Jeremías 11:4 - Bible in Tzeltal Bachajón

⁴ ha te la jcalbe ta mandar te ame'atatic te c'alal la jloq'ueslan tal ta sq'uinal Egipto, ta horno yu'un yuhltesel taq'uin, te hich la jcalbe: Ch'uhumbonic jc'op, pasahic spisil te bintic ya calbeyex ta mandar, hich pueblohex cu'un ya xc'ohex soc ho'on Dioson awu'unic ya xc'ohon.

Bible in Tzeltal de Oxchuc y Tenejapa

⁴ Ja' te trato la jpas ta stojol te antiguo ame'-atatic c'alal la jloq'ues tel ta Egipto, ja' te nación te jich c'oem ta stojolic te bit'il horno yu'un te jten-taq'uine. La calbey: “Ch'uunbonic jc'op, pasaic spisil te bila mandal ya cal, ja'ex me lumex cu'un soc jo'on Dioson awu'unic.

Jeremías 11:4 ပူးပေါင်းရင်းမြစ်များ

Génesis 17:8

Ya ca'bat aq'uinalin soc ats'umbal ta patil bahel te q'uinal ta banti ayat ta nahinel, spisil te sq'uinal Canaán, stalel awu'unic ya xc'oht, soc Ho'on Dioson yu'unic ya xc'ohon, xchi.

1 Reyes 8:51

como ha pueblo awu'un soc ay ta acuenta te yac awich', te la aloq'ues tal ta Egipto, ta yohlil te horno yu'un yuhltesel taq'uin c'ohem.

2 Reyes 18:6

La st'un te Jehová, mayuc bin ora la spihtes sba ta stojol, la sch'uhun te mandariletic a'bot yu'un Jehová te Moisés.

Éxodo 20:6

pero ya jc'uxultay bayel ta mil te mach'atic c'uxon ta yo'tanic soc te ya sch'uhunic spasel te mandariletic cu'une.

Isaías 30:6

Te sc'op jalwanej ta stojol te chambahlametic ayic ta Neguev: Ta lumq'uinal yu'un uts'inel soc wocol, ta banti ay chojetic soc me' chojetic, ti'awal chanetic soc chanetic te ya xwihlic, tey ya yich'ic bahel ta burrohetic te sc'ulejalic, te bintic tsobil yu'unic ya yich'ic bahel ta sc'ujulil spat camellohetic, ya yich'ic bahel ta jun pueblo te ma xtuhun yu'unique.

Isaías 48:10

Ilawil, la jlecubtesat, pero ma hichuc te bin ut'il plata; la jtsajat ta horno yu'un wocol.

Jeremías 11:7

C'alal bin ora la jloq'ues tal ta sq'uinal Egipto te ame'atatic c'alal ora ini ma ba quechajon ta stsitsel, hich la jcalbe: A'iybon awa'iyic te jc'ope, xchihon.

Jeremías 24:7

Ya ca'be yo'tanic te ya sna'bonic jba te ho'on Jehovahon. Ha pueblo cu'un ya xc'ohtic soc ho'on Dioson yu'unic ya xc'ohon, como spisil yo'tan ya me suhtic tal ta jtojol.

Jeremías 26:13

Lecubtesahic te behetic awu'unic soc te awa'telic, ch'uhumbeyahic te sc'op te Jehová, te Dios awu'unique; hich ya sut sc'op te Jehová ta spasel te bin chopol yaloj te ya spasbeyexe.

Jeremías 30:22

Hich pueblohex cu'un ya xc'ohex, soc ho'on Dioson awu'unic ya xc'ohon, xchi.

Jeremías 32:28

Ha yu'un hich yaloj te Jehová: Ya me cac' ta sc'ab te caldeohetic soc ta sc'ab Nabucodonosor te pueblo ini, ha me ya yu'untay.

Jeremías 38:20

La sjac' te Jeremías: Ma ba ya yac'at ta sc'abic. Ch'uhumbeya sc'op Jehová te la jcalbatix awa'iy, hich lec ya xc'ohat soc hich ya xcuxajat.

Ezequiel 11:20

scuenta yu'un ya st'unic te mandariletic cu'un soc ya sch'uhunic spasel te chapbil mandariletique. Ha pueblo cu'un ya xc'ohtic, soc ho'on Dioson yu'unic ya xc'ohon.

Ezequiel 14:11

scuenta yu'un ma ba ya xcha'loc' xan ta jtojol te sna Israel, soc ma ba ya sbohlobtesix sbahic yu'un spisil stoybahilic. Ha pueblo cu'un ya xc'oht soc ho'on Dioson yu'unic ya xc'ohon, xchi te Jehová, te Ajwalil.

