Jeremías 18:8 - Bible in Tzeltal Bachajón

⁸ Pero teme ya suhtes yo'tan yu'un te schopolil, te la jcalbe sc'oblale, ya jsuht jc'op, ma ba ya jpasbe te bin chopol jnopoj te ya jpasbe.

Bible in Tzeltal de Oxchuc y Tenejapa

⁸ teme ya yijq'uitay te bila amene, jich ma ba ya jticunix tel ta stojol te castigo te chapalix cu'une.

Jeremías 18:8 ပူးပေါင်းရင်းမြစ်များ

Ezequiel 18:21

Teme ya yihquitay hilel spisil te mulil spasoj te mach'a chopol, teme ya sch'uhun spasel spisil te halbil mandariletic cu'un soc teme ya spas te bin yich'oj scuentahil soc te bin stojil ta pasele, ya me xcuxaj, ma ba ya xcham.

Jeremías 26:13

Lecubtesahic te behetic awu'unic soc te awa'telic, ch'uhumbeyahic te sc'op te Jehová, te Dios awu'unique; hich ya sut sc'op te Jehová ta spasel te bin chopol yaloj te ya spasbeyexe.

Oseas 11:8

¿Bin ut'il ya xhu' ya quihquitayat, Efraín? ¿Bin ut'il ya xhu' ya cac'at ta c'abal, Israel? ¿Bin ut'il ya xhu' te hich ya jpasbat te bin ut'il Adma, o te hich ya cac'at te bin ut'il Zeboim? Bayel ya xc'opoj co'tan, hahchemix spisil te c'uxultaywanej cu'une.

Jeremías 26:3

Ya wan ya'iyic, hich jujutuhl ya yihquitayic hilel te chopol be yu'unique; hich ya jsut jc'op yu'un te bin chopol jnopoj te ya jpasbe yu'un te schopol a'telique.

Jueces 2:18

Te c'alal ya yac' chicnajuc juecetic te Jehová, joquimbil yu'un Jehová te juez, soc ya scoltay loq'uel ta sc'ab scontrahic te jayeb c'ahc'al cuxul te juez; como te Jehová ya sna'be yo'bolil sbahic c'alal ya ya'iybe yacanic yu'un te mach'atic uts'inotic soc te a'botic swocolic yu'une.

Salmos 106:45

la sna' xan te chapbil-c'op yu'un ta stojolic, hich la sut sc'op ta scaj te bayel sc'uxul yo'tan.

Salmos 135:14

Te Jehová stojil me ya schahpan te pueblo yu'un, ya me sna'be yo'bolil sbahic te a'batetic yu'une.

Salmos 90:13

¡Suhtan tal, Cajwal! ¿Jayeb xan ora? ¡Na'beya yo'bolil sbahic te a'batetic awu'une!

2 Crónicas 12:6

Ha yu'un te príncipaletic yu'un Israel soc te ajwalil la spehc'an sbahic, hich la yalic: Toj yo'tan te Jehová, xchihic yu'un.

Deuteronomio 32:36

Te Jehová ya me schahpan te pueblo yu'un, soc ya me sna'be yo'bolil sbahic te a'batetic yu'un c'alal ya yil te lajix yipic, soc te mayuquix hilem a'bat o te mach'a libre aye.

Éxodo 32:12

¿Bin yu'un te hich ya yalic ta patil te egipciohetic: Yu'un ay bin chopol la snop ta yo'tan te la sloq'ueslan bahel, yu'un ya smilticlan ta witsiltic, yu'un ya slajinlan ta jc'axel ta q'uinal, xchihic? Ihquitaya te tulan awilimba, suhtesa awo'tan yu'un te bin chopol anopoj yac apasbe te pueblo awu'une.

