Jeremías 2:16 - Bible in Tzeltal Bachajón

¹⁶ Te winiquetic yu'un Menfis soc Tafnes la swuybat ajol.

Bible in Tzeltal de Oxchuc y Tenejapa

¹⁶ Te yajwal Menfis soc Tafnes la swuybat ajol.

Jeremías 2:16 ပူးပေါင်းရင်းမြစ်များ

2 Reyes 18:21

Ya quil te ha smuc'ulinej awo'tan te Egipto, te nahbate'el waq'uem jalal, teme ay mach'a ya yich' yip a, ya x'och ta sc'ab, tamp'as ya sohl a. Hich c'ohem te faraón ajwalil yu'un Egipto ta stojol spisil mach'atic ha smuc'ulinej yo'tanic.

2 Reyes 23:33

Te faraón Necao la yotses ta cárcel te Joacaz ta Ribla ta sq'uinal Hamat scuenta yu'un hich ma x'a'tej ta ajwalil ta Jerusalén a. Soc te Necao la ya'be stoj Judá ho'winic (100) talento plata soc jun talento oro.

Isaías 19:13

Sonsohetic te príncipaletic yu'un Zoán, te príncipaletic yu'un Menfis la yich'ic lo'loyel; te mach'atic te ha ton yu'un xuhc na c'ohem yu'un te pueblo yu'unic, la slo'loyic te Egipto.

Isaías 59:13

ha te toybahil soc te la jmuc ta co'tantic te Jehová, la jsut jpatic ta stojol te Dios cu'untic; ha te yalel uts'inel soc toybahil, soc yalel lot te chicnaj ta co'tantic.

Isaías 8:8

ya xc'ax bahel ta stojol Judá, ya xmulot yu'un, ya xnoj c'alal ta snuc'. Ya slich' bahel xic', ya snojesbat sjamalil aq'uinal, ha'at Emanuel, xchi.

Jeremías 44:1

Ha sc'op Jehová te tal ta stojol Jeremías te la yalbe sc'oblal spisil te judiohetic te nahinemic ta sq'uinal Egipto, ta Migdol, ta Tafnes soc Menfis, soc ta sq'uinal Patros, hich la yal:

Jeremías 46:14

¡Pucahic ta halel ta Egipto, a'beya sna'ic ta Migdol! ¡Ha nix hich a'beya sna'ic ta Menfis soc ta Tafnes! Hich xawalbe: ¡Tehc'ana abahic, chahpana abahic, como ya xlajinwan te espada ta ajoyobal! xchihanic me.

Jeremías 46:19

Chahpana abiluc yu'un iq'uel bahel ta chuquel, ha'ex te nahinemex ta Egipto, como te Menfis ya xc'atp'uj ta jochol q'uinal, jimbil ya xhil, mayuc mach'a ya xnahinix tey a.

Jeremías 48:45

Ta axinal yu'un Hesbón mayuquix yipic a ya stehc'an sbahic te mach'atic loq'uic ta ahnel; como loc' c'ahc' ta Hesbón, soc yat c'ahc' ta yohlil Sehón; la schic'be yohlil sjol te Moab, soc te sbaquel sjol te mach'atic la shachic te c'opetique.

Ezequiel 30:13

Hich yaloj te Jehová, te Ajwalil: Ha nix hich ya jinticlan te loc'ombahetic, soc ya jinticlan te loc'ombahetic yu'un Menfis; mayuquix bin ora te ay jcuentahinwanej ta sq'uinal Egipto, soc ya cac' xiwel tey a.

Ezequiel 30:16

Ya ca'be sc'ahc'al te Egipto, te Sin ya me ya'iy bayel sc'uxul, ya me yich' jinel te Tebas, soc te Menfis spisil ora ay me swocol.

Oseas 9:6

Bahtic ta scaj te jinele; ha ya x'ic'otic yu'un Egipto, ya xmucotic yu'un Menfis. Ya x'u'untayotic yu'un ch'ix te bintic pasbilic ta plata yu'unic, soc ya xcol ch'ixetic ta snahic.

Deuteronomio 33:20

Hich la yalbe sc'oblal Gad: ¡Bayel me yutsil te mach'a ya yac' muc'ubuc sq'uinal te Gad! Te Gad pacal hich te bin ut'il muc'ul choj, tulan ya stuch' c'abal soc jolal.