Jeremías 12:4 - Bible in Tzeltal Bachajón

⁴ ¿Bin to ora te jochol ya xhil te lumq'uinal soc te ya sayub te aquiltic ta spisil te q'uinale? Ta scaj schopolil te mach'atic nahinemic tey a te lajemiquix te chambahlametic soc te ha'mal mutetique, como hich ya yalic: Dios ma ba ya yil bin ut'il ya xc'ohotic ta loq'uel, xchihic.

Bible in Tzeltal de Oxchuc y Tenejapa

⁴ ¿Jayeb to c'aal ya xjalaj te taquejem te lumq'uinale te ya xtaquej te aquiltique? Te chambalametic soc te ja'mal mutetic yacalix ta lajel ta scaj amen te yajwal te lumq'uinale, te ya scuyic te ma x'awil te bila ya spasique.

Jeremías 12:4 ပူးပေါင်းရင်းမြစ်များ

Salmos 107:34

te lequil q'uinal ya sc'atp'un ta mayuc bin ya xcol a, ta scaj schopolilic te mach'atic nahinemic tey a.

Salmos 50:21

Hich la apas, pero mayuc bin la jcal yu'un; la acuy te hichon te bin ut'il ha'at. Pero ya me jtijat ta c'op, ya calbat amul ta asit.

Isaías 24:4

Ya xtaquij te lumq'uinal soc ya sayub, ya sayub soc mayuc yip te bahlumilal, ya xlaj yipic te pueblohetic ta bahlumilal te ay sc'oblalic.

Isaías 24:6

Ha scuentahil te laj te q'uinal yu'un bohlob sc'oblal, soc te mach'atic nahinemic tey a ya xc'ax swocolic yu'un smulic. Ha scuentahil te lajinot te mach'atic nahinemic ta q'uinal, mayuc tsobol hil te ants-winiquetique.

Jeremías 12:11

Jochol taquin q'uinal c'ohem, jochol hil, la yoq'uetay sba ta jtojol. Spisil te q'uinal jochol hil, mayuc mach'a ay sc'oblal yu'un.

Jeremías 14:2

Yac ta oq'uel te Judá, te ochibaletic yu'un ya xlaj yipic; huculic ta lum ta mel-o'tan soc ya xtohy mohel yawic te Jerusalén.

Jeremías 23:10

Como nojel ta j'antsiwejetic te q'uinale; ta scaj te halbil chopol sc'oblal, taquij te q'uinal soc taquij te aquiltic ta jochol taquin q'uinal. Chopol te be yu'un te jalwanejetic soc ma stojiluc ya stuhunic te yipique.

Jeremías 4:25

La jquil, mayuc jtuhluc ants-winic, loq'uemiquix ta ahnel spisil te mutetic ya xwihlic ta toyol.

Jeremías 4:28

Ha yu'un ya me smel yo'tan te lumq'uinal, soc te ch'ulchan ta toyol ya me x'ihc'ub, como c'opojemon, la jnopix, ma ba ya jsut te jc'ope, ma ba ya suhton ta jpat.

Jeremías 5:13

Te jalwanejetic hich ayic te bin ut'il ic', ma ba yich'ojic te c'ope; te bin hich ya yalic hich ac'a c'ohtuc ta pasel ta stojolic.

Jeremías 5:31

Te jalwanejetic ya yalic lot, te sacerdotehetic ya xcuentahinwanic ha chican bin ya sc'an yo'tanic. ¡Hich ya sc'an te pueblo cu'une! Pero ¿bin yac apasic c'alal ya xtal slajibal? xchi te Jehová.

Jeremías 7:20

Ha yu'un hich yaloj te Cajwaltic Jehová: Te sc'ahc'al co'tan soc te quilimba ya xmahl cohel ta stojol te lugar ini, ta stojol te ants-winiquetic, chambahlametic, te'etic ta q'uinal soc ta sit awal-ts'unubileic. Ya xtihl, ma ba ya xtup', xchi.

Jeremías 9:10

Ya x'oc'on soc ya x'ahcanajon yu'un te witsiltic, ya jc'ayojtay mel-o'tan c'ayoj yu'un te aquiltic ta jochol taquin q'uinal, como la yich'ic jinel, mayuc mach'a ya xc'axix tey a, soc ma ba ya xchicnajix yoq'uel wacaxetic; te mutetic ta ch'ulchan soc te chambahlametic ta q'uinal bahtic ta ahnel.

Jeremías 9:9

¿Ma bal yacuc cac'ticlambe castigo yu'un spisil ini? ¿Ma bal yacuc ca'be stoj te nación te hich ya spas? xchi te Jehová.

Oseas 4:3

Ha scuentahil te ya smel yo'tan te q'uinal soc te ya xlaj yipic spisil mach'atic nahinemic tey a; ya xlajic te ha'mal chambahlametic, te mutetic ya xwihlic ta ch'ulchan, soc ha nix hich te chayetic ta mar.

Joel 1:18

¡Bayel awonic te chambahlametic! ¡Xmo xyal te jtsob wacaxetic, como mayuc ac ya swe'ic! Ha nix hich ay swocolic schahpal te tuminchijetique.

Amós 1:2

Hich la yal: Ya x'awon Jehová c'alal ta Sión, ya yac' ta a'iyel sc'op c'alal Jerusalén, te aquiltic yu'un te jcanan-tuminchijetic ya xtaquij soc ya xtaquij te ba wits Carmelo.

Habacuc 3:17

Aunque ma xnichin te higuera, soc mayuc sit te ts'usubiletic, aunque ma xyac' sit te olivo, soc mayuc bin ya yac' te chahpambil q'uinal, aunque mayuquix tuminchijetic ta stsobojibal yu'unic, soc mayuc wacaxetic ta corral,

Zacarías 1:12

Te ch'ul a'bat yu'un Jehová hich la yal: Jehová te scuentahinej spisil, ¿jayeb xan ora te ma ba yac ac'uxultay te Jerusalén soc te pueblohetic yu'un Judá, te ayix lajuneb schanwinic (70) ha'bil te ilinemat ta stojolique? xchi.

Romanos 8:22

Jna'ojtic te yac ta ahcan spisil te bintic pasticlambil, soc c'alal ora yac ta c'axel bayel swocol hich te bin ut'il ants te ya yayintes alal.