Jeremías 15:4 - Bible in Tzeltal Bachajón

⁴ Ya cac' te xiweltic sba ya xc'ohtic ta stojol te nacionetic ta q'uinal ta scaj te bin la spasic ta Jerusalén te Manasés snich'an Ezequías, ajwalil yu'un Judá.

Bible in Tzeltal de Oxchuc y Tenejapa

⁴ Te nacionetic ya cac'bey xiwel ta yo'tanic yu'un te bila ya jpas ta stojolique, ta scaj yat'el te muc' ajwalil yu'un Judá, te Manasés te snich'an Ezequías, te bila spasoj ta Jerusalén.

Jeremías 15:4 ပူးပေါင်းရင်းမြစ်များ

2 Reyes 21:1

Te Manasés ay lahchayeb (12) ya'bilal a te c'alal och ta ajwalil; ho'lajuneb yoxwinic (55) ha'bil ay ta ajwalil ta Jerusalén. Hepsiba sbihil te snane.

2 Reyes 21:15

ta scaj te bin chopol spasojic ta jtojol soc te la shachesbon quilimba, c'alal loq'uic tal ta Egipto te sme'static ha to c'alal ora, xchi te Jehová.

2 Reyes 21:2

Chopol bintic la spas ta stojol Jehová, ha nix hich la spas te bintic ilobtic sba la spasic te nacionetic te ch'ojotic loq'uel yu'un Jehová ta stojol te snich'nab Israel.

2 Crónicas 33:1

Te Manasés ay lahchayeb (12) ya'bilal a te c'alal och ta ajwalil, ho'lajuneb yoxwinic (55) ha'bil ay ta ajwalil ta Jerusalén.

2 Crónicas 33:2

Pero chopol bin la spas ta stojol Jehová, hich te bin ut'il te bintic ilobtic sba la spasic te nacionetic loq'uesotic yu'un Jehová ta stojol te snich'nab Israel.

Jeremías 24:9

Ya cac' te ha xiweltic sba soc ha seña bin chopol ya xc'ohtic ta stojol spisil te nacionetic ta bahlumilal, soc tse'laybilic, p'ajbilic, labambilic soc ma lecuc sc'oblal ya xc'ohtic ta bayuc te ya jpucticlan bahele.

Jeremías 29:18

Ya jnutsticlan bahel ta espada, ta wi'nal soc ta jmilawal-chamel, soc ya cac' te xiweltic sba ya xc'ohtic ta stojol spisil te nacionetic ta bahlumilal, te ma lecuc sc'oblalic, te xiweltic sba, labambilic soc tse'laybilic ta stojol spisil te nacionetic ta banti la jpucticlan bahele.

Jeremías 34:17

Ha yu'un hich yaloj te Jehová: Ma ba la ach'uhumbonic jc'op, ma ba la awaq'uic ta libre te alumalic, te amohloltaque. Ha yu'un ya cac'at ta libre, xchi te Jehová, ha te libre ya xlajat ta espada, ta jmilawal-chamel soc ta wi'nal. Ya cac' te xiweltic sba ya xc'ohex ta stojol spisil te nacionetic ta bahlumilal.

Jeremías 9:16

Ya jpucticlan bahel ta yohlil nacionetic te ma ba sna'beyejic sba ni ha'uc te sme'statique; soc ya jticombe espada ta stojolic ha to c'alal ya xlajic, xchi te Jehová.

Lamentaciones 1:8

Jerusalén bayel stahoj smul, ha scuentahil te bohlob sc'oblal; spisil te mach'atic la yich'ic ta muc' ya sp'ajiquix, como watal la yilic; ya x'ahcanaj, ya sut bahel sit ta spat.

Ezequiel 18:19

Teme hich yac ajoc'oyic: ¿Bin yu'un te nich'anil ma ba ya smulimbe smul te stat? teme xchihexe. Melel te nich'anil la spas te bin yich'oj scuentahil soc te bin stojil, la sch'uhun spasel spisil te mandariletic cu'un, ha me ya xcuxaj.

Ezequiel 23:46

Ha yu'un hich yaloj te Jehová, te Ajwalil: Ya cac' taluc tsobolic te ya scontrahinic, ya cac' c'ohtuc ta stojol xiwel soc te ya xpojbotic sbiluquic.

Levítico 26:33

Ya jpuquex bahel ta yantic nacionetic, ya jloq'ues te espada cu'un, ya jnutsex bahel; jc'axel jimbil ya xhil te aq'uinalic soc jc'axel jochol ya xhil te pueblohetic awu'unique.

Deuteronomio 28:25

Te Jehová ya me yac' te ya stsalat te acontra; ta ch'ix nax be ya xloc'at bahel ta ya'beyel guerra, ta huc-ch'ix be ya me x'ahnat bahel ta stojolic; xiweltic aba ya xc'ohat ta stojol spisil te nacionetic ta bahlumilal.

Deuteronomio 28:64

Te Jehová ya spucat bahel ta stojol spisil nacionetic, ta jun sti'il c'alal ta yan sti'il te q'uinale. Tey ya xc'oht awac' aba ta a'batinel a yu'un yantic diosetic te pasbilic ta te' soc ta ton, te ni ha'ucat soc ni ha'uc te ame'atat la sna'beyic sba.