Jeremías 10:16 - Bible in Tzeltal Bachajón

¹⁶ Ma hichuc ay te Mach'a yu'un Jacob, como ha Jpaswanej yu'un spisil te bintic ay, soc te Israel, te ha mero yu'un stuquel; ¡Jehová te scuentahinej spisil, xchi te sbihile!

Bible in Tzeltal de Oxchuc y Tenejapa

¹⁶ Mero yan yilel stuquel a te Dios yu'un Jacob, jchicnanteswanej yu'un spisil te bitic aye. La stsa Israel te mero yu'un stuquele. “Ajwalil te Spisil ya xju' yu'un”, xi' te sbiile.

Jeremías 10:16 ပူးပေါင်းရင်းမြစ်များ

Salmos 119:57

Te bin ay cu'un, ha'at Jehová, calojix ta jamal te ya jch'uhun spasel te ac'ope.

Salmos 135:4

como te Jehová la stsa Jacob te ha yu'un ya xc'oht, la stsa te Israel scuenta yu'un ha sc'ulejal ya xc'oht.

Salmos 142:5

Ya cawtayat, Jehová; hich ya cal: Ha'at ahnibalat cu'un soc te bin ay cu'un ta yohlil te mach'atic cuxulic, xchihon.

Salmos 33:6

Ta scuenta te sc'op te Jehová la yich' pasel te ch'ulchan, spisil te bintic ay tey a pasbilic ta yic'al ye.

Salmos 73:26

Te jbaq'uetal soc te co'tan ya xlajic, pero ha yip co'tan te Diose, soc te bin ya quich' hilel sbahtel q'uinal.

Salmos 74:2

Na'a me te pueblo awu'un, te mambil awu'un ta namey, ha te la acoltay loq'uel tal yu'un ha schahpal ya xc'oht awu'un; na'a me te wits Sión te banti nahinemat.

Éxodo 19:5

Ha yu'un teme yac awa'iybonic jc'op soc teme yac ac'ohtesic ta pasel te chapbil-c'op cu'une, ha'ex me tsahbil c'ulejalil cu'un ya c'ohex ta yohlil spisil te pueblohetic; como ho'on cu'un spisil te bahlumilale.

Éxodo 34:9

Hich la yal: Cajwal, teme melel lec c'ohemon ta atojol, ac'a sjoquinotcotic bahel te Cajwaltique. Aunque tulan yo'tanic te pueblo ini, pasbotcotic perdón yu'un te jchopolilcotic soc te jmulcotic, soc ic'awotcotic te ha awu'un ya xc'ohotcotique, xchi.

Proverbios 16:4

Ay scuentahil yu'un Jehová spisil bintic spasoj, ha nix hich la yich' pasel te mach'a chopol yo'tan yu'un ya xlaj ta yorahil jinel.

Isaías 19:25

como te Jehová te scuentahinej spisil ya me yac'ticlambe bendición, hich ya yal: Bayel me yutsil te Egipto te pueblo cu'un; soc te Asiria, ha te ya'tel jc'ab; soc te Israel, ha te bin ya xc'oht ta jcuenta, xchi.

Isaías 45:7

Ya jchahpan te sacal q'uinal soc ya jchicnajtes te yihc'al q'uinal, ya cac' lahmajuc q'uinal soc ya cac' taluc wocol. Ho'on Jehovahon ya jpas spisil ini.

Isaías 47:4

xchi te J'ac'aw ta libre cu'untic: te Jehová te scuentahinej spisil te sbihile, te Ch'ul Dios yu'un Israel.

Isaías 47:6

Ilinon ta stojol te pueblo cu'un, la jbohlobtesbe sc'oblal te bintic ay cu'un, la jcac' ochuc ta ac'ab, ma ba la ana'be yo'bolil sbahic; la awa'be ta stojol mamaletic te yugo awu'un te mero al.

Isaías 51:15

Como ho'on Jehovahon te Dioson awu'un, te ya jyuc' te mar soc ya cac' ya x'awon te stselajan, ha Jehová te scuentahinej spisil te jbihile.

Isaías 54:5

Como ha amamalal te Jpaswanej awu'un, ha Jehová te scuentahinej spisil te sbihile; te J'ac'aw ta libre awu'un, ha te Ch'ul Dios yu'un Israel, te Dios yu'un spisil te q'uinal, xchi te sbihile.

Jeremías 10:12

Dios la spas ta yu'el te lumq'uinal, ta scuenta sbihil la ya'be yich' yip te bahlumilal soc ta scuenta sp'ijil yo'tan la slim bahel te ch'ulchane.

Jeremías 10:6

Mayuc mach'a pajalat soc, Jehová, muc'at atuquel, soc ay bayel yu'el te abihile.

Jeremías 31:35

Hich yaloj te Jehová, te ya yac' te c'ahc'al scuenta sacal q'uinal ta c'ahc'alel, soc te ya yalbe mandar te u soc te eq'uetic te ya xtihlic ta ahc'abal; te ya ya'be stij sba te mar soc ya xc'opoj te tulan stselajan, ha Jehová te scuentahinej spisil te sbihile, hich ya yal:

Jeremías 32:18

Yac ac'uxultay bayel ta mil, soc yac awa'be castigo te yal-snich'nabic yu'un te bintic chopol spasojic te me'iltatiletique. ¡Muc' Diosat soc bayel awu'el, ha Jehová te scuentahinej spisil, te abihile!

Jeremías 33:2

Hich yaloj te Jehová, te la spas te bahlumilal, te Jehová te la schahpan soc la ya'be yich' yip, ha Jehová te sbihile:

Jeremías 46:18

Hich te bin ut'il smelelil te cuxulon, xchi te Ajwalil, te ha Jehová te scuentahinej spisil te sbihile, ay mach'a ya xtal te ha pajal soc Tabor ta yohlil te witsiltic, te pajal soc Carmelo ta ti' mar.

Jeremías 50:34

Pero te j'ac'aw ta libre yu'unic ha te mach'a ay yip; ha Jehová te scuentahinej spisil te sbihile. Ha me ya xc'opoj yu'unic scuenta yu'un ya ya'be scux yo'tan te q'uinal soc yu'un ya ya'be xiwel te mach'atic nahinemic ta Babilonia, xchi.

Jeremías 51:19

Ma hichuc ay te Mach'a yu'un Jacob, como ha Jpaswanej yu'un spisil te bintic ay, soc te Israel ha te jchahp te ha yu'un c'oht, ha Jehová te scuentahinej spisil te sbihile.

Lamentaciones 3:24

Hich ya cal ta co'tan: Te bin ay cu'un, ha te Jehová; ha yu'un ha smuc'ulinej co'tan stuquel, xchihon.

Amós 4:13

Te mach'a ya spas te witsiltic soc te ic', te ya ya'be sna' te ants-winiquetic te bin snopoj ta yo'tan, te ya yac' te ha yihc'al q'uinal ya xc'oht te sacubel q'uinal, soc te ya xbehen ta stoyolil te q'uinale, ha Jehová, te Dios te scuentahinej spisil te sbihile.

Zacarías 2:12

Te Jehová ya me yu'untay te Judá, ha te bin ya yich' hilel ta ch'ul q'uinal, soc yan buelta ya stsa xan te Jerusalén.

Deuteronomio 32:9

Como te bin ay yu'un Jehová, ha te pueblo yu'un, ha te Jacob, te ha yu'un c'oht.