Jeremías 10:11 - Bible in Tzeltal Bachajón

¹¹ Hich me xawalbeyic: Te diosetic te ma ba la spasic te ch'ulchan soc te bahlumilal, ya me xch'ayic ta jc'axel ta bahlumilal soc ta ye'tal ch'ulchan, xchihat.

Bible in Tzeltal de Oxchuc y Tenejapa

¹¹ (Ja'ex, israeletic, albeyaic te mach'atic ma'yuquic ta stojol te Diose: —Te diosetic, te ma ja'uc la spasic te ch'ulchan balumilal, ya me xch'ayic ta jc'axel ta balumilal; ni jtuluc ma xjilic ta yet'al ch'ulchan —xaex me.)

Jeremías 10:11 ပူးပေါင်းရင်းမြစ်များ

Salmos 96:5

Ha loc'ombahetic spisil te diosetic yu'un te pueblohetic, yan te Jehová ha la spas te ch'ulchane.

Isaías 2:18

Soc jc'axel ya xch'ay bahel spisil te loc'ombahetique.

Isaías 57:12

Ya jpuc ta halel te ma lecuc te bintic toj yac apas ta ac'op soc te awa'tele, te mayuc bin ya scoltayat a.

Jeremías 10:15

Ma xtuhun, tojol a'tel; ta yorahil yich'el castigo, ya xlaj.

Jeremías 43:12

Ya me ya'be sc'ahc'al te templohetic yu'un te diosetic yu'un Egipto; ya me ya'be sc'ahc'al soc ya me yic'ticlan bahel ta chuquel te diosetic yu'unique. Ya me spoc te sq'uinal Egipto hich te bin ut'il jtuhl jcanan-tuminchij ya sac' te sc'u'e, hich jun yo'tan ya xloc' bahel.

Jeremías 43:13

Ya me swuyticlan te bahlal tonetic yu'un Heliópolis te ay ta sq'uinal Egipto, soc ya me ya'be sc'ahc'al te templohetic yu'un te diosetic yu'un Egipto, xchi.

Jeremías 50:2

Pucahic ta halel ta stojol te nacionetic, a'beya sna'ic; toyahic bandera, halbeyahic sc'oblal, ma me xamuquic, hich me xawal: ¡Och ta c'abal te Babilonia! ¡Ay ta q'uexlal te Bel! ¡Nojel ta xiwel te Marduc! La yich'ic q'uexlaltesel te loc'ombahetic yu'un, jimbilic te sloc'ombahic, xchihex me.

Jeremías 51:18

Ma ba ya xtuhunic, ha te a'telil te ya xlabanot; ta yorahil castigo ya xlajic.

Lamentaciones 3:66

¡Nutsa ta sc'ahc'al awo'tan, Jehová, lajinlana ta ye'tal ch'ulchan!

Ezequiel 30:13

Hich yaloj te Jehová, te Ajwalil: Ha nix hich ya jinticlan te loc'ombahetic, soc ya jinticlan te loc'ombahetic yu'un Menfis; mayuquix bin ora te ay jcuentahinwanej ta sq'uinal Egipto, soc ya cac' xiwel tey a.

Sofonías 2:11

Te Jehová xiweltic sba ya xc'oht ta stojolic, ya sjinticlan spisil te diosetic ta q'uinal; spisil te nacionetic ta sti'il te q'uinal ya me squejan sbahic ta stojol tey nix ta banti ayique.

Zacarías 13:2

Ta hich ora, xchi te Jehová te scuentahinej spisil, ya jloq'ues ta q'uinal te sbihilic te loc'ombahetic, ma ba ya xna'otix; soc ya jloq'ueslan ta q'uinal te jalwanejetic soc te snopel bintic chopol.

Apocalipsis 20:2

La stsac te dragón, te antiguo chan, ha te pucuj o Satanás, la schuc lajunwinic yoxbahc' (1,000) ha'bil.

1 Samuel 5:4

Pero c'alal hahchic ta sab ta yan c'ahc'al pacal ta lum yan buelta te Dagón ta stojol te scaxahul te chapbil-c'op yu'un Jehová, soc te sjol te Dagón soc schebal sc'ab waq'uemic ta smarcohil te puerta; ha xanix wolol hilel smuc'ul te Dagón.