Jeremías 10:18 - Bible in Tzeltal Bachajón

¹⁸ yu'un hich yaloj te Jehová: Ta ora ini hich ya jch'oj bahel te bin ut'il jihmuch'il te mach'atic nahinemic ta lumq'uinal; ya cac'ticlambe tulan swocolic scuenta yu'un ya ya'iyic, xchi.

Bible in Tzeltal de Oxchuc y Tenejapa

¹⁸ Melel te Cajwaltic la yalbeyex ac'oplalic: “Ja' in ora to najt' me ya jch'oj loq'uel te mach'atic yajwal te lumq'uinal. Ya me cac' c'axuc swocolic, ya me quil teme ma teyuc ya sleonic a”, xi' ac'oplalic yu'un —xi' te j'alwaneje.

Jeremías 10:18 ပူးပေါင်းရင်းမြစ်များ

Isaías 22:17

Ilawil, te Jehová namal ya sch'ojat bahel; ya me smacbat asit awelaw.

Jeremías 16:13

Ha yu'un ya jloq'uesex bahel ta q'uinal ini, ya xbahex ta q'uinal te ma ba ana'beyejic sba, ha'ex ni ha'uc te ame'atatic, tey yac awich'ic a'batinel c'ahc'al ahc'abal yu'un te yantic diosetic yu'unique; ma ba ya jc'uxultayex.

Jeremías 22:26

Ya cac' te yac awich' chuquel bahel, ha'at soc anan te la yayintesat, ta yan q'uinal ta banti ma ba tey ayinex a, tey ya xchamex a.

Jeremías 23:20

Te yilimba Jehová ma xquehchaj ha to c'alal ya xc'oht ta pasel te bintic snopoj ta yo'tan. Ta patil bahel ya me xc'oht ta awo'tanic.

Ezequiel 6:10

Ya me sna'ic te ho'on Jehovahon; ma tojoluc nax te la jcal te ya cac' tal ta stojolic te bin chopol ini, xchi.

Sofonías 1:17

Ya ca'be swocol te ants-winiquetic, hich ya xbehenic te bin ut'il ts'o'sitetic, como la sta smulic ta stojol Jehová. Ya xmalbot sch'ich'elic hich te bin ut'il ts'u'lum, soc te sbaq'uetalic hich te bin ut'il tsa'.

Zacarías 1:6

Pero te c'opetic soc te mandariletic cu'un te la jcalbe ta mandar te jalwanejetic te a'batetic cu'un, ¿ma bal la stahic te ame'atatique? Ha yu'un la suhtes yo'tanic te ame'atatic, hich la yalic: Te Jehová te scuentahinej spisil hich la spasbotic te bin ut'il la sc'an te behetic soc te a'teliletic cu'untique, xchihic.

Deuteronomio 28:52

Ya me sjoytaylan ta ya'beyel guerra spisil te pueblohetic awu'un ha to c'alal ya xhemts'uj cohel ta spisil aq'uinal te ts'ahquetic te ha toyol soc te ay yipic, te ha smuc'ulinej awo'tan. Ya sjoytaylan ta ya'beyel guerra spisil te pueblohetic ayic ta aq'uinal te la ya'bat Jehová te Dios awu'une.

1 Samuel 25:29

Aunque ay mach'a ya snutsat yu'un ya sc'an ya smilat, te scuxlejal te cajwal jun ya xc'oht soc te mach'atic cuxulic ta stojol Jehová te Dios awu'une; soc ya me sch'oj bahel te scuxlejal te acontratac hich te bin ut'il ton ta jihmuch'il.