Jeremías 19:4 - Bible in Tzeltal Bachajón

⁴ como la yihquitayonic soc yan c'oht yu'unic a te lugar ini te bin ut'il la schic'beyic pom yan diosetic te ma ba sna'beyejic sba, ni ha'uc te sme'static o te ajwaliletic yu'un Judá; soc te lugar ini la snojesic ta sch'ich'el te mach'atic mayuc smulique.

Bible in Tzeltal de Oxchuc y Tenejapa

⁴ Melel te israeletic la yijq'uitayonic ta yo'tanic, soc yan ac'ot ta c'atp'unel yu'unic in lum to. La yac'beyic pom te lotil diosetique, te ma ba sna'ojbeyic sbae, ni te antiguo sme'-static ma la sna'beyic sba, ni te muc' ajwaliletic yu'un Judá ma la sna'beyic sba. Soc ja' in lum to la snojesbeyic ta xch'ich'el te ants-winiquetic te ma'yuc smule.

Jeremías 19:4 ပူးပေါင်းရင်းမြစ်များ

2 Reyes 21:16

Soc ha nix hich te Manasés bayel la smalbe sch'ich'el te mach'atic mayuc smulic, la yac' nojuc ta ch'ich' te Jerusalén ta jehch ta jehch; soc nix te muliletic te la ya'be sta te Judá, te hich la spasic bintic chopol ta stojol Jehová.

2 Reyes 23:10

Soc la sbohlobtesbe sc'oblal te Tofet te ay ta sjuclej yu'un Ben-hinom, scuenta yu'un mayuquix mach'a ya schic' te squerem o yantsil-nich'an ta stojol te Moloc.

2 Reyes 24:4

soc ta scaj te la smalbe sch'ich'el te mach'a mayuc smul, ha noj ta ch'ich' te Jerusalén. Ha yu'un te Jehová ma ba la sc'an la spasbe perdón.

Salmos 106:38

La smalbeyic sch'ich'el mach'a mayuc smul, ha te sch'ich'elic te querem soc ach'ixetic yu'unic, ha te la yaq'uic ta milbil mahtanil ta stojol te loc'ombahetic yu'un Canaán; bohlob te q'uinal yu'un te sch'ich'elique.

Isaías 59:7

Te yoquic ya x'ahnimajic ta stojol te bin chopol, ya suj sbahic ta smalbeyel sch'ich'el te mach'a mayuc smul. Te bin snopojic, ha te bin chopol, ay jinel soc lajinel ta behetic yu'unic.

Isaías 65:11

Yan te ha'ex te yac awihquitayic te Jehová soc te ya xch'ay ta awo'tanic te ch'ul wits cu'un, te yac awa'beyic we'elil te dios Fortuna soc te yac achahpambe capbil vino te dios Destino,

Jeremías 1:16

Ya cal te castigo ya xc'oht ta stojolic ta scaj spisil schopolilic yu'un te la yihquitayon ta yo'tanic, la schic'beyic pom yantic diosetic soc la sch'uhuntayic te bintic la spas ta sc'abic.

Jeremías 11:13

Ha'at, Judá, hich yipal diosetic awu'un te bin ut'il pueblohetic awu'un; soc ha'at, Jerusalén, te scajtajib ta chiq'uel mahtaniletic yu'un q'uexlal te la apasic scuenta schic'beyel pom te Baal, hich yipalic te bin ut'il te callehetic awu'une.

Jeremías 15:6

Ha'at la awihquitayon, xchi te Jehová, suhtat bahel ta apat; ha yu'un ya jach jc'ab ta atojol, ya jinat. ¡Luhbenonix yu'un jna'belat yo'bolil aba!

Jeremías 16:11

Hich me yac ajac'be: Como la yihquitayon te ame'atatic, xchi te Jehová, soc la st'unic bahel yantic diosetic soc la yac' sbahic ta a'batinel yu'unic soc la sch'uhuntayic. La yihquitayonic soc ma ba la sch'uhunic spasel te Ley cu'une.

Jeremías 17:13

Jehová, te smuc'ulat yo'tan Israel, spisil te mach'atic ya yihquitayat ya x'ac'otic ta q'uexlal. Te mach'atic ya spit sbahic ta atojol, ya yich'ic ts'ihbayel ta ts'ubil lum ta scaj te la yihquitayic hilel te Jehová, te cuxul sloq'uib-ha'e.

