Jeremías 16:4 - Bible in Tzeltal Bachajón

⁴ ya me xchamic yu'un tulan chameletic; mayuc mach'a ya x'oq'uetayotic yu'un soc mayuc mach'a ya xmucotic yu'un; hich ya xhilic te bin ut'il stsa' chambahlam ta sba te lumq'uinale. Ya xlajic ta espada soc ta wi'nal, soc te schamen baq'uetalic ya me xlajic ta ti'el ta mutetic te ya xwihlic ta toyol soc ti'awal chambahlametic ta q'uinal, xchi te Jehová.

Bible in Tzeltal de Oxchuc y Tenejapa

⁴ Ya me xlajic yu'un chamel te xiweltic sbae, soc ma'yuc mach'a ya x'oq'uetayotic yu'un, ni ma'yuc mach'a ya xmucotic yu'un; limilic me ta lum ya xjilic jich bit'il stsa' chambalam. Ta guerra soc ta wi'nal ya xlajic bael; te sbaq'uetalic ya me xlajic ta ti'el ta xulem soc jti'awal chambalametic —xi' te Cajwaltique.

Jeremías 16:4 ပူးပေါင်းရင်းမြစ်များ

2 Reyes 9:10

Te Jezabel ya me xti'ot ta ts'i' ta sq'uinal Jezreel, mayuc mach'a ya xmucot yu'un, xchi te Jehová, xchi. Ora la sjam te puerta, loc' ta ahnel.

Salmos 78:64

Te sacerdotehetic yu'unic lajic ta espada, te me'ba' antsetic yu'unic ma ba oq'uetayotic yu'unic.

Salmos 83:10

te lajic ta Endor, te c'atp'ujic ta c'a'em lum ta q'uinal.

Isaías 18:6

Spisil ya yich' ihquitayel hilel yu'un te mutetic yu'un witsiltic soc te ha'mal chambahlametic. Te mutetic tey ya xc'ax yu'unic a ta yorahil q'uixin q'uinal, soc te chambahlametic tey ya xc'ax yu'unic a ta yorahil sic, xchi te Jehová.

Isaías 5:25

Ha scuentahil te tihl yilimba Jehová ta stojol te pueblo yu'un, soc te la shach sc'ab ta scontrahinel soc te la yehchentes; nihc te witsiltic, te schamen-baq'uetalic ch'ojbilic hilel ta callehetic. Ta spisil ini, ma ba quehchaj te yilimba Jehová, shachoj to te sc'ab ta yaq'uel castigo.

Jeremías 19:7

Ta lugar ini ya jimbe te bin schapojic te Judá soc te Jerusalén. Ya cac' te ya xlajic ta espada ta stojol te scontratac, ta stojol te mach'atic ya slehbe scuxlejalic. Te schamen baq'uetalic ya cac' ta ti'beyel yu'un te mutetic ya xwihlic ta toyol soc te chambahlametic ta q'uinal.

Jeremías 21:6

Ya quehchentes te mach'atic nahinemic ta pueblo ini, ants-winiquetic soc chambahlametic; ya me xlajic yu'un jmilawal-chamel te xiweltic sba.

Jeremías 25:33

Te mach'atic ya x'ac'otic ta milel yu'un Jehová ta hich ora, limil ya xhilic ta jujujehch sti'il te bahlumilale. Ma ba ya yich'ic oq'uetayel, ma ba ya yich'ic tsobel o muquel, limil ya xhilic ta lum hich te bin ut'il stsa' chambahlam.

Jeremías 34:17

Ha yu'un hich yaloj te Jehová: Ma ba la ach'uhumbonic jc'op, ma ba la awaq'uic ta libre te alumalic, te amohloltaque. Ha yu'un ya cac'at ta libre, xchi te Jehová, ha te libre ya xlajat ta espada, ta jmilawal-chamel soc ta wi'nal. Ya cac' te xiweltic sba ya xc'ohex ta stojol spisil te nacionetic ta bahlumilal.

