Jeremías 12:7 - Bible in Tzeltal Bachajón

⁷ La jquihquitay hilel jna, la jloq'ues ta co'tan te bin a'boton quich'; la jcac' ta sc'ab scontratac te mach'a c'ux ta co'tan.

Bible in Tzeltal de Oxchuc y Tenejapa

⁷ “Jpijt'esejix jilel te lum cu'une, la jq'uejix bael ta co'tan te bila cu'unineje. La cac'beyix ta sc'ab scontrotac te lum te bayal c'uxbaj ta co'tane.

Jeremías 12:7 ပူးပေါင်းရင်းမြစ်များ

2 Reyes 21:14

Ya jpihtes te jayeb xan ya xhil cu'un soc ya cac' ta sc'ab scontra; ya yich' tsaquel soc ya xpojbot sbiluquic yu'un,

Salmos 106:40

Ha yu'un tihl yilimba te Jehová ta stojol te pueblo yu'un, la sp'aj te bin ay yu'une;

Salmos 78:62

Soc la yac' lajuc ta espada te pueblo yu'un, la yilintay te mach'atic yu'un.

Isaías 2:6

Jehová, awihquitayej te pueblo awu'un, ha te sna Jacob, como nojel ta stalelic te talemic ta stojol banti ya xloc' tal c'ahc'al, nojel ta jna'ojeletic, hich te bin ut'il te filisteohetic; soc ya schap sc'opic soc jyanlumetic.

Jeremías 11:15

¿Bin ya spas ta templo cu'un te mach'a c'ux ta co'tan, te bin ut'il bayel la spas te bintic ihlaybile? ¿Ach'uhunej bal te ya xhu' ya sloq'uesbat te castigo awu'un te chic'bil mahtaniletic soc te ti'bal te ch'ultesbile, te hich yutsil q'uinal yac awa'iy a?

Jeremías 14:19

¿Jc'axel bal ach'ayoj bahel te Judá? ¿Ap'ajoj bal te Sión? ¿Bin yu'un la awehchentesotcotic scuenta yu'un ma xhu' ya xlecubotcotic? La jmahliycotic lamal q'uinal, pero mayuc bin lec la jtahcotic. La jmahliycotic yorahil poxtayel, pero ha nax ay tulan xiwel.

Jeremías 17:4

Ya me xch'ay te bin la jca'bat awich' soc ya cac' smosohinat acontratac ta q'uinal te ma xana'be sba, como ta quilimba atsunoj c'ahc' te spisil ora ya xtihl, xchi te Jehová.

Jeremías 22:5

Pero teme ma ba yac awich'ic ta cuenta te c'op ini, ho'on ya cal ta jamal, xchi te Jehová, te jimbil ya xhil te sna ajwalil ini, xchi.

Jeremías 23:33

Te pueblo ini, o jtuhl jalwanej, o jtuhl sacerdote teme hich ya sjoc'obat: ¿Bin a te sc'op-jalwanej yu'un te Jehová? teme xchihe, hich xawalbe: Hich ay te sc'op-jalwanej: Ya quihquitayex hilel, xchi te Jehová.

Jeremías 23:39

ha yu'un ya jch'ayex ta co'tan soc ya jbulex loq'uel ta jtojol, ha'ex soc te pueblo la jca'beyex soc te ame'atatique.

Jeremías 51:5

Como te Israel soc te Judá ma ba ihquitaybilic yu'un te Dios yu'unic, te Jehová te scuentahinej spisil, aunque noj ta mulil te sq'uinalic ta scontrahinel te Ch'ul Dios yu'un Israel.

Jeremías 7:14

hich nix ya jpasbe te na ini te yich'beyejon te jbihile, te ha smuc'ulinej awo'tanic, te la jca'beyex soc te ame'atatique.

Jeremías 7:29

¡Jerusalén, loq'uesa stsotsel ajol, ch'oja bahel, c'ayojtaya mel-o'tan c'ayoj ta toyol q'uinaletic, como te Jehová la sp'ajix soc la yihquitay te jcaj ts'umbalil te ilintayot yu'une!

Ezequiel 24:21

Halbeya te sna Israel te hich yaloj te Jehová: Ya jbohlobtesbe sc'oblal te ch'ul awilal cu'un, te yutsilal te bin awipinejic, te bin ya smulan asitic soc te bin c'ux ta awo'tanique. Te ach'ix-queremetic awu'unic te la awihquitayic hilel, ya me xlajic ta espada.

Oseas 11:1

C'alal querem to a te Israel, c'ux la jca'iy ta co'tan, soc ta Egipto la jquic' loq'uel tal te jnich'ane.

Oseas 9:15

Spisil te bintic chopol yu'unic chicnaj ta Gilgal, tey la jp'aj a. Ta scuenta te schopol a'telic ya jloq'ues bahel ta jna. Ma ba c'ux ya ca'iyix ta co'tan; spisil te príncipaletic yu'unic ma junuc yo'tanic.

Joel 2:15

¡Oq'uesinahic corneta ta Sión, pucahic ta halel te ya scom swe'elic, halahic te ya me stsob sbahic;

Joel 3:2

ya jtsob tal spisil te nacionetic, ya quic'ticlan cohel ta spamlej yu'un Josafat; tey ya jchahpan a ta scaj te pueblo cu'un, ha te Israel, te ha cu'un, te la spucticlanic bahel ta yohlil te nacionetic, soc la spucbe sbahic te jq'uinale.

San Lucas 21:24

Ya xlajic ta espada soc ya xbahtic ta chuquel ta spisil nacionetic, soc te Jerusalén ya yich' ts'o'el ta teq'uel yu'un jyanlumetic ha to c'alal ya sts'acay te yorahil yu'un te jyanlumetique.

Deuteronomio 33:12

Hich la yalbe sc'oblal Benjamín: Te mach'a c'ux ta yo'tan Jehová jun me yo'tan ya xnahin ta stojol; spisil ora ya xluts'ot yu'un, ya me xnahin ta snehquel, xchi.