Jeremías 17:20

hich xawalbeyic: ¡A'iya awa'iyic te sc'op te Jehová, ajwaliletic yu'un Judá, spisil Judá soc spisil mach'atic nahinemic ta Jerusalén te ya x'ochex tal ta ochibaletic ini!

Jeremías 18:15

¡Pero te pueblo cu'un ch'ayon ta yo'tanic, ya schic'be pom te loc'ombahetic te ma xtuhunique! La sc'ohchin sbahic ta behetic yu'unic, ta namey behetic, st'unojic joybehetic, ma ha'uc chapal behetic.

Jeremías 2:13

Cha'chahp mulil la spas te pueblo cu'une: ha te la yihquitayon, ho'on te cuxul sloq'uib-ha'on, soc la shotic yawil ha' yu'unic, ha yawil ha'etic te lohmenic te ma xhil ha' tey a.

Jeremías 2:17

¿Ma bal ha'uc hich pasbotat yu'un te la awihquitay hilel te Jehová te Dios awu'un te c'alal la stojobtesat bahel ta be?

Jeremías 2:19

Ya ya'bat castigo te amule, ya yalbat amul te ma junuc awo'tan. Nopa awa'iy hiche soc na'a me te ha chopol soc ch'a te yac awihquitay hilel te Jehová te Dios awu'un, soc te ma ba ya xiw awo'tan ta jtojol, xchi te Jehová te scuentahinej spisil.

Jeremías 2:30

Tojol la jca'be castigo te anich'nabic, ma ba la yich'ic ta cuenta te tojobtesele. Te espada awu'unic la slajinlan te jalwanejetic hich te bin ut'il choj ya xbutsticlanwan.

Jeremías 2:34

Ta ac'u' apac' ya xchicnaj sch'ich'el te pobrehetic te mayuc smulic, aunque mayuc bin chopol la atahbe. Aunque hich ay, hich yac awal:

Jeremías 22:17

Pero te asit soc te awo'tan ha nax ay sc'oblalic yu'un yac ale te bin ya sc'an awo'tan, yu'un yac amalbe sch'ich'el te mach'a mayuc smul, soc yu'un yac awa'iy uts'inwanej soc yac awac' c'axuc wocol.

Jeremías 22:3

Hich yaloj te Jehová: Stojil me xawa'iy chahpanwanej soc pasa te bin stojil ta pasele. Ac'ahic ta libre ta sc'ab te j'uts'inwanej te mach'a tembil ta uts'inel yu'un soc ma me xawelc'ambe sbiluc te jyanlum, te me'ba' soc te me'ba' ants, soc ma me xamalbe sch'ich'el ta lugar ini te mach'a mayuc smule.

Jeremías 26:15

Pero na'ahic me teme yac amilonic, ya xc'oht ta atojolic te sch'ich'el mach'a mayuc smul soc ta stojol te pueblo ini soc te mach'atic nahinemic tey a, como melel sticonejon ta atojolic te Jehová yu'un ya calbeyex spisil te c'opetic ini te yac awa'iybelique, xchi.

Jeremías 26:23

La yiq'uic loq'uel tal ta Egipto te Urías, la yiq'uic ta stojol te ajwalil Joacim, te ha la smil ta espada soc la sch'ojbe bahel sbaq'uetal ta comon muquenal.

Jeremías 44:3

ta scaj te bintic chopol la spasic, te la yac' ilinucon yu'un, ha te la ya'beyic smahtanin pom soc la sch'uhuntayic yantic diosetic te ma ba sna'beyejic sba, ni ha'uquex ni ha'uc te ame'atatique.

Jeremías 5:6

Ha yu'un ya xmilotic yu'un choj ta montaña, ya xlajinotic yu'un ha'mal ts'i' ta jochol taquin q'uinal, ay c'an bo'olay choj te ya spahcan sba ta nopol te pueblohetic yu'unic. Mach'ayuc a te ya xloc' tal ya xbutsticlanot yu'un, como bayel te stoybahilic, bayel banti ch'ayemic.

