Jeremías 17:6 - Bible in Tzeltal Bachajón

⁶ Hich ya xc'oht te bin ut'il jpeht ch'ix ta jochol taquin q'uinal, ma ba ya yil te bin ora ya xtal te bin leque; ya x'ayin ta tontiquil ta jochol taquin q'uinal, ta chi'il lumq'uinal ta banti mayuc mach'a nahinem tey a.

Bible in Tzeltal de Oxchuc y Tenejapa

⁶ Jich me te bit'il ch'ix ta jochol taquin q'uinal, te ma'yuc bay staoj canantayel stuquele. Ya xch'i ta yolil tontiquil, ta bay ni ma'yuc bi ya xch'i tey a, te ma'yuc mach'a ya xcuxinic tey a.

Jeremías 17:6 ပူးပေါင်းရင်းမြစ်များ

2 Reyes 7:2

Te príncipal te banti ya yich' yip sc'ab te ajwalil hich la sjac'be sc'op te winic yu'un Dios: Aunque Jehová ya sjamticlambe te ventanahetic yu'un ch'ulchan, ¿hich bal ya xc'oht ta pasel? xchi. Ya me awil ta asit, pero ma ba yac awe', xchi te Eliseo.

Job 20:17

Ma ba ya yil xan te uc'umetic, te muc'ul-ha'etic te banti ya x'oquin leche soc chab.

Job 39:6

Ho'on la jca'be sna ta jochol q'uinal soc te chi'il lum banti ya xnahin.

Salmos 1:4

Ma hichuc te mach'atic chopol yo'tanic, hich c'ohemic te bin ut'il suhlil trigo te ya xlichotic bahel yu'un ic'.

Salmos 107:34

te lequil q'uinal ya sc'atp'un ta mayuc bin ya xcol a, ta scaj schopolilic te mach'atic nahinemic tey a.

Salmos 92:7

ha te c'alal ya xch'ihyic te mach'atic chopolic hich te bin ut'il ha'mal, soc te ya xnichinic spisil mach'atic ya spasic bin chopol, ya me xlajic sbahtel q'uinal.

Isaías 1:30

Hich ya xc'ohex te bin ut'il jihte' te taquijem ya'binal, hich te bin ut'il ts'umbil q'uinal te mayuc ya'lel.

Jeremías 29:32

ha yu'un hich yaloj te Jehová: Ya ca'be castigo te Semaías te talem ta Nehelam soc te sts'umbale. Mayuc mach'a ay yu'un te ya xnahin ta yohlil te pueblo ini, soc ma ba ya yil te bintic lec ya jpasbe te pueblo cu'un, xchi te Jehová, como la yal toyba-c'op ta scontrahinel te Jehová, xchi.

Jeremías 48:6

¡Ahnanic bahel, coltaya acuxlejalic, hichuquex te bin ut'il ch'ix ta jochol taquin q'uinal!

Ezequiel 47:11

Pero te nicnic ahch'al soc te pampam ha'etic yu'un ma ba ya xlecubic, ha sloq'uesojibal ats'am ya xhilic.

Sofonías 2:9

Ha yu'un, ya cal ta jamal te bin ut'il cuxulon, xchi te Jehová te scuentahinej spisil, te Dios yu'un Israel, te Moab hich ya xc'oht te bin ut'il Sodoma, soc te amonetic hich ya xc'ohtic te bin ut'il Gomorra; ha q'uinal yu'un ch'ixetic ya xc'oht soc yawil banti ya xloc' ats'am, jimbil ya xhil sbahtel q'uinal. Te mach'atic cuxulic hilel yu'un te pueblo cu'un ya me spojbeyic sbiluquic soc ya me yich'beyic te sq'uinalique.

Deuteronomio 29:23

Spisil te q'uinal ha azufre soc ats'am, c'ahq'uem spisil te lum, mayuc bin ya yich' ts'unel soc mayuc bin ya sitin, ni junuc ha'mal ya xch'ihy tey a, hich te bin ut'il c'oht ta pasel c'alal laj te Sodoma, Gomorra, Adma soc Zeboim, te la slajinlan te Jehová ta scuenta sc'ahc'al yo'tan soc yilimba.

Jueces 9:45

Te Abimelec sjunal c'ahc'al la ya'be guerra te pueblo, la stsal soc la smil te mach'atic tey ayic a; la sjin te pueblo, soc la sts'umbe hilel ats'am.