Jeremías 11:2 - Bible in Tzeltal Bachajón

² A'iybeya awa'iyic bin ya yal te chapbil-c'op ini, soc halbeya ya'iyic spisil te winiquetic yu'un Judá soc te mach'atic nahinemic ta Jerusalén.

Bible in Tzeltal de Oxchuc y Tenejapa

² —Te israeletic ac'a yaiyic te bit'il ay sc'oplal te trato. Albeya te ants-winiquetic ta Judá soc ta Jerusalén,

Jeremías 11:2 ပူးပေါင်းရင်းမြစ်များ

2 Reyes 11:17

Patil te Joiada la schap sc'op soc Jehová, te ajwalil soc te pueblo te ha pueblo yu'un Jehová ya xc'ohtic. Soc la schap sc'opic te ajwalil soc te pueblo.

2 Crónicas 23:16

Hich te Joiada la schap sc'op soc spisil te pueblo soc te ajwalil, te ha pueblo yu'un Jehová ya xc'ohtic.

2 Crónicas 29:10

Ha yu'un yo'tic ho'on jnopoj te ya jchap jc'op soc Jehová te Dios yu'un Israel scuenta yu'un hich ya xloc' bahel a te yilimba ta jtojoltic.

2 Crónicas 34:31

Teq'uel te ajwalil ta yawil, la schap sc'op soc Jehová te ya me st'umbe sbe Jehová soc ya scanantay te mandariletic, te testigo-c'op soc te chahpambil mandariletic ta spisil yo'tan soc ta spisil sch'uhlel, ya sc'ohtes ta pasel te bin ya yal te chapbil-c'op te ts'ihbabil ta libro.

Éxodo 19:5

Ha yu'un teme yac awa'iybonic jc'op soc teme yac ac'ohtesic ta pasel te chapbil-c'op cu'une, ha'ex me tsahbil c'ulejalil cu'un ya c'ohex ta yohlil spisil te pueblohetic; como ho'on cu'un spisil te bahlumilale.

Jeremías 11:1

Ha ini te sc'op Jehová te tal ta stojol Jeremías:

Jeremías 11:6

Hich la yalbon te Jehová: Puca ta halel spisil te c'opetic ini ta pueblohetic yu'un Judá soc ta callehetic yu'un Jerusalén, hich me xawal: A'iybeya awa'iyic sc'oblal bin ya yal te chapbil-c'op ini soc ch'uhunahic spasel.