ye'tal te'etic te pimic ya'binal soc ta toyol tsehletic,

Jeremías 2:31

Jcaj ts'umbalilex ini, a'iybeya awa'iyic sc'op te Jehová. ¿Yu'un bal jochol taquin q'uinalon ta stojol Israel, o q'uinalon te ay ta yihc'al q'uinal? ¿Bin yu'un hich ya yal te pueblo cu'un: Ayotcotic ta libre; ma ba ya xtalotcotiquix ta atojol, te xchihe?

Jeremías 3:13

Na'a me hiche te achopolil, como acontrahinej te Jehová, te Dios awu'un, soc la awac' aba ta antsinel ta stojol yantic diosetic ta ye'tal spisil pimil ya'binal te'etic, ma ba la awa'iybon te jc'ope, xchi te Jehová.

Jeremías 30:8

Ta hich ora, xchi te Jehová te scuentahinej spisil, ya jwac'be te yugo ay ta snuc' soc ya jtuch'be schucojbil, ma ba ya xmosohinotiquix yu'un jyanlumetic.

Jeremías 5:5

Ya xbaht jc'opon te mach'atic muc' sc'oblalic, como ya sna'ic te be yu'un Jehová, te bin ya sc'an te Dios yu'unique, xchihon. ¡Pero ha'ic nix la swuyic te yugo, la stuch'ticlanic te schucojbilique!

Ezequiel 16:28

Soc la awac' aba ta antsinel ta stojol te asiriahetic como ma xc'ax awo'tan yu'une; la awac' aba ta antsinel ta stojolic, pero ha nix hich ma ba c'ax awo'tan yu'un.

Ezequiel 16:31

la apasticlan toyol awilaletic ta jujun xuhc callehetic soc scajtajib ta chiq'uel mahtaniletic ta spisil te plazahetique. Pero ma hichuc ayat te bin ut'il j'antsinel-ants, como ma ba la ac'ambe stojol.

Ezequiel 16:41

Ya me schic'bat te nahetic awu'un soc ya me yaq'uic castigo ta atojol ta scomon sitic bayel antsetic. Hich ya cac' te ma ba yac awaq'uix aba ta antsinel soc ma ba yac atojix te mach'atic ya smulanate.

Ezequiel 20:28

Como te c'alal la jcac' te ya x'ochic ta q'uinal te la jcal ta jamal te ya ca'beyic, la yilic toyol tsehletic o te'etic te ay bayel ya'binal, tey la yaq'uic a te milbil mahtaniletic yu'unic, tey la yaq'uic a mahtaniletic te la shahchbon quilimba; tey la yaq'uic a bintic sumet yic' soc tey la smalic a te malbil mahtaniletic yu'unique.

Ezequiel 23:5

Te Ahola la yac' sba ta antsinel c'alal ay to ta jcuenta. Baht yo'tan ta stojol te mach'atic mulanot yu'un, ha te asiriahetic, te spat-xuhc,

Oseas 1:2

Ha te shahchibal te sc'op Jehová te la yal ta scuenta Oseas. Hich la yalbe te Oseas: Bahan, ic'a jtuhl j'antsinel ants soc ac'a awal-anich'nab soc te ayic ta scuenta mulil, como yac ta antsinel te pueblo te la yihquitay hilel te Jehová, xchi.

Oseas 2:5

Como la yac' sba ta antsinel te snanic, q'uexlaltic sba te mach'a la yalatay. Como hich la yal: ya jt'un bahel te mach'atic ya smulanon, te ya ya'bonic jwe'el soc ha', stsotsel tuminchij soc lino, aceite soc te bin ya cuch', xchi.

Oseas 3:3

Hich la jcalbe: Cu'un ya xc'ohat bayel c'ahc'al; ma me xawac' aba ta antsinel, ma me xawac' aba ta stojol yan winic, ha nix hich ya jpas ta atojol, xchihon.

Oseas 4:13

Ta sba witsiltic la yaq'uic chic'bil mahtaniletic, soc la schiq'uic pom ta sba tsehletic, ta ye'tal jihte'etic, álamohetic soc olmohetic, yu'un ay lequil axinal yu'unic. Ha yu'un la yac' sbahic ta antsinel te awantsil-nich'anic, soc te awalibic wayic soc yan winiquetic.

Oseas 9:1

Ma me tse'eluc awo'tan, Israel, ma me xwihlat yu'un stse'elil awo'tan hich te bin ut'il yantic nacionetic; awa'iyej antsiwej te bin ut'il la awihquitay hilel te Dios awu'une. La amulan te stojol j'antsinel ants ta spisil yawil smajojibal trigo.

