Jeremías 10:9 - Bible in Tzeltal Bachajón

⁹ Ya yich' tal tembil plata ta Tarsis soc oro ta Ufaz; ha ya'tel te jten-taq'uin soc j'ultesej-taq'uin; ya ya'beyic slap yax soc chi'in-yaxal c'u'ul, ta spisilic chahpambilic yu'un te mach'atic ya sna'ic spasele.

Bible in Tzeltal de Oxchuc y Tenejapa

⁹ Te awajcananic, plata nax ich'bil tel ta Tarsis soc oro te ich'bil tel ta Ufaz; ja' te pasbilic yu'un te mach'atic ya sna'ic spasele, ja' te jpas-plata-taq'uinetique. Te sc'u'ic, te morada sbonilic soc te tsaje, ta spisilic chajbanbilic ta swenta te mach'atic c'aemic ta spasele.

Jeremías 10:9 ပူးပေါင်းရင်းမြစ်များ

1 Reyes 10:22

Te ajwalil ay barcohetic yu'un Tarsis ta mar, soc te barcohetic yu'un Hiram. Oxoxeb to ha'bil ya xtal te barcohetic, ya yich'ic tal oro, plata, marfil, maxetic soc pavo real.

2 Crónicas 9:21

Como te barcohetic yu'un te ajwalil ya xbahtic ta Tarsis soc te a'batetic yu'un Hiram, soc ta oxoxeb ha'bil ya suhtic tal, ya yich'ic talel oro, plata, marfil, maxetic soc pavo real.

Salmos 115:4

Te loc'ombahetic yu'un te yantic pasbilic ta plata soc ta oro, ha ya'tel sc'ab winiquetic.

Salmos 72:10

Te ajwaliletic yu'un Tarsis soc yu'un ti'ti'maretic ya me yich'ic tal spatanic; te ajwaliletic yu'un Sabá soc Seba, ya me yich'beyic tal mahtaniletic.

Isaías 23:6

C'axanic bahel ta Tarsis, ahcanajanic, ha'ex te nahinemex ta ti'mar.

Isaías 40:19

Te mach'a ya spas loc'omba ya yuhltes ta c'ahc' te taq'uine, yan mach'a ya spots ta oro soc ya spasbe cadenahetic ta plata.

Ezequiel 27:12

Te Tarsis la ya'iy mambajel chombajel ta atojol yu'un te bayel ac'ulejal; la stojbat ta plata, hierro, estaño soc plomo yu'un te bintic ay awu'une.

Ezequiel 27:7

Te apac'al pasbil ta ch'albil lequil lino yu'un Egipto, yu'un ya xtuhun awu'un ta bandera; te awaxib-pac' yax soc chi'in-yax yu'un te ti'ti'mar yu'un Elisa.

Daniel 10:5

La jquil mohel, tey ay a jtuhl winic slapoj lino pac' soc te schuquil-ch'uht pasbil ta oro te talem ta Ufaz.

Oseas 8:6

Como ha nix yu'un Israel te jcolel toro; pasbil yu'un mach'a ya sna' spasel, ma ha'uc Dios te toro. Ha yu'un ya me yich' wuyel te jcolel toro yu'un Samaria.

Jonás 1:3

Pero te Jonás loc' ta ahnel ta stojol Jehová, ya c'an bahtuc ta Tarsis. Hich co bahel ta Jope banti la sta jun barco te ya xbaht ta Tarsis. La stoj spasaje, och ta barco, yu'un ya sjoquin bahel ta Tarsis, namal ta stojol te Jehová.

Habacuc 2:19

¡Obol sba te mach'a hich ya yalbe te te': Cuxa awo'tan, soc te ya yalbe te ton te ma xc'opoj: Hahchan, te xchihe! ¿Ya bal xhu' ya xnohpteswan? Aunque potsbil ta oro soc ta plata, mayuc sch'uhlel.