Jeremías 12:9 - Bible in Tzeltal Bachajón

⁹ Te pueblo cu'un hich c'ohem te bin ut'il ha'mal mut te bayel sch'ahlel te joytaybil ta contrahinel yu'un yantic mutetic. ¡Bahanic, tsobahic talel spisil ha'mal chambahlametic, ic'ahic talel yu'un ya xlajinot yu'unic!

Bible in Tzeltal de Oxchuc y Tenejapa

⁹ Te lum cu'une, jich c'oem te bit'il t'ujbil ja'mal mut, te ay yantic mutetic ya stsac sbaic soc ya smil sbaic. La'ic apisilic ja'mal chambalametic, tsoba abaic tel, we'anic.

Jeremías 12:9 ပူးပေါင်းရင်းမြစ်များ

2 Reyes 24:2

Te Jehová la sticon bahel ta scontrahinel te Joacim te caldeohetic, siriahetic, moabetic soc amonetic. La sticonlan ta scontrahinel Judá yu'un ya slajinic, hich te bin ut'il yaloj te Jehová ta scuenta te jalwanejetic te a'batetic yu'une.

Isaías 2:11

Ya xpehc'anot te stoybahil te sit te ants-winic, te stoybahil te ants-winic ya me yich' pehc'anel. Ha nax ya xtoybot sc'oblal te Jehová ta hich ora.

Isaías 2:12

Como te Jehová te scuentahinej spisil ay sc'ahc'alel te ya xtal scontrahin spisil jtoybahetic soc te muc' yac'oj sbahic, spisil mach'atic stoyoj sc'oblalic, ya me yich'ic pehc'anel;

Isaías 56:9

Spisil te chambahlametic ta q'uinal, spisil te chambahlametic ta tohyem te'etic, la'ic, lajinahic ta we'el.

Jeremías 15:3

Ya jticon ta stojolic chanchahp castigo, xchi te Jehová: ha te espada te ya xmilawan, ts'i'etic te ya xti'awanic, mutetic te ya xwihlic ta toyol soc chambahlametic ta q'uinal yu'un ya xti'awanic soc ya xlajinwanic.

Jeremías 2:15

Te chojetic awonic ta scontrahinel, tulan awonic soc la sjinic hilel te sq'uinale; chic'bilic te pueblohetic yu'un, mayuc mach'a ya xnahin tey a.

Jeremías 34:20

ya cac'ticlan ta sc'ab te scontratac soc ta sc'ab te mach'atic ya xlehbot scuxlejalic yu'un. Te schamen baq'uetalic ya xti'otic yu'un mutetic ya xwihlic ta toyol soc ha'mal chambahlametic.

Jeremías 7:33

Te chamen baq'uet yu'un te pueblo ini ya me xtuhun yu'un swe'el te mutetic te ya xwihlic ta toyol soc te chambahlametic ta lumq'uinal, soc mayuc mach'a ya xiwtesic bahel.

Lamentaciones 1:17

Te Sión la shach sc'ab ta sc'anel coltayel, pero mayuc mach'a ya x'a'bot smuc'ul yo'tan yu'un. Te Jehová la yal mandar te ha scontratac ya xc'ohtic te spat-xuhc te Jacob; hich ihlaybil c'oht ta yohlilic te Jerusalén.

Ezequiel 34:5

Bayuc ya xbahtic ta scaj te mayuc jcanan yu'unic, soc ya xlajic ta ti'el yu'un spisil te ti'awal chambahlametic ta q'uinal. ¡Puhquemic bahel!

Apocalipsis 17:16

Te lajuneb xulubiletic soc te chambahlam te xiweltic sba te la awile ya me yilintayic te j'antsinel-ants, jimbil soc mayuc sc'u' ya xhil yu'unic; ya me sti'beyic sbaq'uetal soc ya me schiq'uic ta c'ahc'.