Jeremías 13:16 - Bible in Tzeltal Bachajón

¹⁶ Halbeya yutsil sc'oblal te Jehová te Dios awu'unic, te c'alal ma to xtal yu'un a te yihc'al q'uinal, te c'alal ma to ba ac'ohchinej awoquic a ta witsiltic te ayic ta axinal; soc te c'alal yac amahlibel a te sacal q'uinal, ha ya sutp'ij ta axinal yu'un lajel soc ta yihc'al q'uinal.

Bible in Tzeltal de Oxchuc y Tenejapa

¹⁶ Ich'aic ta muc' te Cajwaltic te Dios awu'unique, te c'alal ma to xtal yu'un te ijc' q'uinal te ya ac'ojch'in awacanic ta bay ijc' q'uinal ta witstiquil; c'alal ma to sc'atp'un ta ijc' q'uinal, c'alal ma to sc'atp'un ta mero pimil ajc'ubal te saquil q'uinal ya amaliyic te ja'exe.

Jeremías 13:16 ပူးပေါင်းရင်းမြစ်များ

Isaías 59:9

Ha scuentahil te namal ay ta jtojoltic te stojil chahpanel, soc te ma ba la stahotic te bin stojil ta pasele; la jmahliytic sacal q'uinal, pero ha nax ay yihc'al q'uinal; la jmahliytic xojobal q'uinal, pero yacotic ta behel ta pimil axinal.

Isaías 8:22

Ya me yilic te q'uinal, ha ya yilic wocol soc yihc'al q'uinal, pimil yihc'al q'uinal soc mel-o'tan; ya xch'ojotic bahel ta yihc'al q'uinal.

Isaías 60:2

Como ilawil, ya xmucot ta yihc'al q'uinal te lumq'uinal, ta pimil yihc'al q'uinal te nacionetique; pero te Jehová ya xtihl ta atojol soc ya xchicnaj ta atojol te yutsilale.

Isaías 5:30

Ta hich ora ya x'awonic ta stojol hich te bin ut'il sc'op te mar. Ya yilic te lumq'uinal, ya me yilic yihc'al q'uinal soc wocol, ya x'ihc'ub te sacal q'uinal yu'un te tocale.

Proverbios 4:19

Pero te be yu'un te mach'atic chopol yo'tanic, hich ay te bin ut'il yihc'al q'uinal; ma sna'ic bin ya sc'ohchinic.

Josué 7:19

Ha yu'un te Josué la yalbe te Acán: Jnich'an, halbeya yutsilal Jehová te Dios yu'un Israel, halbon ca'iy te bin apasoj, ma xamucbon ta awo'tan, la yut.

Jeremías 23:12

Ha yu'un te be yu'unic hich ya xc'oht te bin ut'il bilil be ta yihc'al q'uinal, ya yich'ic tsulq'uinel, ya xyahlic tey a; yu'un ya quich'be tal bin chopol ta stojolic te bin ha'bil ya xtal te castigo yu'unique, xchi te Jehová.

Jeremías 4:23

La jquil te lumq'uinal, jihnem soc jochol; la jquil te ch'ulchan, mayuc sacal q'uinal yu'un.

Salmos 44:19

yu'un hich yac ach'ojotcotic bahel ta banti ay ha'mal ts'i'etic soc yac amucotcotic ta yaxinal lajel.

1 Samuel 6:5

Pasahic sloc'ombahil te siht'el awu'unic soc te ch'ohetic yac sjimbelic te q'uinale, soc halbeyahic yutsilal te Dios yu'un Israel; ya wan sloq'ues sc'ab ta atojolic, ta stojol te diosetic awu'unic soc ta stojol te aq'uinalique.

Éxodo 10:21

Te Jehová la yalbe te Moisés: Toya mohel ac'ab scuenta yu'un ya x'ihc'ub q'uinal ta sq'uinal Egipto, hich yihc'al ya xc'oht te bin ut'il ya xhu' ta tsaquel ya'iyel, xchi.

1 Pedro 2:8

soc: Ha ton scuenta c'ohchinojibal soc ha ton te ya xyahlteswan, xchi. Ha ya sc'ohchin sbahic a ta scaj te ma ba ya sch'uhunic te c'ope. ¡Yu'un hich nix ya xc'ohtic ta loq'uel a!

San Juan 12:35

Halbotic yu'un te Jesús: Ma haluquix c'ahc'al te ay sacal q'uinal ta atojolic, ha yu'un behenanic te jayeb xan ora ay sacal q'uinal scuenta yu'un ma ch'ayaluc awo'tanic a ya stahex te yihc'al q'uinale, como te mach'a ya xbehen ta yihc'al q'uinal, ma sna' banti ya xbaht.

Lamentaciones 4:17

Luhb te jsitique, tojol yac ta smahliyel yil coltayel; quechelotic ta smahliyel te nación te ma xhu' ya xcoltaywan.

Jeremías 14:19

¿Jc'axel bal ach'ayoj bahel te Judá? ¿Ap'ajoj bal te Sión? ¿Bin yu'un la awehchentesotcotic scuenta yu'un ma xhu' ya xlecubotcotic? La jmahliycotic lamal q'uinal, pero mayuc bin lec la jtahcotic. La jmahliycotic yorahil poxtayel, pero ha nax ay tulan xiwel.

Jeremías 8:15

La jmahliytic lamal q'uinal, pero mayuc bin lec te tale, la jmahliytic yorahil poxtayel, pero ha nax ay tulan xiwel.

