Jeremías 17:7 - Bible in Tzeltal Bachajón

⁷ ¡Bayel me yutsil te mach'a ha smuc'ulinej yo'tan te Jehová, te yac'oj yo'tan ta stojol te Jehová!

Bible in Tzeltal de Oxchuc y Tenejapa

⁷ “Ja'uc me to, ay me bendición ta stojol te ants-winiquetic teme jo'on smuc'ulon yo'tanique, teme ja' ay ta yo'tan te bila ya smaliybone.

Jeremías 17:7 ပူးပေါင်းရင်းမြစ်များ

Salmos 125:1

Te mach'atic smuc'ulinej yo'tanic te Jehová hich ayic te bin ut'il te wits Sión te ma ba ya syuc' sba, te stalel ay.

Salmos 146:5

Bayel me yutsil te mach'a ya xcoltayot yu'un te Dios yu'un Jacob, te ha smuc'ulinej yo'tan te Jehová te Dios yu'un,

Salmos 2:12

Ich'ahic ta muc' te Nich'anil scuenta yu'un ma ba ya x'ilin, te hich ya xlajex ta be yu'un; como ora nax ya xtihl yilimba. ¡Bayel me yutsil spisil te mach'atic ha smuc'ulinej yo'tanic te Diose!

Salmos 20:8

Ha'ic ya yich'ic tsalel soc ya xyahlic, yan te ho'otic ya xhahchotic soc tulan ya jtehc'an jbahtic.

Salmos 34:8

Pasahic prueba, ilawilic te ha lec yo'tan te Jehová. ¡Bayel yutsil te mach'a ya smuc'ulin yo'tan!

Salmos 40:4

Bayel me yutsil te mach'a ha smuc'ulinej yo'tan te Jehová, te ma ha'uc ya sle te mach'atic jtoybahetic soc te mach'atic ya xhowiyic bahel ta stojol te lotil diosetique.

Salmos 71:5

Como ha'at, Cajwal Jehová, smuc'ulat co'tan soc yipat co'tan c'alal ta jqueremil to.

Salmos 84:12

¡Jehová te scuentahinej spisil, bayel me yutsil te mach'a smuc'ulinejat yo'tane!

Proverbios 16:20

Te mach'a ya yich' ta cuenta te c'op ay bintic lec ya sta yu'un, soc bayel yutsil te mach'a smuc'ulinej yo'tan te Jehová.

Isaías 30:18

Pero te Jehová yac ta smahliyel te ya sc'uxultayex; tse'el yo'tan te ya ya'beyex awilic te sc'uxul yo'tan, como te Jehová ha Dios te toj ya xchahpanwan. ¡Bayel me yutsilic spisil mach'atic ha ya smahliyic!

Isaías 61:3

ta yalel mandar ta stojol mach'atic ay swocolic ta Sión, te ya x'a'botic t'ujbil corona scuenta sjelol stanul c'ahc', te ya x'a'botic aceite yu'un tse'el-o'tanil scuenta sjelol mel-o'tan, soc te ya x'a'botic nahtil-c'u'ul yu'un yutsil q'uinal ya ya'iyic scuenta sjelol pich'il-o'tanil. Hich ya x'a'bot sbihilinic: Jihte'etic yu'un bin stojil ta pasel, Te bin ts'umbil yu'un Jehová, xchi, scuenta yu'un ya yac' ta ilel yutsilal a.

Jeremías 39:18

Ya cac'at ta libre, ma ba ya xlajat ta espada, ha pojbil ta guerra ya xc'oht acuxlejal, como la smuc'ulinon awo'tan, xchi te Jehová.

Daniel 3:28

Hich la yal te Nabucodonosor: Bayel me yutsil te Dios yu'un Sadrac, Mesac soc Abed-nego, te la sticon tal ch'ul a'bat yu'un ta scoltayel te a'batetic yu'un te jun yo'tanic ta stojole. Ma ba la spasic bin la yal ta mandar te ajwalil, manchuc ya xlajic, ma ba ya yac' sbahic ta a'batinel ta stojol yan diosetic soc ma ba ya sch'uhuntayic, ha nax stuquel te Dios yu'unique.

Sofonías 3:12

Ya quihquitaybat hilel ta awohlil jun pueblo te peq'uel yo'tan soc pobre, te ya smuc'ulin yo'tan te sbihil Jehová.

Efesios 1:12

scuenta yu'un ya xhalbot yutsil sc'oblal ta jcuentacotic, ho'otcotic te nahil smuc'ulinej co'tancotic te Cristohe.