Jeremías 16:9 - Bible in Tzeltal Bachajón

⁹ Como hich yaloj te Jehová te scuentahinej spisil, te Dios yu'un Israel: Ya cac' te ya xquehchaj ta lugar ini, ta atojolic soc ta yorahil awu'unic, te sc'op tse'el-o'tanil soc yutsil q'uinal, soc te sc'op mach'atic slecolinej sbahique.

Bible in Tzeltal de Oxchuc y Tenejapa

⁹ Melel jo'on Ajwalilon te Spisil ya xju' cu'un, te Dioson yu'un Israel, jamal ya cal: Ya cac'bey xlaj yo'tanic ta c'ayoj in lum to, ta spasel q'uin te bin nax yo'tanic yu'une, soc te c'ayojetic yu'un q'uin, soc sbujts-o'tanil soc te c'ayojetic yu'un jnujbinel. Ja' me ya xc'ot ta pasel te ayex ta q'uinal, soc ya me awilic.

Jeremías 16:9 ပူးပေါင်းရင်းမြစ်များ

Salmos 78:63

Lajic ta c'ahc' te queremetic yu'unic, soc te ach'ixetic yu'unic ma ba c'ayojtaybotic c'ayojetic scuenta nuhpunel.

Jeremías 25:10

Ya cac' ch'ayuc bahel te sc'op tse'el-o'tanil soc yutsil-o'tanil, te sc'op mach'atic slecolinej sbahic, te sc'op molino soc te sc'ahc'al tsumbil c'ahc'.

Jeremías 7:34

Ya cac' te ya xquehchaj ta pueblohetic yu'un Judá soc ta callehetic yu'un Jerusalén te sc'op yutsil q'uinal soc tse'el-o'tanil, te sc'op te mamalalil soc sc'op ihnamil, como jochol ya xc'oht te q'uinale, xchi te Jehová.

Ezequiel 12:25

Como ho'on Jehovahon ya xc'opojon, soc ya me xc'oht ta pasel te bin ya cal, ma ba ya xhalajix; ta sc'ahc'alel awu'unic, toyba pueblohex, ya xc'opojon soc ya cac' te ya xc'oht ta pasel, xchi te Jehová, te Ajwalil, xchihat.

Ezequiel 26:13

Ya cac' ya xlaj te sc'op c'ayojetic awu'un, soc ma ba ya xchicnajix sc'op te arpahetic awu'une.

Oseas 2:11

Ya jch'aybe spisil te stse'elil yo'tan, te q'uinetic yu'un, te yach'il u, c'ahc'aletic yu'un cux-o'tanil, soc spisil te muc'ul q'uinetic ya spas.