Jeremías 11:16 - Bible in Tzeltal Bachajón

¹⁶ Ha yaxal olivo soc buen t'ujbil sit, xchi abihil yu'un te Jehová. Pero ta scuenta tulan xju'et yic'al la ya'be sc'ahc'al, soc la swac'ticlambe te sc'abc'abe.

Bible in Tzeltal de Oxchuc y Tenejapa

¹⁶ Ta neelal jo'on Ajwalilon la cac'bey sbiilin: “Spimil yabenal olivo te t'ujbil scuchojic ta jyalel te sit te'”. Yan ta ora yo'tic, ya jchic'bey te yabenal ta swenta stulanil yip te chawuquetique, soc ya jecbey te sc'abc'abe.

Jeremías 11:16 ပူးပေါင်းရင်းမြစ်များ

Job 8:16

Hich c'ohem te bin ut'il yaxal te' te ts'umbil ta c'ahc'alel, te ya spuc bahel sba ta nichimaltic;

Salmos 52:8

Pero te ho'one, hichon bin ut'il yaxal olivo ta sna Dios; ha smuc'ul co'tan sbahtel q'uinal te sc'uxul yo'tan te Diose.

Salmos 80:16

¡Set'bilix te ts'usubil, la yich' chiq'uel ta c'ahc'! ¡Lajic ta utel awu'un te pueblo awu'une!

Salmos 80:17

Ac'a ac'ab ta stojol te winic te ay ta swa'el ac'ab, te snich'an winic te la awac' ipajuc.

Salmos 83:2

Como yac ta c'op te acontratac, shachoj sjolic te mach'atic ya sp'ajat.

Isaías 27:11

Te c'alal ya xtaquij te sc'abc'ab, ya yich'ic wac'ticlanel, soc ya xtal antsetic, ya stsumbeyic sc'ahc'al. Como ha pueblo te ma sna' q'uinal; ha yu'un te Jpaswanej yu'unic ma ba ya xna'bot yo'bolil sba yu'un, ma ba ya xc'uxultayot yu'un te Mach'a pasot yu'une.

Jeremías 2:21

La jts'unat hichuc tsahbil ts'usub, ta spisil lequil sbac' ts'unubil. ¿Bin ut'il ay a te c'atp'ujat ta jtojol ta yan ts'usubil?

Jeremías 21:14

Ho'on ya ca'beyex castigo, hich te bin ut'il ya sc'an te sit te awa'telique, xchi te Jehová. Ya ca'be sc'ahc'al te tohyem te'etic awu'unic te ya schic' spisil ta sjoyobal, xchi.

Jeremías 7:20

Ha yu'un hich yaloj te Cajwaltic Jehová: Te sc'ahc'al co'tan soc te quilimba ya xmahl cohel ta stojol te lugar ini, ta stojol te ants-winiquetic, chambahlametic, te'etic ta q'uinal soc ta sit awal-ts'unubileic. Ya xtihl, ma ba ya xtup', xchi.

Oseas 14:6

Ya slim bahel te sc'abc'ab, te yutsilal hich ya xc'oht te bin ut'il te olivo, soc te sumet yic' hich te bin ut'il te Líbano.

San Mateo 3:10

Te echej chapalix yu'un sbojel te slohp' te te'etique. Ha yu'un spisil te te'etic te ma ba lec sit ya yac' ya yich' ts'etel soc ya yich' otsesel ta c'ahc'.

San Juan 15:6

Te mach'a ma ba jc'axel ya yac' sba ta jtojol, hich c'ohem te bin ut'il sc'ab te ya yich' ch'ayel loq'uel soc ya xtaquij; ya yich' tsobel ochel ta c'ahc', ya xlaj ta c'ahq'uel.

Deuteronomio 28:40

Aunque ay olivohetic awu'un ta spahmal aq'uinal, ma ba yac ajax aba ta aceite yu'un, como ya xluhbaj cohel te site.

Apocalipsis 11:4

Te cheb testigohetic ha te cheb olivo-te' soc te cheb yawil c'ahc' te tec'ajtic ta stojol te Ajwalil yu'un te bahlumilale.