Ezequiel 36:28

Ya xnahinex ta q'uinal te la jca'be te ame'atatique; ha'ex pueblohex cu'un ya xc'ohex soc ho'on Dioson awu'unic ya xc'ohon.

Ezequiel 37:23

Ma ba ya sbohlobtesix xan sbahic ta scuenta te loc'ombahetic yu'unic, te bintic ilobtic sba soc te toybahil yu'unique. Ya jcoltay loq'uel ta spisil te toybahil yu'unic te la sta smulic yu'un, ya jpocticlan. Ha pueblo cu'un ya xc'ohtic, ho'on Dioson yu'unic ya xc'ohon.

Ezequiel 37:27

Ay ta yohlilic te banti ya xnahinon; ho'on Dioson yu'unic ya xc'ohon, soc ha pueblo cu'un ya xc'oht.

Daniel 3:26

Hich te Nabucodonosor nopoj bahel ta sti'il te horno banti yac ta tihlel c'ahc', hich la yawtay: Sadrac, Mesac, Abed-nego, a'batex yu'un te Dios te mero toyol ay, la'ic, loc'anic talel, xchi. Hich te Sadrac, Mesac soc Abed-nego loq'uic talel ta yohlil te c'ahc'.

Levítico 26:12

Ya xbehenon ta awohlilic, ho'on Dioson awu'unic ya xc'ohon soc ha'ex pueblohex cu'un ya xc'ohex.

Levítico 26:3

Teme yac at'unic te bintic caloj ta mandar soc teme yac atsahtayic ta pasel te mandariletic cu'une,

Zacarías 13:9

Te jtsal xan ini ya cotses ta c'ahc', ya jlecubtes hich te bin ut'il ya yich' lecubtesel te plata, ya jtsaj hich te bin ut'il ya yich' tsajel te oro. Ya sc'oponon ta jbihil, soc ho'on ya ca'iybe sc'opic. Hich ya cal: Ha pueblo cu'un, xchihon; hich me ya yal: Ha Dios cu'un te Jehová, xchi.

Zacarías 6:15

Te mach'atic namal ayic ya xtal scoltayic ta spasel te templo yu'un Jehová. Ta hich ora yac ana'ic te ticombilon tal ta atojolic yu'un te Jehová te scuentahinej spisil. Hich ya xc'oht ta pasel teme yac ach'uhumbeyic spasel te bin ya yal te Jehová te Dios awu'unique.

Zacarías 8:8

ya quic'ticlan tal yu'un ya xnahinic ta Jerusalén. Ha pueblo cu'un ya xc'ohtic, soc ho'on Dioson yu'unic ya xc'ohon ta smelelil soc ta scuenta spasel bin toj.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

2 Corintios 6:16

¿Bin ut'il te jun ya schap sc'opic te templo yu'un Dios soc te loc'ombahetique? Ha'ex templohex yu'un te cuxul Dios, hich te bin ut'il yaloj te Diose: Ya xnahinon soc ya xbehenon ta yohlilic; ho'on Dioson yu'unic ya xc'ohon, soc ha pueblo cu'un ya xc'ohtic.

Deuteronomio 11:27

ha bendición teme yac ach'uhumbeyic spasel te mandariletic yu'un Jehová te Dios awu'unic te ya calbeyex ta ora ini;

Deuteronomio 4:20

Pero te ha'exe la yiq'uex te Jehová, la sloq'uesex tal ta Egipto, ta horno yu'un taq'uin c'ohem, scuenta yu'un ha pueblo ya c'ohex yu'un, hich te bin ut'il ayex ta ora ini.

Deuteronomio 5:6

Ho'on Jehovahon te Dioson awu'un te la jloq'uesat tal ta Egipto te banti nahinat ta mosohil.

Hebreos 5:9

soc te c'alal ts'acal c'oht, ha J'ac'-colel c'oht scuenta sbahtel q'uinal yu'un te mach'atic ya sch'uhumbeyic smandar,

1 Samuel 15:22

Ha yu'un hich la sjac' te Samuel: ¿Ha bal c'ax lec xan yo'tan Jehová yu'un scohtol chic'bil mahtaniletic soc milbil mahtaniletic, te bin ut'il sch'uhumbeyel te sc'op Jehová? Ha lec xan a te xch'uhumbeyel smandar te bin ut'il a'beyel milbil mahtaniletic; soc ha lec xan a te a'iybeyel sc'op te bin ut'il sjuhp'el tuminchijetic.