Jeremías 14:4 - Bible in Tzeltal Bachajón

⁴ Ya sjam sba te q'uinal ta scaj te ma ba la yac' ha'al; te j'a'teletic ma sna' bin ya spasic, ya smuc sjolic yu'un.

Bible in Tzeltal de Oxchuc y Tenejapa

⁴ Te mach'atic ya x'at'ejic ta c'altic ay swocol ya yaiy ta yo'tanic, soc ya smuc sjolic yu'un. Melel ma'yuc te ja'ale, te lumq'uinale jc'axel bacuben ta jyalel.

Jeremías 14:4 ပူးပေါင်းရင်းမြစ်များ

Jeremías 2:37

Ha nix hich, atsacoj ajol a ya xloc'at tey a, como te Jehová la sp'ajticlan te mach'atic smuc'ulinejic awo'tane; ma ba lec ya xc'ohat ta scuentahic.

Jeremías 3:3

Ha scuentahil te la yich' comel te ha'ale, te ma ba la yac' ha'al ta yorahil te ya xyaxub te q'uinale. Pero hich awelaw te bin ut'il jmulawil ants, ma ba la ac'an ya xq'uexawat yu'un.

Joel 1:11

Mela awo'tanic, ha'ex te ya x'a'tejex ta q'uinal; ahcanajanic, ha'ex te ya x'a'tejex ta ts'usubiltic, mela awo'tanic yu'un te trigo soc te cebada, como ch'ay te sit te awal-ts'unubile.

Joel 1:17

Te awalil c'a' ta surcohil, jochol hilic te yawil trigo, jimbiliquix banti q'uejbil te sit awal-ts'unubil, como taquijem te trigo.

Levítico 26:18

Teme ma ba yac awa'iybonic jc'op aunque hich ya jpasbeyex, ya jtoy huqueb xan buelta te castigo yu'un te amulique.

Amós 4:8

Ha yu'un talic che'oxeb pueblohetic ta yan pueblo yu'un ya yuch'ic ha', pero ma ba ch'ay staquinti'il; pero ma ba suhtex tal ta jtojol yu'un, xchi te Jehová.

Deuteronomio 29:23

Spisil te q'uinal ha azufre soc ats'am, c'ahq'uem spisil te lum, mayuc bin ya yich' ts'unel soc mayuc bin ya sitin, ni junuc ha'mal ya xch'ihy tey a, hich te bin ut'il c'oht ta pasel c'alal laj te Sodoma, Gomorra, Adma soc Zeboim, te la slajinlan te Jehová ta scuenta sc'ahc'al yo'tan soc yilimba.