Jeremías 17:9 - Bible in Tzeltal Bachajón

⁹ Mero jlo'loywanej te o'tanile, c'ax hich a te bin ut'il spisil bintic ay. C'ax chopol, ¿mach'a ya xhu' ya sna'be sba?

Bible in Tzeltal de Oxchuc y Tenejapa

⁹ “Bayal ya xlo'laywan te o'tanile. Nojel ta mulil ta jyalel, ma'yuc yan bila pajal soc. Ma'yuc mach'a ay sp'ijil yu'un sna'el.

Jeremías 17:9 ပူးပေါင်းရင်းမြစ်များ

Génesis 6:5

La yil te Jehová te bayel bintic chopol yac spasbelic te mach'atic ayic ta bahlumilal, soc te spisil ora ma lecuc te bintic ya snopticlan ta yo'tanic.

Génesis 8:21

Te Jehová c'alal la ya'iy te sumet yic', la yal ta yo'tan: Ma xcaq'uix xan bohlobuc sc'oblal te lumq'uinal ta scaj te ants-winiquetic, como ta scolel sch'ihyelic to ya snopticlan ta yo'tanic te bintic chopol. Ma ba ya jlajinix spisil bintic cuxajtic hich te bin ut'il la jpasixe.

2 Samuel 11:15

Hich la sts'ihbabe bahel ta hun: Ha me nahil xawac' te Urías te banti mero tulan te guerra. Pihtesahic hilel ta stuquel scuenta yu'un ya x'ehchentesot, hich ya xlaj tey a, xchi.

Salmos 51:5

Chopolonix a c'alal ayinon, jmulawilon a c'alal hahchon ta sch'uht jnan.

Salmos 64:7

Pero Dios me ya yehchenteslan ta ya'tejibalul st'ihmalte'; ch'ayal me yo'tanic a ya x'ehchentesotic.

Proverbios 28:26

Ha sonso te mach'a ya smuc'ulin sba yo'tan, yan te mach'a ya xbehen ta sbehlal p'ijil-o'tanil libre ya xc'oht yu'un.

Eclesiastés 9:3

Ta spisil te bin ay ta pasel ta ye'tal ch'ulchan, ha te bin chopol ini: ha te pajal quechel ya xc'oht ta stojol spisilic; soc te yo'tan te ants-winic nojel ta bin chopol soc sonsohil ta spisil scuxlejal, patil ya xbahtic ta banti ay te mach'atic chamenique.

Isaías 1:5

¿Bin yu'un te yac ac'an yac awich'ic xan castigo? ¿Ya to bal atoy abahic? Ay ta chamel swohlol ajol, ay ta wocol spisil awo'tan.

Isaías 1:6

C'alal ta stahn awoc c'alal ta yohlil ajol mayuc banti lec ay, ha ehchen, siht'em, c'a'em; ma ba poxtaybil, ma ba potsbil soc ma ba c'unubtesbil ta aceite.

Isaías 6:10

Tulantesbeya yo'tan te pueblo ini; macbeya schiquinic soc macbeya sitic, scuenta yu'un ma ba ya yil ta sitic, ma ba ya ya'iy ta schiquinic, ma ba ya xc'oht ta yo'tanic, ni ha'uc hich ya suhtes yo'tanic soc ya xlecubic yu'un, xchi.

Jeremías 16:12

Pero te ha'exe c'ax hich chopol apasojic a te bin ut'il ame'atatique. Como ilawil, tuhlultuhlex la at'unic bahel te bin snopoj te achopol-o'tanic, ma ba la awa'iybonic te jc'ope.

Jeremías 7:24

Pero ma ba la sch'uhunic, ma ba la yich'ic ta cuenta; ha la st'unic bahel te bintic snopojic ta scuenta tulan schopolil yo'tanic. Suht ta spatic, ma ba behenic xan bahel,

San Mateo 13:15

como tonoben yo'tanic ha'i pueblo ini, wocol ya x'och c'op ta schiquinic, soc smuts'oj sitic; scuenta yu'un ma ba ya yilic ta sitic, ma ba ya ya'iyic ta schiquinic, ma ba ya xc'oht ta yo'tanic, soc ma ba ya suhtes yo'tanic, te ya jlecubtes te hichuque, te xchihe.

San Mateo 15:19

Como ta o'tanil ya xloc' talel te bin chopol ta nopel, te milaw, antsiwej, chijil-o'tanil, elec', lehaw ta c'op soc te sbohlc'optayel Dios.

San Marcos 2:17

C'alal hich la ya'iy te Jesús, hich la yalbe: Te mach'atic lec ayic ma xtuhun yu'unic jpoxtaywanej, ha nax te mach'atic ayic ta chamel. Ma ha'uc tal quic' te mach'atic toj yo'tanic, ha tal quic' te mach'atic jmulawiletique, xchi.

Romanos 1:21

Aunque la sna'beyic sba te Diose, ma ba la yich'ic ta muc' te bin ut'il ha Dios soc ma ba la yalbeyic wocol, pero bohlob spensaric soc ihc'ub te sonso yo'tanique.

Romanos 7:11

como te mulil, te bin ut'il la stuhun te mandaril, la slo'loyon soc la yac'on ta lajel ta scuenta.

Efesios 4:22

Cholahic loq'uel te apoco'-talelic te bin ut'il ayex ta nahil to, te yac ta bohlobel ta scaj lo'loyel ta mulil;

Hebreos 3:12

Ha yu'un tsahtaya me abahic, quermanotac, te ma me ayuc mach'a ay chopol yo'tan te ma sch'uhun, te ya spit sba ta stojol te cuxul Dios.