Jeremías 7:6

teme ma ba yac awuts'inic te jyanlum, te me'ba' o te me'ba' ants, teme ma ba yac amalbe sch'ich'el ta lugar ini te mach'a mayuc smul, soc teme ma ba yac at'unic bahel jyanlum diosetic te yac ata awocolic yu'une,

Jeremías 7:9

Yac awa'iyic elec', milaw, antsiwej, yalel ta jamal lot, yac achic' pom ta stojol Baal soc yac at'unic bahel diosetic te ma ba ana'beyejic sba,

Lamentaciones 4:13

Ha ta scaj smulic te jalwanejetic soc te schopolil te sacerdotehetic yu'unic, te tey nix ta yohlil te Jerusalén la smalbeyic sch'ich'el te mach'atic toj yo'tanic.

Ezequiel 20:26

La jbohlobtesbe sc'oblalic ta scuenta te mahtaniletic yu'unic, ha te c'alal la sc'asesic ta c'ahc' te ba-alaletic yu'unic, scuenta yu'un ya jnojesbe yo'tanic ta xiwel soc ya ca'be sna'ic te ho'on Jehovahon.

Ezequiel 7:22

Ya jq'uej jsit quelaw ta stojolic, hich ya sbohlobtesic te lugar cu'un te bayel sc'oblal ta co'tan; ya x'ochic j'eleq'uetic tey a, ha ya sbohlobtesic.

Ezequiel 8:11

Tey ta stojolic ay lajuneb schanwinic (70) ta jtuhl mamaletic ta sna Israel, soc te Jaazanías snich'an Safán ay ta yohlilic. Jujutuhl stsacoj ta sc'abic schic'ojibal pom, yac ta hahchel mohel sch'ahilel pom.

Daniel 11:31

Te soldadohetic yu'un ya me sbohlobtesbeyic sc'oblal te ch'ul awilal soc te ahnibal ts'ahc, ya me scom ta aq'uel te chic'bil mahtanil scuenta jujun c'ahc'al soc ya yac' tey a te bin ilobtic sba te ya xjinawan.

San Lucas 11:50

Ha yu'un te jcaj ts'umbalil ini ya me x'a'bot scuch smalbeyel sch'ich'el spisil te jalwanejetic te lajic ta milel yalel c'alal shahchel to tal bahlumilal,

Deuteronomio 13:13

te ay chicnaj bohl winiquetic ta awohlilic te la ya'beyic howiyuc yo'tanic te mach'atic nahinemic ta pueblo, te hich ya yalic: Conic, ya jch'uhuntaytic yantic diosetic te ma xana'beyic sba, teme xchihique,

Deuteronomio 13:6

Teme abanquil o awihts'in, aquerem-nich'an, awantsil-nich'an, awihnam o awamigo te mero jun awo'tan aba soc, teme hich ya sjucat ta muquen: Conic, ya jch'uhuntic yantic diosetic te ma xana'be sba ni ha'uc te ame'atatic la sna'beyic sba,

Deuteronomio 28:20

Te Jehová ya me sticon tal te chopol c'oblalil ta atojol, ma xana' bin yac apas, soc ay awocol yu'un spisil bintic yac apas, ha to c'alal jc'axel yac awich' lajinel soc te ora nax ya xch'ayat bahel ta scaj te schopolil awa'tel te la awihquitayon yu'une.

Deuteronomio 28:36

Te Jehová ya me yic'at bahel soc te ajwalil awac'oj scuentahinat ta jun nación te ma xana'be sba, ni ha'uc la sna'be sba te ame'atat; tey yac awac' aba ta a'batinel yu'un yantic diosetic te pasticlambilic ta te' soc ta ton.

Deuteronomio 28:64

Te Jehová ya spucat bahel ta stojol spisil nacionetic, ta jun sti'il c'alal ta yan sti'il te q'uinale. Tey ya xc'oht awac' aba ta a'batinel a yu'un yantic diosetic te pasbilic ta te' soc ta ton, te ni ha'ucat soc ni ha'uc te ame'atat la sna'beyic sba.

Apocalipsis 16:6

como la smalbeyic sch'ich'el te mach'atic ch'uhltesbilic soc te jalwanejetic; ha nix hich ch'ich' la awa'be yuch'ic, como hich ya sc'an pasel ta stojolic, xchi.

Jueces 5:8

C'alal la stsahic yantic diosetic, hulix guerra a ta yochibal te pueblohetic; ma ba chicnaj mahquilal o lanza ta yohlil ho'pic (40,000) ta tuhl ta Israel.