Jeremías 2:2 - Bible in Tzeltal Bachajón

² Bahan, halbeya te Jerusalén te hich ya yal te Jehová: Ya jna' te c'alal ach'ixat to a jun awo'tan ta jtojol, te c'uxon ta awo'tan te c'alal jmacojat a, te la at'unon bahel ta jochol taquin q'uinal, ta q'uinal te mayuc bin ts'umbil tey a.

Bible in Tzeltal de Oxchuc y Tenejapa

² —Baan, albeya te lum Jerusalén, awtaya, swenta yu'un ya me yaiyic stojol ta lec: “¡Jich ya yal sc'op te Cajwaltique! Ya jna' te c'alal ach'ixat to a, jun awo'tan ta jtojol, te c'alal la quic' quinaminate, c'ux la awaiyon ta awo'tan. La ats'aclinon ta jochol taquin q'uinal, ja' te lumq'uinal te mero ma'yuc bila ya xju' ta ts'unel tey a.

Jeremías 2:2 ပူးပေါင်းရင်းမြစ်များ

Salmos 129:1

Bayel la ya'bonic jwocol c'alal ta jqueremil to, hich ac'a yal te Israel,

Éxodo 14:31

C'alal la yil te Israel te bin muc' la spas te Jehová ta scontrahinel te egipciohetic, la xi'ic te Jehová, la sch'uhunic te Jehová soc te Moisés, te ya'bate.

Éxodo 16:8

La yal xan te Moisés: Te Jehová ya ya'beyex awe'ic ti'bal ta xtibiltay, soc ta sab ya ya'beyex pan te ya xnoj ach'uhtic yu'un; como te Jehová la ya'iybeyex atijawic ta c'op ta scontrahinel. Yan te ho'otcotic ¿Mach'a yac acuyotcotic a? Ma ba ho'otcotic te yac atijotcotic ta c'op, ha yaquex ta stijel ta c'op te Jehová, xchi.

Proverbios 1:20

Te p'ijil-o'tanil ya x'awon ta callehetic, ya stoy sc'op ta plazahetic;

Cantares 3:11

¡Loc'anic talel, ach'ixetic yu'un Sión! ilawilic te ajwalil Salomón soc te corona ta sjol te a'bot yu'un te snan te c'alal nuhpun, te bin ora tse'el yo'tan a.

Cantares 3:6

¿Mach'a a te yac ta talel ta jochol taquin q'uinal hich te bin ut'il xtomet ch'ahil, te yich'oj mirra soc sch'ahilel pom, soc spisil ta chahp perfumehetique?

Isaías 58:1

¡Tulan x'awonat, ma xacom aba, toya ac'op hich te bin ut'il corneta! ¡Halbeya ya'iy te pueblo cu'un te stoybahil, soc te smulic te mach'atic yu'un Jacob!

Jeremías 11:6

Hich la yalbon te Jehová: Puca ta halel spisil te c'opetic ini ta pueblohetic yu'un Judá soc ta callehetic yu'un Jerusalén, hich me xawal: A'iybeya awa'iyic sc'oblal bin ya yal te chapbil-c'op ini soc ch'uhunahic spasel.

Jeremías 19:2

bahan ta sjuclej yu'un Ben-hinom te ay ta Yochibal Xeht'elul Q'uibetic; tey yac awal a te c'op ya calbate.

Jeremías 2:1

Tal te sc'op Jehová ta jtojol, hich la yal:

Jeremías 2:6

Ma ba la yalic: ¿Banti ay te Jehová te la sloq'uesotic tal ta Egipto, te la yic'otic bahel ta jochol taquin q'uinal, ta taquin q'uinal soc hemeltic, ta taquin lum soc yaxinal lajel, ta lumq'uinal te mayuc mach'a c'axem tey a soc mayuc mach'a ya xnahinic tey a? ma xchihuquic.

Jeremías 3:4

¿Ma bal yach'iluc to hich la awalbon: Jtat, ha'at joquinwanejat cu'un c'alal to ta jqueremil,

Jeremías 7:2

Tehc'ana aba ta yochibal te sna Jehová, tey me yac awal a te c'op ini: A'iya awa'iyic te sc'op Jehová, spisil Judá te ya x'ochex tal ta ochibaletic ini yu'un yac ach'uhuntayic te Jehová.

Ezequiel 16:22

Ta spisil bintic ilobtic sba awu'un soc te la awac' aba ta antsinel, ma ba la ana'ix te c'alal alalat, te c'alal watalat soc te awa'tinej ach'ich'el a.

Ezequiel 16:60

Pero ya me jna' te chapbil-c'op te la jpas ta atojol te c'alal alalat to a, soc ya jpas chapbil-c'op soc ha'at te sbahtel q'uinal ay.