Levítico 26:13

Ho'on Jehovahon, te Dioson awu'unic, te la jloq'uesex tal ta sq'uinal Egipto scuenta yu'un ma ba ya smosohinex; la jtuch'be schuhquil te yugo awu'unic soc la jcac' te atoyoj ajolic a ya xbehenex.

Nahúm 1:13

Ya jwuybat te yugo acuchoj soc ya jtuch'bat achucojibal, xchi.

Deuteronomio 12:2

Te nacionetic te ya xc'oht awu'untaybeyic te sq'uinalic, jc'axel me xalajimbeyic spisil te lugartic banti la sch'uhuntayic te diosetic yu'unic, ta toyol witsiltic, ta tsehltsehltic soc ta ye'tal spisil te'etic te bayel ya'binal.

Deuteronomio 15:15

Ya me ana' te ayat ta mosohinel ta sq'uinal Egipto soc te la scoltayat loq'uel tal te Jehová te Dios awu'un; ha scuentahil te hich ya jpasat ta mandar ta ora ini.

Deuteronomio 26:17

Yo'tic la awalix ta jamal te ha Dios awu'un te Jehová, te ya xbehenat ta behetic yu'un, te yac ach'uhun te mandariletic soc spisil te bin halbil ta mandar, soc te yac awa'iybe te sc'ope.

Deuteronomio 4:20

Pero te ha'exe la yiq'uex te Jehová, la sloq'uesex tal ta Egipto, ta horno yu'un taq'uin c'ohem, scuenta yu'un ha pueblo ya c'ohex yu'un, hich te bin ut'il ayex ta ora ini.

Deuteronomio 4:34

¿O ay bal yan dios te tal yu'untay jun nación ta yohlil yan nación ta scuenta pruebahetic, señahiletic, jchahp a'teliletic, guerra, ta scuenta yu'el soc sc'ab shachoj, soc te mero xiweltic sba te bin la spas, hich te bin ut'il la spasbeyex ta Egipto te Jehová te Dios awu'unique?

Deuteronomio 5:27

Nohpojan bahel ha'at, a'iya awa'iy bin ya yal te Jehová te Dios cu'untic. Ha'at yac awalbotic ca'iycotic spisil te bintic ya yalbat te Jehová te Dios cu'untic, te ho'otcotic ya ca'iycotic soc ya jpascotic, xchihex.

Josué 1:16

La sjac'beyic sc'op te Josué, hich la yalic: Ya jpascotic spisil bintic la apasotcotiquix ta mandar soc ya xbohotcotic ta bayuc yac aticonotcotic bahel.

Josué 24:24

Te pueblo la sjac'beyic sc'op te Josué: Te Jehová te Dios cu'untic ya me cac' jbahcotic ta a'batinel yu'un soc ya me jpascotic te bin ya yalbotcotic, xchihic.

Josué 24:26

Te Josué la sts'ihbay te c'opetic ini ta hun yu'un te ley yu'un Dios, soc la stsac muc'ul ton, la stehc'an ta ye'tal te jihte' te ay ta sts'ehl te ch'ul awilal yu'un Jehová.

Apocalipsis 17:1

Tal jtuhl te huqueb ch'ul a'batetic te yich'ojic te huqueb copahetic, hich la yalbon: La', ya ca'bat awil te castigo ya x'a'bot te j'antsinel-ants hucul ta sba ha'etic.

Jueces 10:6

Pero te snich'nab Israel la scha'pasic xan te bin chopol ta stojol Jehová, la yac' sbahic ta a'batinel yu'un te baaletic soc te Astarot, te diosetic yu'un Siria, Sidón, Moab, Amón soc yu'un te filisteohetic. La yihquitay ta yo'tanic te Jehová, ma ba la yac' sbahic ta a'batinel yu'un.

Jueces 2:11

Ta patil, te snich'nab Israel la spasic te bin chopol ta stojol Jehová, la yac' sbahic ta a'batinel yu'un te baaletic.

Jueces 2:13

La yihquitayic te Jehová, la sch'uhuntayic te Baal soc te Astarot.

1 Samuel 12:10

Pero awonic ta stojol Jehová, hich la yalic: La jta jmulcotic, yu'un la jquihquitaycotic hilel te Jehová, la jch'uhuntaycotic te baaletic soc te Astarot. Coltayawotcotic loq'uel ta sc'ab te jcontracotic, ya me jch'uhuntayatcotic, xchihic.