Jeremías 15:7 - Bible in Tzeltal Bachajón

⁷ Aunque la jtsulq'uin ta tsulq'uinojibal ta ochibaletic yu'un te q'uinal; soc mayuc yal-snich'nabic hilic cu'un, la jlajin te pueblo cu'une, ma ba jelon te behetic yu'unique.

Bible in Tzeltal de Oxchuc y Tenejapa

⁷ La jpuc bael te ants-winiquetic jich bit'il taquin ac; la jloq'ues tel ta lumetic te ay ta slumalique. Ma'yuc snich'nab la quijq'uitaybey te lum cu'une, la jlajin ta spisilic. Melel ma la yijq'uitayic te bol cuxlejal yu'unique.

Jeremías 15:7 ပူးပေါင်းရင်းမြစ်များ

Salmos 1:4

Ma hichuc te mach'atic chopol yo'tanic, hich c'ohemic te bin ut'il suhlil trigo te ya xlichotic bahel yu'un ic'.

Isaías 41:16

Yac ach'ojticlan mohel, ya x'ich'otic bahel ta ic', te sutu-ic' ya spucticlan bahel. Pero te ha'ate tse'el awo'tan ta stojol te Jehová, lec q'uinal yac awa'iy yu'un te Ch'ul Dios yu'un Israel.

Isaías 9:12

ha te siriahetic ta banti ya xloc' tal c'ahc'al soc te filisteohetic ta smahlib c'ahc'al; jamal yehic ya me sbiq'uic cohel te Israel. Ta spisil ini, ma ba lahmaj yilimba te Jehová, shachoj to te sc'ab ta yaq'uel castigo.

Isaías 9:13

Pero te pueblo ma ba la suhtes yo'tanic ta stojol te mach'a a'bot castigo yu'une, ma ba la slehic te Jehová te scuentahinej spisil.

Jeremías 18:21

Ha yu'un ac'a ta wi'nal te yal-snich'nabic; ac'a hiluquic ta stojol te espada. Ac'a te mayuc yalatac te yihnamic soc te me'ba' ya xhilic, ac'a yich'ic milel te smamalalic, soc te queremetic yu'unic ac'a lajuquic ta espada ta guerra.

Jeremías 5:3

Jehová, ¿ma bal yacuc yil asit te bin melele? La amajticlan, pero ma ba c'ux la ya'iyic; la alajinlan, pero ma ba la sc'anic tojobtesel. La stulantes sit yelawic c'ax hich a te bin ut'il ton, ma ba la sc'an la suhtes yo'tanic.

Jeremías 51:2

Ya jticon bahel te mach'atic ya yic'ayic te Babilonia soc te ya sjochobtesbeyic te sq'uinale; como ta jujujehch ya xtal scontrahinic ta yorahil te jinel yu'une.

Jeremías 9:21

como te lajel mohemix tal ta ventanahetic cu'untic soc ochemix talel ta nahetic yu'un ajwalil cu'untic, yu'un ya slajinlan te alaletic ta callehetic soc te jcolel queremetic ta plazahetic.

Ezequiel 24:21

Halbeya te sna Israel te hich yaloj te Jehová: Ya jbohlobtesbe sc'oblal te ch'ul awilal cu'un, te yutsilal te bin awipinejic, te bin ya smulan asitic soc te bin c'ux ta awo'tanique. Te ach'ix-queremetic awu'unic te la awihquitayic hilel, ya me xlajic ta espada.

Ezequiel 24:25

Soc ha'at, snich'anat winic, te bin ora ya jloq'uesbe te tulan ahnibal yu'unic, ha te bin tse'el yo'tanic yu'un soc utsilal yu'unic, te bin ya smulanic te sitic soc te bayel sc'anojic, soc te ya jloq'uesbe te ach'ix-queremetic yu'unic,

Ezequiel 36:12

Ya cac' behenuc ants-winiquetic ta atojolic, ha te pueblo Israel cu'un. Ya me yu'untayat, yu'unic ya xc'ohat, soc mayuquix bin ora te yac alajimbeyic yal-snich'nabic.

Zacarías 1:4

Ma me hichuquex te bin ut'il ame'atatic te hich halbotic yu'un te nahil jalwanejetic: Hich yaloj te Jehová te scuentahinej spisil: Ihquitayahic hilel te chopol behetic awu'unic soc te chopol awa'telic, te xchihique, pero ma ba la ya'iyic soc ma ba la yich'onic ta cuenta, xchi te Jehová.

San Mateo 3:12

Stsacojix ta sc'ab te sweluyojibal, ya yic'ay a te bin busul ta amac' yu'une. Ya me yotses ta yawil te trigo yu'un, soc te sts'ubil ya me schic' ta c'ahc' te mayuc bin ora ya xtup', xchi sc'oblalic.

Deuteronomio 28:18

Chopol sc'oblal awal-anich'nab, te sit ats'unub-awawal, te yalatac wacaxetic, tuminchijetic soc tentsunetic awu'un.

Deuteronomio 28:32

Te aquerem-nich'nab soc te awantsil-nich'nab ya x'ac'otic ta sc'ab jyanlumetic, yac awil ta asit soc ya xlaj awip yu'un mel-o'tan ta stojolic ta spisil ora, pero mayuc bin ya xhu' awu'un spasel.

Deuteronomio 28:41

Aunque ay ach'ix-queremetic awu'un, ma awu'unuc ya xc'oht, como ya x'ic'ot bahel ta chuquel.