Jeremías 34:20

ya cac'ticlan ta sc'ab te scontratac soc ta sc'ab te mach'atic ya xlehbot scuxlejalic yu'un. Te schamen baq'uetalic ya xti'otic yu'un mutetic ya xwihlic ta toyol soc ha'mal chambahlametic.

Jeremías 36:30

Ha yu'un hich yaloj te Jehová sc'oblal Joacim ajwalil yu'un Judá: Ma me ayuc sts'umbal ya shuhcan sba ta shuctajib David, soc te sbaq'uetal ya x'ac'ot ta sc'uxul c'ahc'al soc ta sc'uxul sic ta ahc'abal.

Jeremías 44:12

Ya jtsac te mach'atic hilemic yu'un Judá te mero hich ya sc'an yo'tanic te ya xnahinic ta sq'uinal Egipto, ya me xlajic tey a. Ya me xlajic ta espada soc ta wi'nal. Muc' biq'uit ya xlajic ta espada soc ta wi'nal, soc ya xc'atp'ujic ta bin chopol sc'oblal, ta bin xiweltic sba, ta bin bohloben sc'oblal soc ta bin p'ajbil.

Jeremías 44:27

como yacon ta yilel ta stojolic te ya ca'be te bin chopol, ma ha'uc te bin leque. Spisil te winiquetic yu'un Judá te ayic ta sq'uinal Egipto ya me xlajic ta espada soc ta wi'nal, ha to c'alal ya xlaj spisilic.

Jeremías 7:33

Te chamen baq'uet yu'un te pueblo ini ya me xtuhun yu'un swe'el te mutetic te ya xwihlic ta toyol soc te chambahlametic ta lumq'uinal, soc mayuc mach'a ya xiwtesic bahel.

Jeremías 9:22

Hich me xawal: Hich ya yal te Jehová: Te schamen baq'uetalic te ants-winiquetic limilic ya xhil ta lum, hich te bin ut'il stsa' chambahlam ta sba aquiltic, hich te bin ut'il tohmoltohm ya xhil ta spat te jset'-trigo, te mayuc mach'a ya stsob, xchihat me.

Lamentaciones 4:9

Ha lec xan a te mach'atic lajic ta espada te bin ut'il te mach'atic ya xlajic ta wi'nal, como c'unc'un chamic ta scaj te mayuc sit awal-ts'unubil ta q'uinal.

Ezequiel 24:21

Halbeya te sna Israel te hich yaloj te Jehová: Ya jbohlobtesbe sc'oblal te ch'ul awilal cu'un, te yutsilal te bin awipinejic, te bin ya smulan asitic soc te bin c'ux ta awo'tanique. Te ach'ix-queremetic awu'unic te la awihquitayic hilel, ya me xlajic ta espada.

Ezequiel 5:12

Ya me xlaj jun ta yoxebal ta jmilawal-chamel soc ya me xchamic ta wi'nal ta awohlil; jun ta yoxebal ya xlaj ta espada ta ajoyobal; soc jun ta yoxebal ya jpuc bahel ta ic'; soc ya jloq'ues te espada ta sna, ya jnuts bahel a.

Sofonías 1:17

Ya ca'be swocol te ants-winiquetic, hich ya xbehenic te bin ut'il ts'o'sitetic, como la sta smulic ta stojol Jehová. Ya xmalbot sch'ich'elic hich te bin ut'il ts'u'lum, soc te sbaq'uetalic hich te bin ut'il tsa'.

Deuteronomio 28:22

Te Jehová ya me sticombat tal sac-obal, c'ahc', siht'el, sc'uxul c'ahc'al, taquin q'uinal, wocol te repente nax ya xtal, soc stotol ats'unub-awawal; ya me snutsat ha to c'alal ya xch'ayat bahel.

Deuteronomio 28:26

Te achamen baq'uetalic ya me xtuhun yu'un swe'elic spisil te mutetic ta ye'tal ch'ulchan soc te ti'awal chambahlametic ta q'uinal, mayuc mach'a ya stijticlan bahel.