Jonás 4:2

La sc'opon te Jehová, hich la yal: ¡Jehová! ¿ma bal hichuc nix la jcal te c'alal ayon to ta jlumal? Ha scuentahil te ahnon bahel ta Tarsis, como jna'oj te ha'at Diosat te ay yutsil awo'tan soc yac ana'be yo'bolil sbahic, te ma orahuc ya x'ilinat soc ay bayel sc'uxul awo'tan, soc te yac asuht ac'op ta spasel te bin chopole.

Ezequiel 33:13

Te c'alal ya calbe te mach'a toj yo'tan te ya me cuxaj, pero teme ha smuc'ulinej yo'tan te bin toj spasoj, teme ya spas te bin chopole, spisil te bintic toj spasticlanej ma ba ya xna'ot; ya xlaj yu'un ta scuenta te bin chopol la spase.

Ezequiel 33:11

Hich me xawalbe: Ho'on cuxulon, xchi te Jehová te Ajwalil, ma jc'an te ya xlaj te mach'a chopol, ha ya jc'an te ya yihquitay hilel te be yu'un soc te ya xcuxaj. ¡Ihquitayahic, ihquitayahic te chopol behetic awu'unic! ¿Bin yu'un te ya xlajex, snahex Israel? xchihat.

Jeremías 42:10

Teme ya xhilex ta q'uinal ini, ya ca'beyex awich' awipic, ma ba ya jinex; ya jts'unex, ma ba ya jbulex loq'uel, yu'un ya jsut jc'op yu'un te bin chopol la jpasbeyexe.

Jeremías 36:3

Te sna Judá, c'alal ya ya'iy spisil te bintic chopol jnopoj te ya jpasbe, ya wan suhtes yo'tanic jujutuhl yu'un te chopol be yu'unique, hich ya jpasbe perdón yu'un schopolil soc smul, xchi.

Jeremías 26:19

Te Ezequías ajwalil yu'un Judá, soc spisil Judá, ¿la bal smilic te Miqueas? ¿Ma bal ha'uc la yich' ta muc' te Jehová soc la sc'ambe te lecuc yo'tan ta stojol? ¿Ma bal lajuc sut sc'op te Jehová yu'un te bin chopol yaloj te ya spasbe? ¿Ya bal cac' taluc ta jtojoltic te bin c'ax chopole? xchihic.

Jeremías 15:6

Ha'at la awihquitayon, xchi te Jehová, suhtat bahel ta apat; ha yu'un ya jach jc'ab ta atojol, ya jinat. ¡Luhbenonix yu'un jna'belat yo'bolil aba!

Jeremías 12:16

Teme smelelil ya snopbeyic sbe te pueblo cu'un, soc teme ya yalic ta jamal ta scuenta jbihil: Cuxul Jehová, te xchihique, hich te bin ut'il a'bot snopic te pueblo cu'un te ya yalic ta jamal ta scuenta Baal, ya me yich' yipic ta yohlil te pueblo cu'une.

Ezequiel 33:14

Te c'alal ya calbe te mach'a chopol yo'tan te ya me xlaj, pero teme ya suhtes yo'tan yu'un te smul soc ya spas te bin lec soc te bin stojil ta pasele,

Éxodo 32:14

Ha yu'un te Jehová la suhtes yo'tan yu'un te bin chopol yaloj te ya spasbe te pueblo yu'une.

Ezequiel 33:12

Soc ha'at, snich'anat winic, halbeya te alumal: Te bin toj ya spas te mach'a toj yo'tan, ma ba ya x'ac'ot ta libre yu'un te bin ora ya sc'axuntay mandar; soc te schopolil te mach'a chopol yo'tan ma ba ya xmacot yu'un te bin ora ya suhtes yo'tan. Te mach'a toj yo'tan ma ba ya xcuxaj yu'un te bin toj spasoj te bin ora ya sta smul.

Amós 5:15

Ihlayahic te bin chopol, c'ux me xawa'iy ta awo'tanic te bin lec, soc a'beya yich' yip te stojil chahpanel ta chapojibal; te Jehová te Dios te scuentahinej spisil ya wan sc'uxultay te jayeb ya xhilic yu'un José.