Jeremías 14:3 - Bible in Tzeltal Bachajón

³ Te mach'atic ay sc'oblalic ya sticonic bahel te a'batetic yu'unic ta yich'el tal ha'; ya xbahtic ta yawil ha', pero ma ba ya stahic ha' tey a. Jochol yawil ha' yu'unic ya suhtic tal; ya xq'uexawic, ma sna'ic bin ya spasic, ya smuc sjolic yu'un.

Bible in Tzeltal de Oxchuc y Tenejapa

³ Te jc'ulejetic ya spas bael ta mandal te abatetic yu'un ta sliquel ja'. Ya xbajt'ic ta pozo, ja'uc me to, ma'yuquix ja' ya staic tey a, jochol ya sujt' tel soc te sq'uibique. Ay swocolic soc bayal q'uexlal ya yaiyic, ya smuc sjolic yu'un.

Jeremías 14:3 ပူးပေါင်းရင်းမြစ်များ

2 Samuel 15:30

Te David mo bahel ta Wits yu'un Olivohetic; yac ta oq'uel mohel a, smucoj sjol soc mayuc step. Ha nix hich spisil te pueblo te joquimbil yu'un, smucoj sjolic jujutuhl soc yacalic ta oq'uel mohel.

2 Samuel 19:4

Te ajwalil smacoj sit, tulan yac ta aw: ¡Jnich'an, Absalón, Absalón, jnich'an, jnich'an! xchi.

1 Reyes 17:7

Pero c'alal c'ax bahel c'ahc'al, tup' te ya'lel te uc'um, como ma ba la yac' ha'al ta q'uinal.

2 Reyes 18:31

Ma me xawa'iybeyic sc'op te Ezequías, como hich ya yal te ajwalil yu'un Asiria: Lamaluc me q'uinal ac'a ca'iytic soc loc'anic tal ta jtojol, hich jujutuhlex yac awe'beyic sit te ts'usubil soc te higuera awu'unic, soc yac awuch'ic ya'lel te pozo awu'unique,

Ester 6:12

Ta patil te Mardoqueo suht bahel ta yochibal sna te ajwalil, te Amán ora baht ta sna, yac ta mel-o'tan soc smacoj bahel sjol.

Job 6:20

pero q'uexawic yu'un te la smuc'ulin yo'tanic c'alal c'ohtic tey a, ma ba la sna' bin ya spasic yu'un.

Salmos 109:29

Ac'a sc'u'inic q'uexlal te mach'atic ya slehbonic jmul; ac'a mucotuc yu'un q'uexlal hich te bin ut'il muc'ul c'u'ul.

Salmos 40:14

Ac'a yich'ic q'uexlaltesel soc howiytesel te mach'atic ya slehbonic jlajel. Ac'a suhticuc ta spatic soc q'uexlaltesel te mach'atic ya sc'an ya yuts'inonic.

Jeremías 14:4

Ya sjam sba te q'uinal ta scaj te ma ba la yac' ha'al; te j'a'teletic ma sna' bin ya spasic, ya smuc sjolic yu'un.

Jeremías 15:18

¿Bin yu'un te spisil ora ay bin c'ux ya ca'iy soc te mayuc spoxil te quehchen, te ma xlecub? ¿Hich bal ya xc'ohat ta jtojol te bin ut'il be-ha' te ya xlo'loywan, te ma staleluc ay ya'lele?

Jeremías 2:13

Cha'chahp mulil la spas te pueblo cu'une: ha te la yihquitayon, ho'on te cuxul sloq'uib-ha'on, soc la shotic yawil ha' yu'unic, ha yawil ha'etic te lohmenic te ma xhil ha' tey a.

Jeremías 2:37

Ha nix hich, atsacoj ajol a ya xloc'at tey a, como te Jehová la sp'ajticlan te mach'atic smuc'ulinejic awo'tane; ma ba lec ya xc'ohat ta scuentahic.

Jeremías 20:11

Pero Jehová sjoquinejon hich te bin ut'il mach'a bayel yip te ya stsalawan ta guerra; ha yu'un te mach'atic ya yuts'inonic ya me xyahlic, ma ba ya stsalonic; ya me stahic bayel q'uexlal, mayuc bintic ya xhu' yu'unic; stalel pehc'ambil ya xhilic, mayuc bin ora ya xch'ay ta o'tanil.

Jeremías 3:3

Ha scuentahil te la yich' comel te ha'ale, te ma ba la yac' ha'al ta yorahil te ya xyaxub te q'uinale. Pero hich awelaw te bin ut'il jmulawil ants, ma ba la ac'an ya xq'uexawat yu'un.

Lamentaciones 4:4

Te yac' te jchu'-alal ya slap' sba ta spajaj ta scaj taquinti'il; ya sc'anic pan te alaletic, pero mayuc mach'a ya x'a'bot yu'un.

Oseas 2:3

Teme ma'uque, ya jwahtan, hich watal ya xhil cu'un te bin ut'il te c'alal ayine; hich ya cac' te bin ut'il jochol taquin q'uinal, ya jc'atp'un ta taquin q'uinal, soc ya jmil ta taquinti'il.

Joel 1:20

Ha nix hich ya x'awonic ta atojol te ha'mal chambahlametic, como tup'ix ya'lel te uc'umetic, soc lajix ta c'ahc' te aquiltic ta jochol taquin q'uinal.

Amós 4:7

Ha nix hich la jcom ha'al oxeb u te ma to sta yorahil a te ya xloc' sit te awal-ts'unubil; la jcac' tal ha'al ta jun pueblo, ma ba la jcac' ta yan pueblo; jsehp nax q'uinal banti la yac' ha'al, soc jsehp banti ma la ya yac', hich taquij.

Amós 4:8

Ha yu'un talic che'oxeb pueblohetic ta yan pueblo yu'un ya yuch'ic ha', pero ma ba ch'ay staquinti'il; pero ma ba suhtex tal ta jtojol yu'un, xchi te Jehová.

Zacarías 14:17

Teme ay pueblohetic ta bahlumilal te ma ba ya xmohic bahel ta Jerusalén ta sch'uhuntayel te Ajwalil, te Jehová te scuentahinej spisil, ma ba ya xtal ha'al ta stojolic.