Jeremías 15:5 - Bible in Tzeltal Bachajón

⁵ ¿Mach'a ya sna'bat yo'bolil aba, Jerusalén? ¿Mach'a ya smel yo'tan awu'un? ¿Mach'a ya xtal sjoc'oy bin ut'il ayat?

Bible in Tzeltal de Oxchuc y Tenejapa

⁵ “¿Mach'a c'an sna'bat yo'bolil aba, Jerusalén? ¿Mach'a c'an sna'bat ac'uxul te ja'ate? ¿Mach'a c'an smel yo'tan yu'un te ayat ta chamele?

Jeremías 15:5 ပူးပေါင်းရင်းမြစ်များ

Job 19:21

¡Na'bonic yo'bolil jba, camigotac, na'bonic yo'bolil jba como te Dios la yac' tal sc'ab ta jtojol!

Salmos 69:20

La slajimbon co'tan te uts'inel, mayuquix bin ya scoltayon. La jmahliy mach'a ya sna'bon yo'bolil jba, pero mayuc; la jle mach'a ya yac' smuc'ul-o'tanil, mayuc jtuhluc la jta.

Éxodo 18:7

Te Moisés baht sta tal te snihal-mamal, la snijan sba ta stojol soc la yuhts'uy. La sjoc'obe sbahic bin yilelic, soc ochic bahel ta nahilpac'.

Isaías 51:19

Ay cheb te bin c'ohem ta stojol: jinel soc lajinel, wi'nal soc espada. ¿Mach'a a te ya sna'bat yo'bolil aba? ¿Mach'a a te ya smuc'ubtesbat q'uinal yac awa'iy?

Jeremías 13:14

Ya cac' te ya sbutsticlan sbahic ta tuhlultuhl, te tatiletic soc te al-nich'anetic, xchi te Jehová. Ma ba ya jna'be yo'bolil sbahic, ma ba ya jc'uxultay, ya me jlajinlan, xchi te Jehová.

Jeremías 16:5

Soc hich yaloj te Jehová: Ma me x'ochat ta na ta banti ayic ta mel-o'tan yu'un te mach'a chamene; ma me x'oc'at soc ma me xamuc'ubtesbe q'uinal ya'iyic, como jloq'uesej te lamal q'uinal, te sc'uxul co'tan soc sna'beyel yo'bolil sba te pueblo ini, xchi te Jehová.

Jeremías 21:7

Ta patil, xchi te Jehová, ya cac' ta c'abal te Sedequías ajwalil yu'un Judá, te a'batetic yu'un soc te mach'atic cuxul hilic yu'un te jmilawal-chamel, te espada soc wi'nal, ya cac' ta sc'ab te Nabucodonosor ajwalil yu'un Babilonia, ta sc'ab te scontratac te ya slehbe scuxlejalic. Ha ya smilticlan ta espada; ma ba ya spasbe perdón, ma ba ya sc'uxultay, ma ba ya sna'be yo'bolil sbahic.

Lamentaciones 1:17

Te Sión la shach sc'ab ta sc'anel coltayel, pero mayuc mach'a ya x'a'bot smuc'ul yo'tan yu'un. Te Jehová la yal mandar te ha scontratac ya xc'ohtic te spat-xuhc te Jacob; hich ihlaybil c'oht ta yohlilic te Jerusalén.

Nahúm 3:7

Spisil te mach'a ya yilat, ya me x'ahnic bahel ta atojol soc hich me ya yalic: ¡Jimbilix te Nínive! ¿Mach'a ya sna'be yo'bolil sba? ¿Banti ya jtahbat mach'atic ya smuc'ubtesbat q'uinal awa'iy?

Jueces 18:15

C'alal c'ohtic tey a, ochic bahel ta banti nahinem te levita-querem, ta sna Micaía, soc la sjoc'obeyic teme lec ay.

1 Samuel 10:4

Ya spatbat awo'tan soc ya ya'bat cheb pan, te yac atsacbeye.

1 Samuel 17:22

Ha yu'un te David la ya'be hilel yihcats ta scuenta te mach'a ya scanantay te biluquetic, ora baht ta ahnimal ta banti ay te soldadohetique. C'alal c'oht tey a la sjoc'oy teme lec ayic te sbanquiltaque.

1 Samuel 25:5

Ha yu'un te David la sticon bahel lajuntuhl jcolel winiquetic, hich la yalbe: Mohanic bahel ta Carmel ta banti ay te Nabal, patbeyahic yo'tan ta jcuenta.