Ezequiel 16:8

Cha'c'axon xan ta banti ayat, la jquilat, yorahilix te ya xc'anotat. La jlim bahel ta atojol te sti'il te jmuc'ul-c'u', la jmucbat aq'uexlal. La jcal jba ta jamal ta atojol soc la jchap jc'op soc ha'at, hich la jcu'untayat, xchi te Jehová, te Ajwalil.

Ezequiel 23:19

Pero p'ohl te antsinel yu'une c'alal la sna' te bin ora ach'ix to a, te c'alal la yac' sba ta antsinel ta sq'uinal Egipto.

Ezequiel 23:3

la yac' sbahic ta antsinel ta Egipto; c'alal ach'ix to a la yac' sbahic ta antsinel. Tey la yich' tsacbeyel schu'ic a, tey la yich' jaxulambeyel ta mulambeyel schu'ic yach'ixlel.

Ezequiel 23:8

Ma ba la yihquitay hilel te antsinel yu'un ta Egipto, ta yach'ixlel to tsobol mach'atic wayic soc; la sjaxulambeyic ta mulambeyel schu' ta yach'ixlel soc bayel u'untaybot yo'tanic ta spasel mulil soc.

Oseas 11:1

C'alal querem to a te Israel, c'ux la jca'iy ta co'tan, soc ta Egipto la jquic' loq'uel tal te jnich'ane.

Oseas 2:15

Tey ya jsutbe a te ts'usubiletic yu'un, soc ya cac' te ha yochibal smuc'ul-o'tanil ya xc'oht te spamlej Acor. Tey ya xc'ayojin a hich te bin ut'il c'alal ach'ix to a, hich te bin ut'il te bin c'ahc'alil loc' tal ta Egipto.

Oseas 2:17

Como ya jloq'uesbe ta ye te sbihilic te baaletic, mayuquix bin ora ya yalbe te sbihilique.

Oseas 2:7

Ya st'un te mach'atic ya xmulanot yu'un, pero ma ba ya sta; ya sle, pero ma ba ya sta ta lehel. Hich me ya yal: Ya suhton bahel ta stojol te jmamalal ta nahilal, como ha lec xan ayon a te bin ut'il ta ora ini, xchi.

Oseas 8:1

Ac'a ta awe te corneta, ya xtal jxic ta stojol te sna Jehová, como la sc'axuntaybonic te chapbil-c'op cu'un soc la stoy sbahic ta stojol te Ley cu'une.

Oseas 9:10

Hich la jta Israel te bin ut'il mach'a ya sta ts'usub ta jochol taq'uin q'uinal. C'alal la jquil te ame'atatic hich c'ohemic te bin ut'il sahbal sit higuera te nahil sitin. Pero c'alal c'ohtic ta Baal-Peor la sch'ultes sbahic ta stojol te bin q'uexlaltic sba, hich ihlaybil c'ohtic te bin ut'il te diosetic te c'ux ta yo'tanique.

Jonás 1:2

Hahchan, bahan ta muc'ul pueblo Nínive, c'opojan ta scontrahinel, como mohix tal ta jtojol te schopolile, xchi.

San Mateo 11:15

Te mach'a ay schiquin, ac'a ya'iy.

San Lucas 12:13

Te Jesús hich halbot yu'un jtuhl te mach'atic stsoboj sbahic: Maestro, halbeya te quermano te ac'a ya'bon j'ohliluc te bintic a'bibil hilel yu'un te jtate, xchi.

Deuteronomio 2:7

Como te Jehová te Dios awu'unic ya'beyejex bendición a ta spisil bintic apasojic; sna'oj te yaquex ta behel ta muc'ul jochol taquin q'uinal ini. Te cha'winic (40) ha'bil ini sjoquinejex te Jehová te Dios awu'unic, mayuc bin la spasex falta.

Deuteronomio 33:3

C'ux ta yo'tan te pueblo yu'un; ay ta sc'ab spisil te mach'atic yac'oj sbahic ta stojol; la spahcan sbahic ta atojol, la yich'ic p'ijubtesel awu'un,

Deuteronomio 8:2

Ya me ana' spisil te be banti la yic'at tal te Jehová te Dios awu'un te cha'winic (40) ha'bil ta jochol taquin q'uinal yu'un la ya'bat apehc'an aba, la yilbat awo'tan, yu'un hich ya sna' a te bin ay ta awo'tan, teme yac apas o ma ba yac apas te mandariletic yu'une.

Santiago 4:4

¡J'antsinelex soc j'antsiwejex! ¿Ma bal ana'ojic te ha scontrahinel Dios teme jun awo'tan abahic soc te bahlumilale? Te mach'a ya sc'an te jun yo'tan sba soc te bahlumilal, ha scontrahinej te Diose.

Apocalipsis 2:4

Pero ay bin ma ba lec co'tan awu'un: ha te hilix awu'un te sc'uxul awo'tan te ay ta nahil to.