Jeremías 14:2 - Bible in Tzeltal Bachajón

² Yac ta oq'uel te Judá, te ochibaletic yu'un ya xlaj yipic; huculic ta lum ta mel-o'tan soc ya xtohy mohel yawic te Jerusalén.

Bible in Tzeltal de Oxchuc y Tenejapa

² —Te Judá ya x'oc' yu'un mel-o'tan, te lumetic yu'une ay swocolic, te ants-winiquetic limilic ta lum. Te Jerusalén ya xtoyix yawic yu'un te xc'uxule.

Jeremías 14:2 ပူးပေါင်းရင်းမြစ်များ

Job 34:28

ha ta scuentahic te awonic ta stojol Dios te pobrehetic, soc te ya ya'iybe yawic te mach'atic ay swocolic.

Salmos 144:14

te j'a'tel-wacaxetic cu'untic ayuc yipic ta a'tel. Ma me ayuc banti jamal te ts'ahc, mayuc banti ya xloq'uic bahel ta chuquel, ma me ayuc aw yu'un xiwel ta callehetic cu'untic.

Éxodo 2:24

A'iybot yu'un Dios te yahcanic, soc la sna' xan te c'op schapoj soc Abraham, Isaac soc Jacob.

Isaías 15:5

Ya x'awon co'tan ta scuenta Moab; te mach'atic yu'un te loq'uic ta ahnel, ya xbahtic c'alal ta Zoar, c'alal ta Eglat-selisiya. Ta mohel q'uinal yu'un Luhit ya xmohic bahel ta oq'uel; ta sbehlal bahel Horonaim ya x'awonic yu'un te jinele.

Isaías 24:11

Ay awetic ta callehetic yu'un mayuc vino; laj spisil te tse'el-o'tanil, la yich'ix loq'uesel te yutsil q'uinal ta bahlumilal.

Isaías 24:4

Ya xtaquij te lumq'uinal soc ya sayub, ya sayub soc mayuc yip te bahlumilal, ya xlaj yipic te pueblohetic ta bahlumilal te ay sc'oblalic.

Isaías 24:7

Laj te vino, taquij te ts'usubil, ahcanajic spisil te mach'atic tse'el yo'tanic a.

Isaías 3:26

Te ochibaletic yu'un Sión ya me x'oq'uic soc ya me smel yo'tanic, te bin ut'il ch'aybil ta o'tanil, ya shuhcan sba ta lum.

Isaías 33:9

Te lumq'uinal ya smel yo'tan soc ya xlaj yip, ya xq'uexaw te Líbano soc ya sayub; te Sarón sutp'ij ta jochol taquin q'uinal, te Basán soc Carmelo ya slihlinic cohel ya'binalic.

Isaías 5:7

Te ts'usubil yu'un te Jehová te scuentahinej spisil, ha te sna Israel, soc te winiquetic yu'un Judá ha te ts'umbil q'uinal te mulambil yu'une. Ha la smahliy bin toj ta pasel, pero ay ta malel ch'ich'; la smahliy stojil chahpanel, pero la ya'iy aw yu'un wocol.

Jeremías 11:11

Ha yu'un hich yaloj te Jehová: Ya cac' wocol ta stojolic te ma xhu' ya xloq'uic ta ahnel ta stojole. Aunque ya yawtayonic, ma ba ya ca'iybeyic.

Jeremías 12:11

Jochol taquin q'uinal c'ohem, jochol hil, la yoq'uetay sba ta jtojol. Spisil te q'uinal jochol hil, mayuc mach'a ay sc'oblal yu'un.

Jeremías 12:4

¿Bin to ora te jochol ya xhil te lumq'uinal soc te ya sayub te aquiltic ta spisil te q'uinale? Ta scaj schopolil te mach'atic nahinemic tey a te lajemiquix te chambahlametic soc te ha'mal mutetique, como hich ya yalic: Dios ma ba ya yil bin ut'il ya xc'ohotic ta loq'uel, xchihic.

Jeremías 18:22

¡Ac'a chicnajuc awetic ta snahic te c'alal jts'ihn nax yac awic'be tal ta stojolic jpoj-biluquetic! yu'un la sjoq'uic ch'en yu'un ya stsaconic, soc la snac'bonic jyacol ta banti ya xc'oht te coque.