Eclesiastés 11:8

Aunque ay mach'a bayel ha'bil ya xcuxaj soc tse'el yo'tan yu'un spisilic, ac'a sna' te ay bayel c'ahc'al te yihc'al q'uinal, soc spisil te bintic quechel ta talele, tojol nax.

Job 3:5

Ac'a yich' maquel yu'un yihc'al q'uinal soc yaxinal lajel; ac'a yich' potsel ta tocal te ya yac' te xiweltic sba ya xc'oht hich te bin uti'il jun c'ahc'al te macal ta ihc'al tocal.

Salmos 107:10

Ay nahinic ta yihc'al q'uinal soc ta yaxinal lajel, ay swocolic ta chuquel ta cadena,

Salmos 107:14

La sloq'ueslan ta yihc'al q'uinal soc ta yaxinal lajel, soc la stuch'ticlambe te cadenahetic te chuculic a.

Jeremías 2:6

Ma ba la yalic: ¿Banti ay te Jehová te la sloq'uesotic tal ta Egipto, te la yic'otic bahel ta jochol taquin q'uinal, ta taquin q'uinal soc hemeltic, ta taquin lum soc yaxinal lajel, ta lumq'uinal te mayuc mach'a c'axem tey a soc mayuc mach'a ya xnahinic tey a? ma xchihuquic.

Jeremías 6:21

Ha yu'un hich ya yal te Jehová: Ya cac' te bin ya sc'ohchin sba a te pueblo ini, pajal ya xyahlic tey a te tatiletic soc al-nich'aniletic; ya xch'ayic bahel te spat-xuhquic soc mach'atic jun yo'tan sbahic, xchi.

Jeremías 50:6

Te pueblo cu'un hich ayic te bin ut'il tuminchijetic te ch'ayemic, howiytesotic ta be yu'un te jcanan yu'unique, ac'otic hilel yu'un ta witsiltic. Bayuc behenic bahel ta yantic witsiltic, ch'ay ta yo'tanic te corral yu'unique.

Ezequiel 21:15

scuenta yu'un ya xlaj yip yo'tan soc ya xlaj bayelic. Ta spisil te ochibaletic yu'unic cac'oj xiwel yu'un te espada. ¡Ah! chapalix yu'un ya xtihl soc chapalix yu'un ya xmilawan.

Ezequiel 34:12

Hich te bin ut'il bayel sc'oblal ta yo'tan te jcanan-tuminchij te ya stsob tal te jtsohb tuminchijetic yu'un te puhquemic, hich bayel sc'oblal ta co'tan te tuminchijetic cu'un soc ya cac'ticlan ta libre ta bayuc banti puhquemic bahel ta yorahil macal q'uinal soc yihc'al q'uinal.

Ezequiel 36:15

Soc ma ba ya caq'uix te yac awa'iy te labanel yu'un te nacionetic soc ma ba ya xc'axix awocol yu'un te ixta'c'op yu'un te pueblohetic, soc ma ba yac awaq'uix te ya sc'ohchin sba te nación awu'une, xchi te Jehová, te Ajwalil.

Amós 4:13

Te mach'a ya spas te witsiltic soc te ic', te ya ya'be sna' te ants-winiquetic te bin snopoj ta yo'tan, te ya yac' te ha yihc'al q'uinal ya xc'oht te sacubel q'uinal, soc te ya xbehen ta stoyolil te q'uinale, ha Jehová, te Dios te scuentahinej spisil te sbihile.

Amós 5:18

¡Obol sbahic te mach'atic ya sc'anic te sc'ahc'alel yu'un Jehová! ¿Bin yu'un yac ac'anic te sc'ahc'alel yu'un Jehová? ha sc'ahc'alel yihc'al q'uinal, ma sacal q'uinaluc.

Salmos 29:2

Halbeyahic yutsil sbihil te Jehová hich te bin ut'il ya sc'an pasele; ch'uhuntayahic te Jehová ta scuenta ch'ultesel te c'ax t'ujbil.

Isaías 59:10

Xpicponotic ta pahc' hich te bin ut'il ts'o'sitetic, yacotic na'etel bahel hich te bin ut'il te mach'atic mayuc sitic. Ya jc'ohchin coctic ta ohlil c'ahc'al hich te bin ut'il ta ahc'abal; ayotic ta yihc'al q'uinal hich te bin ut'il mach'atic chamenic.

Joel 2:2

Ha sc'ahc'alel yihc'al q'uinal soc ahc'abal, sc'ahc'alel tocal soc spimil yihc'al q'uinal. Hich te bin ut'il ya slim bahel ta witsiltic te sacubel q'uinal, hich ya xtal jchahp soldadohetic te c'ax bayelic soc ay yipic; mayuc hich chicnajem ta ilel soc mayuc hich ya xchicnaj ta patil ta bayel ha'bil ta cajalcaj ts'umbalil.

Malaquías 2:2

Teme ma ba yac awa'iyic soc teme ma ba yac anop ta awo'tanic te yac awalbe yutsil sc'oblal te jbihil, xchi te Jehová te scuentahinej spisil, ya jticombeyex chopol c'oblalil ta atojolic, ya calbe ma lecuc sc'oblalic te bendicionetic awu'unique; calbeyejix te ma lecuc sc'oblalic como ma ba anopojic ta lec ta awo'tanic.