Jeremías 4:28

Ha yu'un ya me smel yo'tan te lumq'uinal, soc te ch'ulchan ta toyol ya me x'ihc'ub, como c'opojemon, la jnopix, ma ba ya jsut te jc'ope, ma ba ya suhton ta jpat.

Jeremías 46:12

Te nacionetic ya'iybeyejic sc'oblal te q'uexlal awu'unic, ta spisil q'uinal chican awawic; talel c'axel la sc'ohchin sbahic te soldadohetic, pajal yahlic schebalic, xchi te Jehová.

Jeremías 8:21

Ay jwocol yu'un te swocol te jlumale; ayon ta mel-o'tan, la yu'untayon tulan xiwel.

Lamentaciones 2:8

Te Jehová la snop te ya sjin cohel te ts'ahquetic yu'un te yantsil-nich'an Sión. La st'im bahel te sp'isojibal, ma ba la scom sc'ab ta sjinel. La ya'be smel yo'tan te busambil lum soc te ts'ahc, ta junax ch'ayic bahel.

Lamentaciones 2:9

Jihnic cohel c'alal lum te ochibaletic yu'un; la swac'ticlan soc la sjinticlan te sc'atal-te'eletic yu'un. Te ajwalil soc te príncipaletic yu'un ayic ta yohlil te mach'atic ma ba yich'ojic te ley, soc te jalwanejetic yu'un mayuc bin ya x'a'bot yilic ta snahal sitil yu'un Jehová.

Lamentaciones 5:10

Ihc'uben te jnuhculelcotic hich te bin ut'il horno, ta scaj sc'ahc'al te wi'nale.

Oseas 4:3

Ha scuentahil te ya smel yo'tan te q'uinal soc te ya xlaj yipic spisil mach'atic nahinemic tey a; ya xlajic te ha'mal chambahlametic, te mutetic ya xwihlic ta ch'ulchan, soc ha nix hich te chayetic ta mar.

Joel 1:10

Jimbilix te c'altic, ay ta mel-o'tan te q'uinale, como laj te trigo, taquijix te yach'il vino, ch'ayix te aceite.

Joel 1:11

Mela awo'tanic, ha'ex te ya x'a'tejex ta q'uinal; ahcanajanic, ha'ex te ya x'a'tejex ta ts'usubiltic, mela awo'tanic yu'un te trigo soc te cebada, como ch'ay te sit te awal-ts'unubile.

Joel 1:14

Puca ta halel te ya scom swe'elic, hala ta tsoblej, tsoba abahic ta sna Jehová te Dios awu'unic, te mamaletic soc spisil mach'atic nahinemic ta q'uinal, c'oponahic te Jehová.

Joel 2:6

Te pueblohetic ya xiwic ta stojolic, ya sacub spisil sit yelawic.

Hageo 1:11

La jquic' talel te sq'uepelal q'uinal ta stojol te lumq'uinal soc ta witsiltic, ta stojol te trigo, vino, aceite soc spisil bintic ya xcol ta lumq'uinal, ta stojol te ants-winiquetic soc te chambahlametic, soc ta stojol spisil ya'tel ac'ab, xchi.

Zacarías 7:13

Hich la yal: Hich te bin ut'il c'alal la jcawtay, ma ba la ya'iyic, ha nix hich c'alal la yawtayon ma ba la jca'iy, xchi te Jehová te scuentahinej spisil,

1 Samuel 5:12

Te mach'atic ma ba chamic, a'botic siht'el; te aw yu'un te pueblo c'oht c'alal ta ch'ulchan.

1 Samuel 9:16

Ta hichilan ora pajel ya jticombat tal jtuhl winic talem ta sq'uinal Benjamín, ha te mach'a yac amalbe aceite scuenta jcuentahinwanej ya xc'oht yu'un te jpueblo Israel. Ha me ya scoltay loq'uel ta sc'ab filisteohetic te pueblo cu'une; yu'un la jquilbeyix swocol te pueblo cu'un, c'ohtix ta jtojol te awetic yu'unique, xchi.